Skip to main content
115

Teknikimik Ilinniarfik, KTI, ernæringsassistentinik tullersortimillu pissarsiorpoq

Teknikimik Ilinniarfik, KTI, Sisimiuniittoq ernæringsassistentinik tullersortimillu kollegiap kantiinaani aammalu KTI kantinaani, sapinngisamik pilertornerpaamik imaluunniit isumaqatigiinnikkut sulilersussanik pissarsiorpoq. 

Teknikimik Ilinniarfiup EUD-mi ilinniakkat (Saviminilerinermik) Nuummi ingerlatarai, kiisalu EUD (Sanaartornermik), Aatsitassalerinermik aamma Ilinniarnertuunngorniarfik (GUX) Sisimiuni ingerlataralugit. Taakku saniatigut Teknikimik Ilinniarfiup Sisimiuni kollegiat ingerlataralugit.

Kollegia pillugu
Kollegiami init/inissiat 670-it missaanniipput. Kollegiap illuutaani qitiusumik igaffeqarpoq pikkorissartunik sullissineq annertunerpaamik ingerlataralugu kiisalu kantiinamik ingerlatsineq ilinniarfimmiittoq. Kollegiamut attaveqarputtaaq pedelit aamma eqqiaasut. 

Suliassat pingaarnerpaat:

  • Nerisassat allattorlugit pilersaarusiornermi aamma nioqqutit nakkutigineranni peqataaneq
  • Ilinniartut, atuarfimmi najugaqartut kiisalu atuartut,  120-200-t ullormut nerisassaat piareersarneranni peqataaneq
  • Inuussutissaqarluartunik nerisassanik ineriartortitsinermi peqataaneq aamma nerisassiornermut ilitsersuusiorneq kiisalu aningaasartuutinik naatsorsuusiorneq
  • Igaffiup imminut ingerlannerata nakkutigineqarneranik naammassinninnissamut qulakkeerinneqataaneq
  • Sullissinermi, eqqiaanermi aamma erruinermi kiisalu suliassanik takkuttunik suliaqarnermi peqataaneq.


Suliatigut pikkoriffiit aamma piginnaanerit:

  • Illit inuussutissalerinermi assistentitut ilinniagaqartuunerit imaluunniit cateringimi aamma igaffimmi assistentitut
  • Inuusuttunik sullissinermik nuannarisaqartuunerit
  • Peqqinnartunik aamma assigiinngisitaartunik nerisassanut piginnaasaqartuunerit
  • Imminut nakkutiginninnermik tamatuminngalu pingaartitsinermik paasinnittuusutit
  • Aningaasartuutinut, pitsaassutsip pingaaruteqarneranik aamma avatangiisinut ilisimasaqartuunermik qitiutitsisuusutit
  • Isumannaatsuunissamik / sullivimmi avatangiisinik qitiutitsisuusutit.

Inuttut piginnaasat:

  • Pillagaasimannginnermut allagartaq
  • Pitsaassutsimik pingaartitsineq
  • Sullisserusussuseqarneq aamma suliamik aallussineq
  • Marluinnik oqaaseqarneq, kalaallisut aamma danskisut, kisianni piumasaqaataanani
  • Aalajaatsuuneq aamma sulisunik allanik suleqatiginnikkusussuseqarneq

Atorfik pillugu paasissutissat allat igaffimmi aqutsisumut Aasaf Olsenimut, telefon +299 86 76 40-mut imaluunniit kollegiami pisortamut Paninnguaq Heilmann telefon 86 76 42-mut sianerluni saaffiginninnikkut pissarsiarineqarsinnaapput.    

Nittartagarput qimerlooruk: www.kti.gl
Aammattaaq illoqarfiup nittartagaa qimerlooruk: www.qeqqata.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Juulip qaammataani feeriartoqartassaaq ilinniarfik aasaanerani matoqqanerani.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput. 

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat. 

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk