Skip to main content
89

Teknikimik Ilinniarfik sanasutut ilinniarfimmi faglærerimik sulisussarsiorpoq

Sanasutut pikkorissuuit? Suliannut imatut pikkoritsigivit KTI Sanaatornermi tamanna pillugu ilinniartitsisinnaallutit? Unammilligassanut nutaanut piareersimavit? Kalaallit Nunaanni sanasussanik ilinniartitserusuppit?

Allatut oqaatigalugu – sanasutut pikkorissuuguit suliat pillugu inussuttunik inersimasunillu pimoorussisunik soqutiginnittunillu ilinniartitsinissamik sapiissuseqaruit suliammilu nutaanik unammilligassaqarusukkuit, taava soqutiginartumik suliffissaqartippatsigit.

Suliannik ilisimasaqarluarnissat suliatillu pillugit ingerlatitseqqiisinnaassuseqarnissat uagutsinnut ilinniartunullu pingaaruteqarput.

Neqeroorutigaagut:

    Suliffik soqutiginartoq, suliap imaanik nammineerluni sunniinissamut periarfissalik

    Inuussutissarsiornermi Perorsaanermik Pikkorissarneq, taanna ingerlassimanngikkukku.
    Ilinniarfik ineriartortoq Kalaallit Nuaanni inuiaqatigiinni sunneeqataanissamut piumassuseqarfiusoq
    Suleqatit suliamik ingerlatsinermi qaffasissumik piginnaasallit.

Ilimagaarput:

    Suliamik ingerlatsinremik naleqquttumik ilinniagaqartutit – sapinngisamik teknikeritut ilinniarnermik ilallugu.
    Ukiuni arlalinni sulinermik misilittagaqartutit.

    Atuisuunermit annertunerusumik IT-mik piginnaasaqartutit.

    Pisussaaffiliisumik perorsaanermi suleqataarusuttutit.

    Tamatigoortuusutit ilinniarfimmilu ilinniartitsisunik tamanik suleqateqarusuttutit
    Oqaatsinit pingasunit ukuninnga ikinnerpaamik marluk oqalussinnaagitit: tuluttut, danskisut kalaallisullu.


Qinnuteqarnissamut piffissaliussaq : 24. novembari 2019

Saaffigisassaq: John Plambek
+299 86 76 00 - +299 53 28 24 – jopl@kti.gl
Atorfinitsitsinerup suussusaa:
Piffissaq tamakkerlugu suliffik

Atorfinitsitseriaaseq: Isumaqatigiissutit tunngavigalugit piumasaqaatit

Suliassaqarfik: Ilinniartitsineq perorsaanerlu



Uagut pilluta
Sanasutut ilinniarneq Teknikimik Ilinniarfimmi – Tech College Greenland (KTI) ilinniarfimmi ilaavoq. KTI najukkani marlunni inissisimavoq, Nuummi Sisimiunilu, ilinniartullu katillugit 650 missaannik amerlassuseqarput sulisullu 150-it missaaniillutik.

Ilinniarfik tallimanik immikkoortortaqarpoq:

    Saviminilerinermik ilinniarnerit, Nuuk

    Sanaartornermik ilinniarnerit, Sisimiut

    Aatsitassalerinermik ilinniarnerit, Sisimiut

    Ilinniarnertuunngorniarnerit (GUX), Sisimiut

    Oqaatsinik pikkorissarnerit


KTI tamakku saniatigut ARCTIC DTU Campus Sisimiut ingerlanneqarnera pillugu
Danmarks Tekniske Universitet-imik (DTU-mik) suleqateqarpoq.

Ilinniarfik ukiuni kingullerni soqutiginartumik ineriartornikuuvoq, ilaatigut ingerlatat annertusinikuullutik annertusaanissamillu ingerlaavartumik pilersaarutit suliarisarpagut.

Paasissutissat sukumiinerusut
Atorfik pillugu annertunerusumik paasisaqarusukkuit uuma attaviginissaanut tikilluaqqusaavutit: Ilinniartitsinermut pisortaq John Plambek oqarasuaat +299 867600 e-mail: jopl@kti.gl

Atorfik pillugu paasissutissat sukumiinerusut nittartakkatsinni takuneqarsinnaapput:
www.kti.gl.
 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk