Skip to main content
118

Dette jobopslag er udløbet

Utoqqaat Illuat Nuuk Igaffimmi aqutsisumik pissarsiorpoq / Atorfiup nr. 573/21

Utoqqaat Illuat igaffimmi aqutsisumik/igasumik aqutsinermik misilittagalimmik pissarsiorpoq.

Utoqqaat Illuat Kommuneqarfik Sermersuumi Nuup illoqarfiani suliffeqarfiit nutaannginnerit ilagaat taannalu tallimanik immikkoortortaqarpoq, najugaqartut agguataarsimallutik 19-nut 5+5+3 kiisalu piffissami sivikitsumi innuttaasut qulingiluat qasuersertinneqartarlutik. Ulloq unnuarlu angerlarsimaffiuvugut taamaammallu suleqatigiiaat pingasut paarlakaallutik sulisarput.  Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut. Immikkoortut tallimat saniatigut aamma sammisassaqartitsiveqarpoq, errorsisarfeqarpoq, igaffeqarpoq, pedeleqarluni kiisalu biilertoqarluni.

Najugaqartut atuisullu nerisassaasa inuussutissaqarluarnerisa saniatigut takujuminartuunissaat kajungernartuunissaallu pingaartipparput. Nerisassat inuunermut naleqartupilussuupput.

Suliassat:
Ullormut ineqartunut, atuisunut pajuttakkanut sulisunullu nerisassat kissartut 120 missaannut, iffiallu qallersukkat aamma akunniliussassat nerisassiarineqartarput. Peqqissartunut nerisassat amerlasuut assigiinngitsut immikkoortortaniit inniminnikkat nerisassiarineqartarput, taamatuttaaq immikkoortortaniit inniminnikkat illullu sinnerani inuuissiortunut, ataatsimiinnernut ingerlatanullu allanut nerisaqartitsineq.

Atorfik ulloq naallugu suliffiuvoq, sap. ak. akunnerit 40-t, pisiffissaq suliffiusoq nalinginnaasumik 7-15-iuvoq, sapaatip-akunnerisa naaneri allortarlugit ukiullu ingerlanerani nalliuttuni sulisarnissaq naatsorsuutaasinnaalluni.

Suliassat:

Naatsorsuutigaarput illit:

  • Nerisassiornermut assistentitut igasutulluunniit ilinniagaqarsimassasutit.
  • Aqutsisutut tunuliaqutaqarluartoq – utoqqarnik sullissinerup iluani misilittagaqaruni pitsaassalluni
  • Aningaasaqarnermut pitsaasumik aqutsilluarsinnaasoq
  • Kalaaliminernik sassaalliinissamut pingaartitsisoq misilittagalik
  • Sapinngisamik Kalaallisut oqaaseqartuunissaa, kultur-itsinnillu paasinnittuussasoq pingaaruteqarpoq
  • Sulisunut tamanut maligassiuisutut piginnaanilik
  • Ammasumik, agguataarinermik aqutsinermik suliaqarusuttoq
  • Aqutsisooqatigiinnik ineriartortitsinermi pimoorussilluni peqataarusuttoq
  • Eqinnaatsoq, tunniusimasoq, sungiussiasoq, iliuuseqallaqqissoq aammalu ”aporfiit pinnagit periarfissat isiginiarneqassasut” isumaqartoq
  • Anguniagaqarluarnissamik eqqarsartaaseqartoq aammalu suliat qaffasinnerpaamik pitsaassuseqartillugit piviusunnogrtinneqartarnissaannik ujartuisartoq
  • Suleqatinik immaqalu ilinniartunik ilitsersuinermik, oqaloqatiginninnermik piginnaanngorsaanernillu misilittagaqartoq
  • Igaffimmik, iganermik kiisalu qarasaasiatigut tamakkiisumik isiginnissinnaassasutit ilisimannittuullutillu.
  • Suleqatigiikkaanut aqutsisooqatigiinnut, aamma illumi sulisut sinneri, suleqatigalugit malittarisassat, kvalitetsstandard-it, aqutseriaatsimut tunngavissaq, ilitsersuutit aamma suliniuteqarnerit nutaat atuutsinneqarnissaannut akisussaasuusoq
  • Naleqartitanut timitaliisinnaasoq – sullitaq qitiutillugu
  • Igaffimmi sulisunut sulinissamut pilersaarusiorsinnaassasutit.
  • Suleqatikkuminartuullutillu orniginartuusutit.
  • Suleqatikkuminartoq utoqqartatsinnullu najugaqartunut ataqqinninnermik takutitsisoq.
  • Sulinissat nammineq aaqqissuussinnaagit suliatillu pingaarnersiorsinnaallugit, peqataanillu suliatit malinnaaffigilluarsinnaallugit.
  • Illumiippugut naleqqussartumi, suliassanik nutaanik suliaqarnissamut soqutiginnittuussaatit.
  • Suleqatinut nutaanut siumut ilinniartitsineq
  • Eqqiaanermik eqqiluisaarnermillu tunngaviusumik ilisimaqassaatit

Neqeroorutigaavut:

  • Ilisarititsineq
  • Tatiginninneq
  • Akisussaaffik
  • Peqataatitsineq
  • Illumi pisariaqartitsinikkut Ilinniartitsineq sungiusaanerlu
  • Illu tamakkerlugu ataqatigiinneq suleqatigiinnerlu.
  • Suliffeqarfinnik allanik kommunimit, peqqinnissaqarfimmiit il.il. suleqateqarneq.
  • Suliffeqarfiup iluani pikkorissarnerni peqataanissamut allatsittoqarsinnaavoq.
  • Assagut – suliffik ineriartorfiusoq

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 573/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 12. oktober 2021
Atorfininneq: Isumaqatigiissuteqarnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Ivalu Reimer
Telefon: +299 366130-32
Nittartagaq: http://www.sermersooq.gl
Qinnuteqaat nassiutiguk