Skip to main content
100

Teknikimik Ilinniarfiksanasutut ilinniartitaanermut marlunnikfaglærerissarsiorpoq

Sanasuuit suliannut ima pikkoritsigisoq KTI Sanaartornermi Sisimiuniittumi ilinniartitsisinnaallutit? Unamminartunut nutaanut piareersimavit? Kalaallit Nunaanni sanasunngorniat ilinniartsikkusuppigit ? Taava tassaavutit ILLIT uagut sulisorerusutarput. Suliffimmik pissanganartumik neqerooruteqarpugut, ulluinnarni unamminartortalimmik.

Atorfiit pillugit:
Allatut oqaatigalugu … sanasuuguit pikkorissoq inuusuttunik inersimasunillu ilikkagaqarusussuseqartunik soqutiginnittunillu ilinniartitsinissamut sapiissuseqartuusoq, suliatigullu unamminartunik nutaanik misigisanillu nalissaqanngitsuusunik, allani misigisaqarfigisinnaanngisannik, misigisaqarusukkuit, taava uagut ilinnut pissanganarluinnartumik atorfigisassannik neqerooruteqarpugut.

Immaqa illit sanasutut misilittagaqarluartuuvutit, immaqa naammasseqqammersoq. Uagutsinnut pingaartuuvoq – aamma ilinniartunut – suliatigut pikkorissuunerit suliannillu ingerlatitseqqiinissamut perusussuseqarlutillu piginnaaneqaruit.

Neqeroorutigaavut:

  • Suliffik pissanganartoq nammineq suliassavit immersornissaanut periarfissaqartoq.
  • Inuussutissarsiormi pædagogikimut pikkorissarsimaneq, tamanna ingerlatereersimanngikkukku.
  • Ilinniarfik ineriartortoq kalaallini inuiaqatigiinni allaanerusumik iliuuseqarusussuseqartoq.
  • Suliatigut pikkorilluinnartut suleqatit.

Naatsorsuutigaarput:

  • Tulluartumik ilinniagaqartuunissat – teknikeritut ilinniagaqarnermik ilaqarnissaa iluaqutaassaaq.
  • Iluaqutaassaaq ikinnerpaamik ukiunik 2-5-nik sulinermik misilittagaqartuunissat
  • IT-mik piginnaaneqarnerit nalinginnaasumik atuisutut qaffasinnerusumik.
  • Pægagogiskiusumik suleqateqarnissamut akisussaaffittalimmut peqataanissannut sapiissuseqarnissat.
  • Marluinnik oqaaseqartuunissat iluaqutaassaaq (kalaallisut qallunaatullu).
  • Allanngortoqarnerani piareersimasuunissat ilinniarfimmilu ilinniartitsisunik tamanik suleqateqarnissamut sapiissuseqarnissat.
  • Oqaatsini ukunani pingasuuni ikinnerpaamik oqaatsinik marlunnik oqalussinnaanissat: tuluttut, qallunaatut aamma kalaallisut.

Teknikimik Ilinniarfiup, KTI-p, Inuussutissarsiornermi Ilinniartitaanerit (Saviminilerinermik Ilinniarfimmi) Nuummiittumi, kiisalu (Sanaartornermik Ilinniarfimmi) Aatsitassalerinermik Ilinniarfimmi aamma Sisimiuni Ilinniarnertuunngorniarfimmi ilinniartitaanerit ingerlatarai

Annertunersumik paasissutissat
Annertunerusumik paasissutissat pissarsiarineqarsinnaapput Ilinniartitaanermut pisortaq John Plambek telefon +299 86 76 00, e-mail jopl@kti.gl 

Atorfimmut atatillugu paasissutissat annertunerusut nittartakkatsinni takuneqarsinnaapput: www.kti.gl.

Kingusinnerpaamik qinnuteqaateqarfissaq tassaavoq 26. august 2019. Immitsinnut pisinnaatippugut qinnuteqaatit ingerlaavartumik sammisinnaanerannut.

Piffissaq atorfimmi aallartiffissatut naatsorsuutigineqartoq 01. September 2019, imaluunniit isumaqatigiissuteqarneq malillugu.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk