Puigortunngortunut ataqatigiissaarisumik atorfinitsitsineq pissaaq 1 Marts 2023 imaluunniit isumaqatigiissuteqarnikkut

 

Peqqinnissamut tunngasumik ilinniagaqarpit puigortunngornerlu pillugu suliassaqarfimmi misilittagaqarlutit, saniatigullu kommunimi tamatigoortumi ingerlalluartumilu ataqqinninnermik, akisussaaffimmik ineriartornermillu tunngaviusumik qitiutitsisumi suliffeqarnissamik kissaateqarpit, taava puigortunngortunut ataqatigiissaarisutut atorfik ilinnut naleqquppoq.

 

Utoqqarnut tunngasuni sullissiviup ataani atorfinissaatit, tassani puigortunngortunut ataqatigiissaarisoq alla peqatigalugu, suleqatigiit innersuussisartunik, angerlarsimaffimmi ikiorteqartitsivik, angerlarsimaffimmi peqqissaasut kiisalu pillorissaasut timimillu sungiusaasut suleqatigissavatit.

 

Puigortunngortunik ataqatigiissaarisut Kommuneqarfik Sermersooq tamakkerlugu suliassaqarfeqarput, kommunimilu illoqarfiit nunaqarfiillu tamakkerlugit angallaffiusarluni.

 

Sapaatip akunneranut: akunnerit 40-t sulisoqartarpoq

 

Illit suliassatit:

• Kommuneqarfik Sermersuumi puigortunngortunik suliassaqarfiani pitsaasutsimik ineriartortitsinissamillu qulakkeerinninnissaq.
• Innuttaasut puigortunngortut qanigisaasunillu siunnersuineq aqqutissiuussinerlu.
• Innuttaasut puigortunngortut nappaatimik suussusersisimasut/puigortunngortut ersiuteqartut pitsaasumik ikiorserneqarlutik tapersersorneqarlutillu sullinneqarnissaanik qulakkeerinneqataaneq. Isumaginninnikkut sullinneqarnissamut iliuusissatut pilersaarutinik suliaqaqataaneq.
• Innuttaasut ataasiakkaat pillugit utoqqarni suliassaqarfimmi sulisut tapersersorlugit avitseqatigalugillu.
• Qaammatikkuutaartumik sulisunut nutaanut puigortunngortarneq pillugu paasititsineq.
• Utoqqarnik suliassaqarfimmi isumassuisarfimmilu sulisut puigortunngortunik suliassaqarfinni piginnaanngorsaqqinnissaat qulakkiissallugu.
• Suliffeqarfitsinni angerlarsimaffimmilu ikiorteqarfimmi soorlu inuunermi oqaluttuassanut eqqaamasanullu tunngasunik ulluinnarni sullinneqarnermi sakkussanik pisarialinnik atuutsitsilerneq qulakkeernissaa.
• Puigortunngortunut Ilaqutaasunullu Café
• Innuttaasut puigortunngornermik nappateqalersimasut qanigisaanik attaveqaqatigiissitsinernik pilersitsineq.
• Inuiaqatigiit akornanni puigortunngorneq pillugu ilisimatitsineq.
• Namminersorlutik Oqartussanit puigortunngornermik nappaatilinnut pilersaarutip malinneqarnissaa/atuutsinneqalernissaa qulakkiissallugu.
• Suliassaqarfiit akimorlugit suleqatigiinneq.
• Uppernarsaasiorneq.
• Puigortunngortunut tunngasunut suliassat allat.

 

Pingaartipparput illit.

• Puigortunngortunut tunngasunik suliassaqarfimmi misilittagaqartutit.
• Nassuiaallaqqissuseqartutit.
• Suleqatigiuminartuusutit
• Namminersorlutik aaqqissuussamillu sulisinnaassasutit.
• Tatiginassuseqartutit erseqqarissumillu pissuseqartutit/attaveqariaaseqartutit.
• Kajumissaarilluarsinnasutit.
• Innuttaasut piginnaasaanik tappittutit taakkualu ineriartortinnissaanik siunnerfeqarlutit sulissuteqarsinnaasutit.
• Naliliisinnaassuseqarluartutit.
• Nutaaliorsinnaassuseqarlutit isumassarsiullaqqissutit.
• Ulapaarfinni ataatsimut isiginnittaassuseqarsinnaasutit.
• Pissutsinut allanngorarsinnaasunut tulluarsarsinnaasutit.
• Ulluinnarni allanngorartunut naleqqussarsinnaasutit.
• Innuttaassut ataasiakkaat ataqqillugit inissaqartissinnaagitit.
• Tatitusutit.

 

Neqeroorutigaavut:

• Suliassanut ilisaritsitsineq pitsaasoq.
• Atorfik namminersorfiusoq suliassanik nammineq aaqqissuussinissamik periarfissalik.
• Suliatigut siunersioqatigiinneq
• Piginnaasanik pisarialinnik ineriartortitsinissamik periarfissalik.
• Ilinniaqqinnissamut periarfissaqarluartoq.
• Suleqatitsialaat.

 

Annertunerusumik paasisaqarusukkuit:

Annertunerusumik paasisaqarusukkuit pisortaq Arnannguaq Heilmann Christensen attavigisinnaavat uunga oqarasuaat +299 36 81 42 imaluunniit e-mail-imut uunga: arch@sermersooq.gl

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sundhedsassistentit Peqatigiiffiata IMALUUNNIIT Peqqissaasut Kattuffiata (PK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

Qinnuteqaat:

Qinnuteqaat qulequtserlugu Atorfiup ilisarnaataa 24/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: februaarip 2.-at, 2023

Atorfik una qinnuteqarfigiuk