Skip to main content
127

Dette jobopslag er udløbet

Utoqqarnut tunngasunik suliassaqarfimmi innersuussisartoq/ Job nr. 417/21

Kommuneqarfik Sermersooq, Suliffeqarnermut Isumaginninnermullu Ingerlatsivik, Utoqqarnut tunngasunik suliassaqarfik

Utoqqarnut tunngasunik suliassaqarfimmi innersuussisartoq

Innersuussisartumik pikkorissumik kajumissuseqarluartumillu piaartumik atorfinittussamik utoqqarnut tunngasunik suliassaqarfik sulisussarsiorpoq. Innersuussisartuni suleqataasutut ullut pissanganartuupput suliassallu tamatigoortuullutik ilaatigut suliatigut inuttullu ineriartornissamut periarfissaqarluarluni.

Innersuussisartup utoqqarnut tunngasunik suliassaqarfimmi assigiinngitsunik innersuussillunilu kiffartuussineq suliarisarpai, ilaatigut utoqqaat angerlarsimaffiannut, angerlarsimaffimmi ikiorteqarnissamut sungiusarnermut qasuersaarnissamullu innersuussisarluni. Immikkoortortaqarfik pingasunik sulisoqarpoq, innersuussisartut marluk kiisalu innersuussisartuni allaffimmioq. Inuiaqatigiit ukiortussusaata annertusiartorneranut atatillugu utoqqarnut innersuussisarnissaq annerusumik pisariaqartinneqalerpoq, taamaattumik innersuussisartunngortussaq sisammiutaassaaq. Atorfik piffissaq tamakkiisumik atorfiuvoq kiisalu utoqqarnut tunngasunik suliassaqarfimmi fagchefi qaninnertut qullersarissallugu.

Innersuussisartutut suleqatit innuttaasunut utoqqarnut kommunimit neqeroorutinik innersuussisarneq pillugu qanimut suleqatigisassavat. Saniatigut utoqqarnut tunngasunik suliassaqarfimmi immikkoortortat sinneri qanimut suleqatigineqassapput, ilaatigut puiguttortunut ataqatigiissaarisut utoqqarnullu tunngasunik suliassaqarfimmi immikkoortortanut aqutsisut. Innuttaasunik utoqqarnik taakkulu ilaqutaannik suleqateqarnermut kajumissuseqarnissat, aamma ulluinnarni assigiinngitsunik suleqateqarnermi nalerisimanissaat pingaaruteqarpoq.

Kommunimi utoqqaat pillugit politikkit ilaat naapertorlugu piginnaanngorsaaneq sulinitsinni atugarivarput taamaalillutalu aamma innuttaasut namminneq sapinngisamik sivisunerpaamik angerlarsimaffimmiinnissaannut ikorfartuisarluta. Suleriusitta ineriartornissaat ataavartumik sulissutigaarput, innuttaasut pitsaanerpaamik siunissami inuunerannut ulluinnaannullu atugassaqartitsinissaannut periarfissagissaassaatit.

Utoqqaat kommunimi neqeroorutinut innersuuttarnerisa saniatigut innuttaasunut napparsimmavinni katsorsarneqarlutik naammassineqareersunut innersuussisartut attaveqaataasarputtaaq.

Atorfiup imarai:
Innersuussisartumik pikkorissumik kajumissuseqarluartumillu piaartumik atorfinittussamik utoqqarnut tunngasunik suliassaqarfik sulisussarsiorpoq. Innersuussisartuni suleqataasutut ullut pissanganartuupput suliassallu tamatigoortuullutik ilaatigut suliatigut inuttullu ineriartornissamut periarfissaqarluarluni. Innersuussisartutut innersuussinerit, suliassat akisussaaffiillu pingaarnerit akisussaaffigissavatit.

  • Kommunip akuerisamik allattorsimasuutai kiisalu inatsisit atuuttut malillugit sulineq ikiorsiinerlu
  • Assigiissaakkamik suliassamullu naapertuuttumik sullissinissaq qulakkeerlugu
  • Innuttaasut inatsisitigut isumannaatsuunissaasa qulakkeerneqarnera
  • Nammineq suliatigut tunngasunik ineriartornissaq peqataaffigalugulu akisussaaffigalugu
  • Suliassat paasiuminaatsut aaqqissuunneri
  • Peqqinnissaqarfimmit nakorsaniillu paasissutissanik naapertuuttunik pissarsiniarnerit
  • Innuttaasunik qanigisaasunillu kommunip neqeroorutaanik innersuussinissamut oqaloqatiginninneq
  • Ingerlaavartumik innuttaasunik malitseqartitsineq nalileeqqinnerlu

Suliassat utoqqarnut tunngasunik suliassaqartitsiviup immikkoortortai allat, suleqatigiit pillorissaasut, sullissisut peqqinnissaqarfimmi suleqatigisat qanimut suleqatigalugit suliarineqartarput.

Pingaartipparputtaaq:

  • Peqqissaasutut ilinniagaqarsimanissat peqqinnissamut tunngasunik tunuliaqutaqartutit
  • utoqqarnik sullissinermi misilittagaqarnissat
  • Arlalissuarnik suleqateqallaqqissuunissat
  • Aalajaatsuunissaq, pitsaassutsimik ilisimasaqarluarneq annikitsualunnillu maluginiaasinnaaneq
  • Ataatsimut takunnissinnaaneq attatiinnarlugu arlalinnik suliaqarsinnaaneq
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaaneq
  • Namminersorlutit sulisinnaanissat akisussaassuseqarlutillu
  • Ulluinnarni ulapaarfiusuni ukkassilluni aaqqissuussaasumillu sulisinnaassuseqarneq
  • Kalaallisut qallunaatullu oqalussinnaaneq

Neqeroorutigaavut:

  • Suleqatit nuannaartut pikkorissullu
  • Atorfik suliassanik unammillernartulik namminerlu suliassanik sunniuteqarfigisinnaasaq.
  • Kommune immikkoortullu akimorlugit suleqatigiiffiusoq
  • Suliffik pissanganartoq ammasorlu
  • Atorfik tamatigoortoq unammillernartunillu suliassartalik

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, PPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 417/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 4. august 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Isabella Schluchtmann
Telefon: +299 368165
Nittartagaq: http://www.sermersooq.gl
Qinnuteqaat nassiutiguk