Struktøriuit qarmaasuuilluunniit pikkorissoq, suliannut ima pikkoritsigaatit Sanaartornermi Ilinniarfimmi Sisimiuni inuusuttut inersimasullu ilinniartissinnaallugit?
Issittumi Sanaartortut ilinniakkamut ilinniartitsisumik pissarsiorpugut, suliaqarluarnermik pingaartitsisumik aammalu suliatigut tulluusimaarnermik tunniussinissamut kissaateqartumik aaammalu kalaallinut inersimasunullu ilisimasanik ingerlatitserusuttumik.

Atuartitsinermik misilittagaqaruit iluaqutaassaaq, kisianni piumasaqaataanngilaq.

Sanaartornermi Ilinniarfik Teknikimik Ilinniarfiup (KTI) immikkoortortaraa nutaaliatullu aamma ilinniarfiuvoq isumalluuteqarluartoq pisarialinnik tamanik aammalu atuartitsinermi atortut nutaaliaallutik sanavillu aaqqissuulluagaalluni. Atuarfik ineriartortuartuuvoq inuiaqatigiinnilu pisariaqartinneqartut kissaatigineqartullu malillugit alliartorluni.

Atorfik pillugu
Ilinniartitsisut allat peqatigalugit atuartut ilinniarnerisa ingerlarngat ineriartortissavat siunertaralugu sanaartortut pikkorissut ilinniartinnissaat, suliffeqarfiit piumasaqaataannut naleqquttut.

Neqeroorutigaavut

• suliffik pitsaasoq tunniusimasunik suliatigut qaffasissumik pitsaasumik sulisulik
• piffissaq suliartorfik naatsorsuutigineqarsinnaasoq, kiisalu suliffimmi ilaqutariittullu inuuneq oqimaaqatigiittoq
• inuussutissarsiutinut sammiveqartumik ilinniagaq, tamanna naammassisimanngikkukku
• suliffik unammillernartulik aammalu suleqatigiit oqaloqatigiinnermik suleqatigiinnermillu pingaartitsisut.
• atorfiup imarisaanik isumassarsiorlutit nammineerlutit periarfissarsiorsinnaasutit
• atuarfik ineriartorfiuvoq kalaallit nunaanni inuiaqatigiinni allannguinissamut piumassusilik
• Kalaallit Nunaanni illoqarfiit anginerpaat aappaani (inuttaasut 10.000-ingajaat) inuuneq, UNESCOp Nunarsuarmi kingornussanut eriagisanut Aasivissuit Nipisap eqqaani inissisimasoq, inuiaqatigiinni ingerlalluartuni, pisiniarfilimmi, peqqissaavilimmi, meeqqeriviit atuarfiillu
• kulturikkut misigisassat ilaatigut Arctic Sound festival aamma Arctic Circle Race nuna aamma pinngortitaq annertuumik oqaluttuassartalik unammilligassaqarluartoq, ulluinnarlu eqeersimaarfiusoq, nukissaqarfiusoq allarpassuillu. 

Naatsorsuutigaarput, illit

• struktøreritut qarmaasutulluunniit suliatigut naleqquttumik ilinniagaqarsimasutit – ajornanngippat ingerlaqqiffiusumik/ teknikeritut ilinniarsimasutit
• piumassuseqartuusutit suliassannullu aamma ulluinnarni akisussaaffimmik tigusisinnaasutit
• IT-mik atuisinnaasut
• sammisaqarnermut ukkassisuusutit suleqatinillu qanimut suleqatiginninnissamut piumassuseqartutit, tunngaviusumik ilinniarnermi, atuagarsornermi annermi aamma atuarfimmi pikkorissartitsinerullu iluani atuartitsinermi ineriartortitsinermilu suliassatigut aaqqissuteqarnerit pillugit
• minnerpaamik oqaatsit tulliuttut pingasut oqaaseraatit: tuluttut, qallunaatut kalaallisullu.

Atorfinitsitsinermi qaammatit pingasut sulinermik misiliiso qarnissaa kissaatigaarput.

KTI pillugu – Inuussutissarsiornermik ilinniarfik aamma Ilinniarnertuunngorniarfik
Teknikimik Ilinniarfik ilinniarfiuvoq 150-it missaannik sulisulik, Nuummi Sisimiunilu inuussutissarsiutinut ilinniakkanik saviminilerinermut, sanaartornermut, aatsitassalerinermut, oqaatsinillu pikkorissarnermut kiisalu ilinniarnertuunngorniarnermut GU, GUX, e-GUX aamma Nordatlantisk gymnasieklasse.
KTI Danmarks Tekniske Universitet - ARCTIC – DTU ingerlatsinermi suleqatigiinnermut isumaqatigiissuteqarfigaa, ingeniøritut ilinniakkat marluk pillugit aamma Maskinmesteruddannelsen København, Maskinmesteritut ilinniagaq pillugu.
Taassuma saniatigut KTI-p ilinniartunut inissiat 360-it missaanniittut Sisimiuniittut ingerlanneqarnerat akisussaaffigaa.

Paasissutissat allat
Atorfik pillugu paasisaqarnererusukkuit, saaffiginninnissannut tikilluaqqusaavutit, uunga: Ilinniarfimmi pisortat John Plambek oq.: +299 861600 - 532824 e-mail: jopl@kti.gl
imaluunniit Inspektøri Jesper Berg Severinsen oq.+299 861636, e-mail: jese@kti.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Qinnuteqaat nassiuguk