Skip to main content
98

Dette jobopslag er udløbet

KTI Sisimiuniittoq issittumi sanaartornermi sulisartut ilinniarfiat sanaartornermi ilitsersuisutut beton-imilluunniit sanaartornermik misilittagalimmik områdelederitut atorfik inuttassarsiuunneqarpoq

Ilinniarfiit sisamat 2021-imi aallartisalerpavut, aallartisarnitsinnilu områdelederimik sanaartornermi ilitsersuisumik beton-ilerinermilluunniit sanaartornermi misilittagalimmik ilinniarfik aqutsisussamik pissarsiorpoq.

Pikkorissarnernut pimoorussilluni ingerlatanut tamakkiisumillu ilinniarnermi soqutiginnillutit atuartitsisoorusukkuit, aammalu pikkorissarnissanut assigiinngitsunut atuartitsinermilu sakkussanik ineriartortitsinermut soqutiginnikkuit atorfimmut piukkuppatsigit.
  Atorfik pillugu Sanaartornermik Ilinniarfik Sisimiuniittoq Teknikkimik Ilinniarfiup KTI -ip immikkoortortaata ataani inissisimavoq, tassunga aamma Aatsitassanut Ilinniarfik, Ilinniarnertuunngorniarfik, kiisalu Saviminilerinermik Ilinniarfik nuummiittoq tassunga atapput.
  Atuarfik ilinniarfeqarfiuvoq nutaaliaasoq sunik tamanit atuartitsinermi atortunit isariaqartitanit pilik, aammalu sanavinnik atortorissaartunik peqarpoq, taamattaaq inuiaqatigiit isariaqartitaat aallaavigalugit ilinniarfissanik nutaanik ineriartortitsillutalu siammasissumik atuartitaanikkut siuarsaajuarpugut.
  Ilinniartitaanerit naatsut eqqarsaatigalugit områdelederitut ulluinnarni Sanaartornermik Ilinniarfimmi sulisut qanimut suleqatigeqqissaarlugit sulineq ingerlanneqassaaq.
  Atuartitsinermi assassornikkullu atuartitsinermut atatillugu, pilersaarusiornernut, ineriartortitsinermut, aaqqissuussinernut ingerlatsinermilu inaarsaanernut nalilersuinernullu peqataasassaatit. Naatsorsuutigissavat aamma suliassanik allanik, soorlu KTI tamaat eqqarsaatigalugu assigiinngitsunik suliniutinik ineriartortitsinermut tunngasunik suliaqartarnissaq.
  Issittumi sanaartornermi sulisartussat ilinniartitaanerat tamakkiisumik ilinniarfiuvoq, ilinniarneq Teknikkimik Ilinniarfiup suliffeqarfinnut namminersortunut neqeroorutigisassavaa. Issittumi sanaartornermi sulisartussat ilinniarfiat maannamut immikkut sammivilersukkanik sisamanik ilinniarfissatut neqerooruteqarpoq:
  • Toqqavissanik kuitsiviliornerit
  • Ingitserinerit
  • Qalialersuinerit
  • Iikkat marrianit sanaat & Qaasernartuleriffiillu

Naatsorsuutigaarput:
  • Pineqartumut atatillugu ilinniagaqartuussasutit sanaartornermut ilitsersuisutut beton-ilerinermulluunniit tunngasumik, ajornanngippallu teknikkimut tunngasumik ilinniarsimasuussasutit.
  • Ilinniartitsissutigineqartussanut atuartitsinermut assassornermullu tunngasunik piginnaaneqarluartuussasutit.
  • Qarasaasiamik nalinginnaasumik tuisinnaanerup saniatigut annertusisamik piginnaaneqartutit. 
  • Sungiusimassagit assigiinngiaartunik suliaqarsinnaaneq, ulluinnarnilu sulinerit aaqqissuussaalluartumik ingerlassinnaagit.
  • Atuartitsinermik pilersaarusiornermik taassumalu ingerlannissaanut misilittagaqareersinnaasutit.
  • Ajornanngippat marlunnik oqaaseqartuusutit (kalaallisut qallunaatullu).
  • Ilinniarfik tamaat isigalugu ilinniartitsisut tamaasa sapiissuseqarlutit eqaatsumik suleqatiginniffigisinnaagitit
  • Oqaatsit pingasut pineqartut iluini minnerpaamik marlunnik oqaaseqartuussasutit: tuluttut, qallunaatut kalaallisulluunniit.

Inuttut inissisimaffiit eqqarsaatigalugu inuusuttunik sulissininni unamminartut taakkulu ilinniagaqarnissaannik kaammattuinerit sulinikkut kajumissuseqalertitsinermik nassataqarnera misigissavat. Ammasuuvutit suleqatiginninnissamik ujartuisoq, teknologiimut tunngasunik, inunnik inuiaqatigiinnilu pissutsinik soqutiginnillutit
suleqataarusuttoq. Uummaarissumik allanngorarfiusumik sulinissat ujartorlugu ornigisaqartuunissat teknologimik suliffeqarfiullu aaqqissuussaaneranik, suleqatit allat akimorlugit ilinniagaqassutsikkut peqateqarlutit sulinissat nukittuffigissagit naatsorsuutigaarput.
  Neqeroorutigaarput Periarfissinneqarputit kalaallit nunaanni sanaartornikkut atorfik aqqutigalugu ineriartortiseqataanissannut ilinniarfiillu
sisamat nutaat pilersinneqartut aallaqqaataanit sunniuteqarfiginissaanut. Suliffik sulianut teknologiimullu tunngasunik angusaqarluarusuttunut ineriartorfissatut tikkuussisoq.
  Ullup suliffigisap allanngorartuunissaa, illillu atuartitsininni aqutsininnilu nammineerlutit sunniuteqarfigisannik sulisarnissat pingaartipparput. Siammasissumik suleriaaseqarluni atuartitsinissaq suleqatiginnikkut, ilinniartut qitiutillugit ilinniartinneqarnissaat ilinniartitsisullu piginnaanngorsartuarnissaata ineriartortinnissaa, perorsaanikkut, ingerlatitseqqiinikkut atuartitsinikkullu patajaatsumik ineriartortinneqarnissaat kissaatigaarput. Nukittuumik
suleqatigiinnikkut inissisimanissaq pingaartitaraarput, eqaatsumik nuannersumillu suliffeqarfiup avatangiiseqarluni ingerlanissaa, atuartitsinikkullu nutaaliaasunik atortorissaartup attatiinnarnissaanik pingaartitsisuuvugut.
  Sulilerfissaq: 1. februar 2020 imlt. isumaqatigiissuteqareernikkut.
  Annertunerusumik paasissutissat Atorfik pillugu annertunerusumik paasisaqarusukkuit Ilinniartitaanermi pisortaq John Plambek e-mail: jopl@kti.gl imlt. oqarasuaat : +299 867630 aqqutigalugit attavigineqarsinnaavoq.
  Qinnuteqaat Qinnuteqaat ilinniarsimanermut uppernarsaatinik sulisimanermilu allanik takussuserlugu nassiunneqassaaq.
Qinnuteqarfissaq kingulleq nallersimalerpat naatsorsuutigaarput
atorfik pillugu qinnuteqartunik oqaloqateqartarnissarput, ataavartumilli qinnuteqartut suliarinissaanut pisinnaatippugut.
  Paasissutissat annertunerusut perusukkukkit:
Nittartagarput alakkaruk: www.kti.gl
Kommuunip nittartagaa aamma alakkaruk: www.qeqqata.gl



Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk