Skip to main content
92

Dette jobopslag er udløbet

Ernereerluni sulinngiffeqartumut taartaasussaq Aatsitassarsiornermik ilinniarfik - Greenland School of Minerals & Petroleum

Sisimiunut ilinniartitsisussamik Arktiskingeniørimik imaluunniit mineingeniørimik pissarsiorpugut
Aatsitassarsiornermik Iliniarfik Sisimiuni sanaartornerup aatsitassarsiornerullu iluani sulialinnut ilinniartitsisussarsiorpoq sulinngiffeqartumut taartaasussamik. Taartaaffissaq aallartissaaq februarip 15-iani 2021 naatsorsuutaavorlu ukiup sinnerani taartaanissaq.

Aatsitassariosrnermik Ilinniarfimmi atuartitsisuuneq
Uagutsinni atuartitsitsisutut pingaaruteqarpoq inersimasut inuusuttullu ilinniartinnissaa soqutigissagitit.

Ilinniarfiup qullersai ilinniartitsisullu allat suleqatigisinnaanissat naatsorsuutigaarput taamattaarlu
piginnaasatit ilinniartunut avitseqatigisassallugit, taamaasillutit taakku suliaminnut atatillugu pikkorissartuarnerat takussutissatut uuttortaatigisinnaassallugu. Aatsitassalerinermik Ilinniarfik ikiorluassavat taamaasillutillu teknologimiut tunngasuni atuartitsinermilu ineriartorneq qaarusummi sanaartornerullu iluani ingerlatsisunut sallersaallutit peqataassallutit.

Pingaaruteqarpoq ilinniarluarsimasuunissat, piginnaasatillu piumassuseqarluarlutit ingerlateqqikkusussagitit.

Nunarsuarmioqataanermi piginnaasaqarneq misigissuseqarnerlu taamattaarlu inuusuttunik suleqateqarusunneq soorunami piginnaasatut pingaarnertut atuartitsinermi inissisimapput.

Naatsorsuutigaarput:

  • Issittumi- imaluunniit mineingeniøritut atuagarsorlutit sulillutillu misilittagaqartutit sanaartornerup iluaniit imaluunniit ingeniøritut siunnersuisoqarfimmi sulisimallutit.
  • Projektiliornerit misilittagaqarfigivatit, taakkunanilu maskiinarsuit sullivinni atortakkat qillerutillu misilittagaqarfigalugit.
  • Minnerpaamik ukiuaaluit sulereersimassaatit.
  • Oqaatsit inunnguutsivit saniatigut aamma tuluttut oqalussinnaallutillu allassinnaassasutit.


Sulianut atatillugu makku paasisimasaqarluarfigissavatit:

  • IT-lerinermi atortut suliannut attuumassutillit
  • Isumannaallisaanermut tunngasut.
  • Nunap qaani iluanilu qaartiterinerit
  • Geologi, geoteknik toqqaviillu
  • Qaqqanik isumannaallisaaneq (sikringsarbejde/bjergmekanik)
  • Aqqusinniorneq sanaartorfigiuminarsaanerlu
  • Nakkutilliineq aamma pitsaassusilerineq
  • Nunamik narlorsaanermut uuttortaanermullu atortut
  • Pilersaarusiorneq rapportilerinerlu


Aatsitassarsiornermik ilinniarfik Greenland School of Minerals & Petroleum KTI-mut atasuuvoq.

Aatsitassalerinermik Ilinniarfik Teknikimik Ilinniarfiup ilagaa, Nunatsinni marlunni
assigiinngitsuni inissisimavoq: Nuummi Sisimiunilu. Ilinniarfiit makkuusut: Saviminileriq, sanaartorneq, oqaatsinik pikkorsissarneq aammalu gymnasiami ilinniarnerit GUX, e-GUX nordatlantisk gymnasialu.

Taakku saniatigut KTI-p Danmarks Tekniske Universitet (DTU) ARCTIC DTU Campus Sisimiut ingerlanneqarnera suleqatigaa.

Aatsitassalerinermut Ilinniarfiup pikkorissarnerit allagartartaarfiusartut neqeroorutigisarpai, anguniagaraalu taakku inuussutissarsiornerup iluani nunarsuarmi sumiluunniit atorsinnaasatut neqeroorutigissallugit.

Aatsitassalerinermut Ilinniarfiup misileraaffingaatsiarsuaq misileraaffigisarpaa, tassani
atuarfiup maskiinaatai atortussaataalu, angissusissamissut angitigisut, misilerartarlugit,
taamattaarlu suliassat (projektit) assigiinngitsut.

KTI ilinniarfeqarfiuvoq pissanganarluinnartumik ineriartorfissamik periarfissalik, pikkorissartitsisarlunilu piginnaasat pingaarutilinnut.

Piumassuseqarlutillu piginnaasaqarpit taava nunami tupinnartorsuarmi assigiinngitsorpassuarnullu periarfissalimmi Aatsitassalerinermik Ilinniarfimmi qaffasissumik ilinniartitsineq peqataaffigilersinnaavat, atorfissaqartippatsigit.

15. februar 2021-imiik 2021 naanissaata tungaanut taarsaasinnaanissat kissaatigaarput.

KTI inissaateqarpoq.

Atorfik pillugu annertunerusumik paasisaqarusukkuit taava ilinniartitaanermi qullersaq
Uddannelseschef Hans Hinrichsen, telefon +299 58 45 60 - e-mail hahi@kti.gl
imaluunniit Inspektør Curtis Chapman, telefon +299 867638 – cuch@kti.gl
attavigisinnaavatit.

Nittartagarput alakkaruk uani www.kti.gl

Illoqarfiup nittartagaa uani takusinnaavat: www.qeqqata.gl

Kalaallit Nunaat pillugu paasisaqarusukkuit uani atuarsinnaavutit
www.naalakkersuisut.gl

Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.

Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk