Skip to main content
126

Dette jobopslag er udløbet

Unnuarsiortartumik najugaqatigiiffik Seernaq-mi pissarsiorpoq

Najugaqatigiiffik Kangillinnguit unnuarsiortartumik aalajangersimasumik sulisussarsiorpoq

 

Inunnut innarluutilinnut tarnimikkullu nappaatilinnut immikkoortortaqarfik Najugaqatigiiffik Seernaq aalajaatsumik suliartortartumik namminersorsinnaasumillu unnuarsiortumik pissarsiorpoq. Unnuakkut eqqumasinnaavit, nammineerlutillu suliassarsiorsinnaavit, taava illit suleqatissatut amigaatigaatsigit.

 

Atorfik piffissaq suliffiusussaq tamaat suliffiuvoq sapaatip akunneranut 40 tiimit, nalunaaqutaq 23.00-imiit 07.00-imut. Ulluinnarni weekendinilu sulisassaatit.

 

Najugaqatigiiffik Seernaq Nuummi najugaqatigiiffitsinni annerit ilagaat. Najugaqatigiiffik 18-inik inisimasoqarpoq taakkulu tarnimikkut timikkullu piginnaasaat annikillisimasuupput. Najugaqatigiiffik inini sisamanik quleriilinniippoq, quleriit tamarmik immikkut najugaqartoqarlutillu sulisoqarput. Najugaqartut namminerisamik ineqarput, ini iggavillu najugaqatigiinni etage-qatigiinni ataatsimoorussaavoq. Illit pingaarnertut suliassarissavatit illup iluata unnuami eqqissisimasuunissaa, najugaqartuutitta pitsaasumik ulloq unnuarlu inuuneqarnissaannut tapersersorlugit, taamaasillutik suleqatitta ullukkut sapinngisamik imminnut ikiorsinnaanissanut ikiorsinnaaniassammatigit kiisalu pitsaasumik imaqarluartumillu nammineq kissaatigisaminnik inuuneqarsinnaaniassammata.

 

Najugaqartut 18-it saniatigut najugaqatigiiffik 25-t missaanik sulisoqarpoq, peqqinnissamut tunngasunik ilinniagallit, perorsaasut ilaalu ilinniagaqartuunatik.

 

Suliassatit:

    • Unnuami illup iluani eqqissisimatitsineq
    • Najugaqartut unnuakkut sammisaqarusuttut killilersimaarlugit
    • Illup iluani suliassat assigiinngitsut

 

Ilinnit naatsorsuutigineqartut:

    • Inunnik sullissinermi misilittagaqarputit, suliassaqarfiup iluani misilittagaqaruit pitsaasuussaaq
    • Isumassuisoq, inussiarnersoq pitsaasumillu suliffiup avatangiiseqarnissaanik takunnissinnaasoq
    • Ineriartorusussuseqarneq aamma immikkoortoqarfik eqqarsaatigalugu, taamaalilluni najugaqartuusumut allannguineq pingaaruteqarluinnartoq pilersillugu

 

Uagut pilluta:
Atorfimmi tassani ataatsimooqatigiinnermi annertuumi peqataassaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfiit pingasut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigivatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput.

 

Suli paasisaqarusukkuit tikilluaqqusaajuassaatit attaveqarfiginissatsinnut.          

 

Atorfinitsitsinissamut oqaloqatiginninnerit sapaatip akunnerini 30-mi ingerlannissaat naatsorsuutigaarput.

 

Annertunerusumik paasisaqarusukkuit:
Paasissutissat annertunerusut aqutsisumut Ane Margrethe Andreaassenimut saaffiginninnikkut paasiniarneqarsinnaapput, oqarasuaammut: 24 63 42 imaluunniit email: aand@sermersooq.gl

 

Meeqqanut pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaatip ilisarnaataata Atorfiup ilisarnaataa 471/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

”Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

Qinnuteqarnissamut killissarititaasoq: juulip 26.-at, 2022

Atorfik una qinnuteqarfigiuk