Skip to main content
136

Dette jobopslag er udløbet

Minesvend / entreprenørsvend-imi assigusumilluunniit – Unamminartumik kissaateqarpit? Greenland School of Minerals & Petroleum – KTI - Aatsitassarsiornermik Ilinniarfik Sisimiuni faglær-itut ineriartortikkusuppaatit

Faglærinik pikkorissunik sulisoqalernissarput kissaatigaarput minesven, entreprenørsvend assigisaanilluunniit tunngasumut, suliffeqarfimmi naatsorsuutivut eqquutsinneqarnerisigut.
Ilinniartinneqarnissarnut ikorfartorneqarnissarnullu neqeroorfigineqassaatit, saniatigut perorsaanermut tunngasumik ilinniartinneqassallutit (Pædagogisk uddannelse).

Pingaaruteqarputit!
Aatsitassarsiornermik Ilinniarfik Kalaallit Nunaanni ineriartornera annertusiartorpoq, KTI-ip pingaartitaanut ilaammat inuiaqatigiit pisariaqartitaat kissaataallu aallutissallugit, taamaattumik minesven / entreprenørsven-imi assigusumilluunniit ilinniartitsisussamik projektinillu ingerlatsisartussamik ujaasivugut.

Faglæritut Greenland School of Minerals & Petroleum-imi ilisimasatit inersimasunut atuartunullu inuusunnerusunut ingerlateqqinnissaat soqutigisarisuuat, naammassinerilu atuartut atuarnerini ineriartorneratigut takusinnaassavatit. Ineriartortitseqataassaatit atuarfik ikiorlugu, taamaasilluta atuarfimmik  pitsaanerpaamik isumannaatsumillu sanaartornermi minedriftillu iluanni pilersitseqataassallutit.
Aatsitassarsiornermik Ilinniarfimmi neqeroorutigineqartarput: inuussutissarsiornermik Ilinniarneq pikkorissarnerillu olie, mineral- entreprenør-illu iluanni internationaalimik suliffeqarfimmik ukkatarisaqartumi.
Atuarfiup suliniutaani internationaalimik atuarfeqarnissaq anguniagaammat naatsorsuutigissavat ilinniaqqinneq ilinniaqqinnerluunniit nunani allani ingerlanneqarsinnaammat.  

Naatsorsuutigaarput:
Ilinniarsimasuusutit misilittangaqarlutillu piginnaaneqartutit ukua iluanni:

  • Entreprenør maskiinaataannut angisuunut.
  • Qaartiterinermik suliaqarneq.
  • Entreprenør suliarisartangaannut.
  • Uuttortaanermi nalerisaanermi GPS-imilu.
  • Pilersaarusiornermi, sanaartornermi ingerlatsinermilu.
  • Beton-imillu suliaqarnermi.

- taavalu illit:

  • suleqatigiinnermi piginnaasaqarnissat.
  • pilersaarusiormermi sillimaniarnermullu annertuumik ukkatarisaqarnissat.
  • danskisut, Kalaallisut tuluttullu piginnaasaqarsinnaavutit.

Neqeroorutigaangut:

  • Ilinniarneq tapersersorneqarnerlu suliffimmi ineriartornermi.
  • Suliffik pissaganartoq internationaaliusoq.
  • Suleqatit pitsaasut faglæritut ingerniøritullu tunuliaqutillit.
  • Perorsaanermik Ilinniarneq ukiut siulliit marluk suliffeqarnermi perorsaanermi misilittangaqanngikkuit (pædagogisk erfaring).
  • Nittaattartumiissaatit pinngitsoornak ukioq misigissavat, pinngortitaq assigiinngitsorpassuarnik tunniussassalik misigissavat, Kalaallit Nuanaata pinngortitaa aasaq ukiorlu nuannersumik misigisaqarfigisaqarfigissavatit.

Ulluinnarni sulinermut attuumassuteqartunik avitseqatigiinneq pingaartitaraangut, ilinniartitsisutut sunniuteqarninni aamma suleqataaninni assigusumik sunniuteqaqataasussaangavit. Siammasissumik akimullu suleqatigiinnermi sulliveqarnissaq kissaatigaarput.    

KTI – Aatsitassarsiornermik Ilinniarfik pillugu paasissutissat
KTI – Aatsitassarsiornermik Ilinniarfik ullutsinnut malinnaasuuvoq nutaalianik atuartitsinermi atortuutilik pisatserluakkanillu sannavilik. Atuarfik ineriartortuartuuvoq, ingerlaavartumillu inuiaqatigiit pisariaqartitaat kissaataallu malinnaavigalugit ingiaqatigalugillu ingerlalluni.
KTI – Aatsitassarsiornermik Ilinniarfik Teknikimik Ilinnarfik, KTI-miittumi immikkoortortaqarfianiippoq.
KTI ilinniarfeqarfiuvoq Nuummi Sisimiunilu inuussutissarsiornermik illinniarfinnik assigiinngitsunik neqerooruteqartuusoq uku iluanni: Savimminilerineq, Sanaartorneq, Aatsitassalerineq, Oqaatsinik pikkorissarneq, Ilinniarnertuunngorniarneq - GU, GUX, e-GUX, Atlantikup avannarpasissuani ilinniarnertuunngorniarfiit klassit, adgangskursusit ingeniørinngorniarnermi maskinmesterinngorniarnermilu ilinniarfiit.
KTI ingerlatsinermi suleqateqarpoq, Danmarkimiit Teknisk Universitet – ARCTIC – DTU, ingeniøritut ilinniarfik, Maskinmesterimillu ilinniarfik Københavnimiittoq.  
Taakku saniatigut KTI ulluinnarni ingerlatsinermi ca. 360-inik kollegiaqarpoq Sisimiuni inissisimasunik.
Ilanngullugit takusinnaavat LinkedIn-imi profiilerput
 - https://www.linkedin.com/company/greenland-school-of-minerals-&-petroleum/
Qinnuteqarfissaq kingulleq:   05.06.2022 -  qinnuteqartut ingerlaavartumik suliarisarpagut.

Sulilerfissaq: 01.08.2022 - isumaqatigiissuteqarnikkut pissaaq.

Kissaatingaarput sulilernermiit qaammatit pingasut misiliummik sulineq ingerlanneqaqqaassasoq.

 

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk