Skip to main content
72

Dette jobopslag er udløbet

Ilinniartitsisoq KTI Aatsitassarsiornermik ilinniarfimmi ilinniakkamut ilinniartitsinissamut tulluuttumik ilinniagalik - Greenland School of Minerals & Petroleum

Massakkoqqissaaq Kalaallit Nunaanni aatsitassanik suliniuteqarneq qaffakkaluttuinnarpoq.
Aatsitassarsiornermik Ilinniarfiup inuiaqatigiit pisariaqartitaat piumasaallu malimmagit qaartiteraluni ilinniarsimasumik imaluunniit sanaartukkanik isumaginnittartumik pissarsiorpugut, assigusumilluunniit ilinniagalimmik ilinniarfimmi ilinniartitsisinnaasumik suliniutinillu suliaqarsinnaasumik.
Aatsitassanik Ilinniarfik uulia, atortussiassat sanaartungassanillu suliassinneqartartut ilinniarnermik pikkorissaanernillu neqerooruteqartarpoq nunat assigiinngitsut akornanni sulinermi avatagiisit ukkataralugit.
Ilinniarnermi nunat assigiinngitsut akornanni pissutsit malinneqassammata, naatsorsuutigissavat nunani allani ilinniaqqinneq piginnaasanillu qaffassaaneq periarfissaammata.

Naatsorsuutigaarput:
Ilinniangaqarlutit piginnaasaqarlutillu ukunani:

  • Sanaartorluni maskiinat atorneqartartut angisuut.
  • Qaartiterisartoq.
  • Sanaartornermi suliakkerneqartartoq.
  • Uuttortaaneq nalerissaanerlu.
  • Beton-ilerisartoq.


- illillu:

  • Suleqatigiissinnaasutit.
  • Isumannaatsumik pilersaarusiorlutit piviusunngortitsisinnaasutit.
  • Qallunaatut, kalaallisut tuluttullu ajornanngippat oqalussinnaasutit.


Neqeroorutigaavut:

  • Nunat tamalaat naleqqersorlugit suliffeqarfik pissanganartoq.
  • Suleqatit ilinniarsimasut ingeniørillu.
  • Ukiuni marlunni siullerni atorfininnermi ilinniartitseriaatsimut pikkorissarneq, ilinniartitsinermik misilittangaqariinngikkuit.
  • Qularnanngitsumik aput qaqqorissoq pinngortitarsuarlu periarfissarpassualik Kalaallit Nunaata misiginissaanik periarfissiisoq, aasakkut ukiukkullu.


Ullut suliffiusut allanngorartut pingaartippavut, illit ilinniartitsisutut nammineq suliassarnut sunniuteqassallutit. Atituumik susassaqarfiit akimorlugit suleqatigeerusuppugut.

KTI Aatsitassalerinermik Ilinniarfik pillugu
KTI Aatsitassalerinermik Ilinniarfik ilinniarfiuvoq nutaaliaq pisarialinnik nutaalianik ilinniartitsinermi atugassanik tulluulluinnartunik sannavilik. Ilinniarfik ineriartortuaannavissuuvoq inuiaqatigiillu pisariaqartitai piumasaalu malillugit ilaartorneqarluni.
KTI Aatsitassalerinermik Ilinniarfik Teknikkimik Ilinniarfiup immikkoortortaqarfiisa ilagaat.
KTI Namminersorlutik Oqartussat ataaniippoq, Nuummi Sisimiunilu ilinniarfinnik periarfissaqartitsilluni Saviminilerinermik Ilinniarfik, Sanaartornermik Ilinniarfik, Aatsitassarsiorneq, Oqaatsinik Pikkorissaavik kiisalu ilinniarnertuunngorniarfiit GU, GUX, e-GUX Nunanilu Avannarlerni Ilinniarnertuunngorniarfik.
KTI-p Danmarks Tekniske Universitet suleqatigaa - ARCTIC – DTU, ingeniørinngorniarfiit marluk. Tamakku saniisigut ilinniartut ineqarfii 360 missaat Sisimiuni nakkutigisaralugit.

Qinnuteqarfissap killiga: 18.04.2021– qinnuteqaatit takkuttut ataavartumik suliarisassuagut.
Kissaatigaarput atorfininneq qaammatini pingasuni misileeqqaarnermik aallartinneqassasoq.

Ulloq atorfiniffik: 01.06.2021

Paasissutissat allat
Atorfik pillugu paasissutissanik annertunerusut pissarsiarineqarsinnaapput Ilinniarfimmi aqutsisumut Hans Hinrichsen-imut saaffiginninnikkut, telefon +299 532988 imaluunniit e-mail aqqutigalugu allalluni hahi@kti.gl imaluunniit Curtis Chapman +299 867638 cuch@kti.gl.

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

 

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk