Skip to main content
76

Dette jobopslag er udløbet

Kontorfuldmægtig naatsorsuutinik allaffissornermillu suliaqartoq

Teknikimik Ilinniarfik, KTI Sisimiut, Sisimiuni allaffitsinni pingaarnermi 1.06 2021 imaluunniit isumaqatigiissuteqarneq naapertorlugu atorfinittussamik naatsorsuuserinermik allaffissornermillu suliaqartussamik sulisussarsiorpoq.
Teknikimik Ilinniafik Namminersorlutik Oqartussat najukkani Nuummi Sisimiunilu Saviminilerinermik, Sanaartornermi, Aatsitassaqarnermik, Ilinniarnertuunngorniarfinnik aamma oqaatsinik pikkorissarnernik, ARTIC DTU peqatigalugu ingerlanneqartut, inuussutissarsiutitigut ilinniartitsinerit ataanniippoq.
Taakkua saniasigut KTI-p ilinniartut ineqarfii Sisimiuniittut 360-it missaanniittut ingerlanneqarnerat akisussaaffigaa.

KTI ukiuni kingullerni sammisat tungaasigut pissanganartumik ineriartorpoq, tassani ilinniarnissani pikkorissartitsinerit arlallit isissutaasinnaasut neqeroorutigineqartalerput.

Sisimiut allaffissornermi sulisut ima agguataarsimapput: Allaffimmi aqutsisoq ataaseq, allaffissornermi sulisut arfineq-marluk, kiisalu ilinniarnerminnut atatillugu sungiusartut marluk.

Pingaarnertut akisussaaffiit suliassallu:

  • Ulluinnani aningaasanik naatsorsuuserineq (bogholderi)
  • Kasse-mut isertitanik naligiissaarineq (afstemning)
  • Aningaaserivimmut/Bank-imut isertunik naligiissaarineq (afstemning)
  • Sullitanik kiffartuussineq
  • Karsimiittuutinik kisitsineq
  • Suliassat assigiinngitsut takkussuuttut, ilaatigut sulisunut angalanissanik unnuinissanillu inniminniineq aamma angalasimanerannik naatsorsuineq


Piginnaasat

  • HK/TNI-mik assigisaanilluunniit aningaasaqarneq naatsorsuuserinerlu pingaarnerutillugit ilinniagaqarneq
  • Naatsorsuuserinermi sukumiisumik misilittagaqarneq
  • Aningaasaqarnermi IRIS-imik Ledelsesinfo-millu ilisimasaqarneq pitsaassuussaaq
  • Akisussaassuseqarneq aamma pitsaassunik suleqatigiinnermi piginnaasaqarneq +
  • EXCEL-imik sukumiisumik ilisimasaqarneq
  • Marluinnik oqaaseqarneq, kalaallisut aamma qallunaatut


Neqeroorutigisinnaavagut

  • Suleqatit pikkorissut sulilluartullu
  • Pikkorissarnikkut ilinniaqqinnikkullu inuttut suliallu tungaasigut ineriartorneq
  • Atuarfik siuariartortoq
  • Ineriartornermut illit nammineerlutit unammilligassarpassuarnik pissanganartunik sunniisinnaaneq.


Kissaatigaarput atorfininneq qaammatini pingasuni misileeqqaarnermik aallartinneqassasoq.

Paasissutissat sukumiinerusut:
Atorfik pillugu paasisaqarnerorusukkuit, allaffimmi aqutsisup Flavia Lyberth, oqarasuaat 861644 attaviginissaannut tikilluaqqusaavutit.
 
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk