Skip to main content
140

Dette jobopslag er udløbet

Utoqqaat Illuat aqutsisumik pissarsiorpoq

Nuummi Utoqqaat Illuannut tunniusimasumik aalajaatsumillu aqutsisumik pissarsiorpugut

 

Utoqqaat Illuat Kommuneqarfik Sermersuup utoqqaat illuutaasa ilagaat, Nuullu illoqarfiata qeqqani inissisimalluni. Utoqqaat illuat tallimanik immikkoortortaqarpoq ilaatigut puiguttortunut kiisalu innuttaasunut oqilisaavigitittunut immikkut immikkoortortaqarluni.

 

Sulisunik aqutsinermik, ingerlalluartumik ingerlatsinermik, suliatigut qaffasissumik sulianik naammassinninnissamut pingaartitsisumik aqutsisumik pissarsiorpugut. Utoqqaat Illuanni aqutsisutut utoqqaat illuannik ingerlatsinermi siuttuussaatit ulluinnarnilu suleqatigiinnik ataqatigiissaarisut, peqqissaanermi assistentit peqqissaasorlu suleqatigissavatit. Suliffimmi assigiinngitsunik suliffiusumi suliassaqarfiusumillu sulisinnaassaatit.

 

Naatsorsuutigaarput najugaqartunut qanigisaanullu allannguinissamut sulisunut aqutsisinnaasutit kajumissaarisinnaasutillu. Taamaattumik utoqqaat illuanni aqutsisutut ersarissuunissat kiisalu aqutsinikkut, qanilaartumik sullissinikkut, suliamik ilisimasaqarnikkut ingerlalluarnikkullu siuttuunissat pingaaruteqarpoq.

 

Suliffeqarfik pillugu:
Utoqqaat Illuat ataatsimut 46-nut inissaateqarpoq. Ulloq unnuarlu angerlarsimaffiuvugut taamaammallu paarlakaalluni suliffiulluni. Utoqqaat Illuanni sulisut ilaatigut makkuninnga ilinniagaqarput: peqqissaanermut assistenti, peqqissaanermi ikiortit, peqqissaasut aammalu ilinniarsimanngitsut arlaqartut. Immikkoortut tallimat saniatigut aamma errorsisarfeqarpoq, sammisassaqartitsiveqarpoq, igaffeqarpoq kiisalu pedeleqarluni. Aqutsisutut sulisunut 80-it missaaniittunut siuttuussaatit.

 

Ersarissumik qanilaartumillu aqutsisuuneq pingaartipparput, taamaattumik kommunimi aqutsisutut ineriartornissaq kiisalu sulisut piginnaasaanik inuttut ineriartortitsinissaq pingaartipparput. Kommunip utoqqarnut politikkia aallaavigalugu innuttaaqativut utoqqaat sullinneqartarput, taanna uani, kommunillu maleruagassiai allat ilanngullugit allagartat uppernarsaatit ilanngullugit takusinnaavatit:

 

https://sermersooq.gl/da/politik-indflydelse/kommunens-hoeringer/

 

Utoqqaat Illuat suliffiuvoq angisooq pissanganartorlu tamatsinnut inissaqartitsivigisarput, najugaqartumik qitiutitsilluta suliffigisarput, tunngaviusumillu pingaartitatta ersarissuunissaat anguniagaraarput. Ataatsimut isigalugu qanilaartuuneq, suleqatigiilluarneq, ataqqeqatigiinneq, nuannaarneq, tatiginartuuneq attaveqaqatigiilluarnerlu  takuneqarsinnaanerat malugineqarsinnaanerallu upperaarput.

 

 

Piginnaasat

Peqqinnissamut tunngasunik ilinniagaqarputit imaluunniit peqqinnissaqarfiup iluani suliamut tunngasunut ilinniagaqaqqissimavutit.

∙ Utoqqarnut tunngassutilinnut nalinginnaasunik sulianik aqutsinermilu misilittagaqarputit

∙ Suleqatikkuminartuuvutit allannguinissamut ineriartortitsinissamullu piumassuseqarputit

∙ Nutaaliorsinnaassuseqassaatit nuannersumillu eqqarsarsinnaassuseqarputit

∙ Qanilaassuseqarlutit, inissaqartitsillutit allanullu ataqqinnillutit aqutsisuuvutit

∙ Inatsisit kiisalu maleruagassat atuuttut naapertorlugit najugaqartut paarineqarneri paaqqutarineqarnerilu qulakkeersinnaassavatit

∙ Sulisunut assigiinngitsunik ilinniagalinnut, ilinniarsimasunut ilinniarsimanngitsunullu aqutsisuusinnaassaatit

∙ Illit suleqativillu anguniagaannik piviusunngortitsisinnaassaatit

∙ Tamanik isiginnissinnaassuseqarputit immikkoortortanilu suleqatigiinnermi ataqatigiissaarisinnaallutit

∙ Missingersuutinik aningaasaqarnermillu tamanik isiginnissinnaallutillu aqutsisinnaavutit

 

 

Neqeroorutigaavut:

∙ Innuttaaqatitsinnut utoqqarnut isumaginninnerup nukittorsarnissaanut ineriartortinnissaannullu periarfissiineq

∙ Ulluinnaat allanngorartut

∙ Aqutsisoqatinik siunersioqatigiinnissamut periarfissaqarluarneq

∙ Suliassaqarfimmi fagchefimik qanimut suleqateqarneq siunersioqatigiinnerlu

∙ Inuttut suliamullu tunngasutigut ineriartornissamut periarfissat

∙ Sulisunik kajumissuseqarluartunik pikkorissunillu suleqateqarnissamut periarfissaqarneq.

Aqutsisup toqqaannartumik utoqqarnut susassaqarfimmi fagchefi qullersarissavaa.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Arnannguaq H. Christensen, oqarasuaat +299 36 81 42 imal. +299 52 99 32 imaluunniit e-mail: arch@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
Atorfinititsineq qaammatini pingasuni misiliutitaqassaaq.

 

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 860-22-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: decembarip 12.-at, 2022

Atorfik una qinnuteqarfigiuk