Skip to main content
106

Dette jobopslag er udløbet

Ulluunerani ornittakkami Kammagiinni aqutsisussarsiorpoq / Atorfiup ilisarnaataa 255/19

Ilungersuussilluartuuit aammalu inuusuttunut annertuumik innarluutilinnut sullisserusussuseqarpit, taava illit ulluinnarni Ornittagaq Kammagiinni aqutsisutut amigaatigaatsigit, Innarluutilinnut tarnikkullu nappaatillit inuttut atugarisamikkut sullinneqarnerat pillugit immikkoortortaqarfiup ataani

Innarluutilinnut tarnikkullu nappaatillit inuttut atugarisamikkut sullinneqarnerat pillugit immikkoortortaqarfik Ornittakkamut Kammagiinnut ulluunerani aqutsisussarsiorpoq 01.06.2019 aallarnerfigalugu taassumaluunniit kinguninngua.

Ornittakkami Kammagiinni sullinniakkat tassaapput inersimasut (18+) annertuumik innarluutillit, tassa innuttaasut assigiinngitsunik innarluuteqarput, maanna inuit autismeqartut, ADHD, eqqarsartaatsikkut kinguarsimasut, skizofreni, ersiorneq il.il. Ornittakkami Kammagiinnik atuisuupput.

Innuttaasut killiffiannik nalunaarusiat kiisalu kommunip pitsaassutsimik sullissiniarnera aallaavigalugit sullinneqarput.

Ornittakkami Kammagiinni ulluinnarni aqutsisutut innuttaasup, ilaqutai suleqatillu suleqatigissavatit ulluinnarni aaqqissuussamik ingerlatsinissamik qulakkeerinissamut, tassanilu atuisup toqqissisimaneq aalajangersimasumillu aaqqissuussinerit misigisassallugit, inuttut ataasiakkaatut sumut killiffiat pillugu nalunaarusiaq naapertorlugu atuisoq suleqatigalugu suleqatigiinneq ingerlaavartumik nalilersorneqartassalluni.

Perorsaanermi siunertaasoq tassaavoq atuisut naligiimmik ataqqinnissuseqarneq misigissagaa kiisalu ulluinnarni suliassat nammineq suliarinissaat ingerlannissaallu ilinniassallugu.

Tassunga Innarluutilinnut tarnikkullu nappaatillit inuttut atugarisamikkut sullinneqarnerat pillugit immikkoortortaqarfimmi tamarmi atorneqarpoq OCN – Open Colleget Network, tassani atuisut ilinniarnermikkut piginnaasamikkullu ilinniarnermik uppernarsaammik tunineqarsinnaallutik.

Ilaatigut makku suliarineqartarput:

  • Inimi sungiusarneq, soorlu eqqiaaneq, errorsineq, nerisassiorneq il.il.
  • Sammisassaqartitsiniarnermi ikorfartuineq
  • Inuit akornanni peqataasinnaaneq
  • Immikkut atuartitsineq
  • Sungiusarneq qasujaallisarluni nalullunilu

Aamma Ornittakkami Kammagiinni pinngorartitsinissamut sannaveqarpoq. Qaammammut ataasiarluni unnukkut klubbeqartitsisoqartarpoq nal.17-21-imut, tassanilu assigiinngitsunik sammisassaqartitsisoqartarluni.

Ornittakkami Kammagiinni ulluinnarni aqutsisutut suliassat makkuupput:

  • Ornittakkap Kammagiit ulluinnarni aqunneqarnera ingerlatsinermullu akisussaasoq
  • Missingersuutit politikikkut akuersissutaasut iluaniitinnissaannut akisussaaqataaneq
  • Siunnersueqataallunilu ilitsersueqataanermut akisussaaqataaneq, kiisalu Ornittakkami Kammagiinni sulisut piginnaanngorsarneri Immikkoortortami aqutsisoq peqatigalugu
  • Sulisut sinnerinut siuttuuneq aallartisaasorlu
  • Ornittakkami suliassanik pilersaarusiorneq ataqatigiissaarinerlu sulisut atuisullu qanimut suleqatiginissaannut akisussaasuuneq
  • Ilaqutaasut/ suleqataasut/ najugaqarfiit oqaloqatigilluarnissaannik qanittumillu suleqatiginissaannut akisussaasuuneq
  • Ikorfartoqatigiinni aamma Ornittakkanut immikkoortortami aqutsisoqatigiinnut peqataaneq

Naatsorsuutigaarput illit:

  • Perorsaasutut ilinniarsimasoq, isumaginninnerup iluani ilinniakkamik imaluunniit suliassaqarfimmi misilittagaqartoq
  • Paaqqinnittarfiit iluanni siornatigut sulinermi ajornanngippat aqutsisutut misilittagaqartoq
  • Annertuumik innarluutilinnik ajornanngippat sullissinermik misilittagaqartoq.
  • Inuusuttunut annertuumik innarluutilinnut sullisserusullutit allangueqataarusussuseqartutit.
  • Anguniagaqarlutit sulisinnaasutit.
  • Perorsaanermik iliuusissatut pilersaarutit naapertorlugit sulinermik ilisimasaqartutit
  • Tunniusimalluartuusutit pitsaasumillu aamma peqqissumik inuunermut isiginnittaaseqartutit
  • Suliassaqarfinnit allaneersunit suleqateqarsinnaasutit, namminersorlutit eqaatsumillu suleriaaseqartutit
  • Savituujunissat, aallarnisaasinnaasoq qungujunnartunillu nuannarisalik
  • Suleqatigiit amerlanngitsut akornaniissinnaasoq, suleqatigiinneq pingaarnerpaatillugu.
  • Malinnaasinnaasoq pissutsinullu malinnaasoq

Makku aamma pingaartippavut:

  • Aalajaatsoq, pitsaassutsimik ilisimaarinnittoq ataasiakkaanullu malussarissoq
  • Arajutsisaqarnak arlalinnik suliaqarsinnaasutit
  • Namminersorlutit, akisisussaassuseqarlutit sullisserusullutillu sulisinnaasutit
  • Suliassanut tunngatillugu eqaatsumik aaqqiisinnaasutit kiisalu suliassanik agguataarinermi ingerlaavartumik nalimmassaasinnaasutit     
  • Ulluinnarni ulapaarfiusuni paatsiveerunnak aaqqissuussamillu sulisinnaasutit
  • Atituujusutit namminerlu suliassarsiorneq, nukissaqarluarneq iliuuseqarsinnaalluarnerlu pingaartikkitit
  • Suliassatsinnik suliniarnitsinni pitsanngorsaanermik ingerlaavartumillu inerisaanermik suleqataalluarsinnaasutit
  • Amerlasuunik suleqateqarsinnaalluartutit
  • Marluinnik oqaasillit (kal/qall) piumaneqarnerupput

Neqeroorutigaavut: 

  • Suliffik pissanganartoq tamatigoortorlu unammillernartunik amerlasuunik suliassalik namminerlu suliat pillugit sunniuteqarsinnaaneq, ullut assigiinngitsunik misigisaqartitsisut.
  • Suliffeqarfimmi sunniuteqarnissamut periarfissaqartoq suliffeqarfillu ineriartortuarlunilu allanngorartuartoq, innuttaasut pitsaanerpaamik tunniussaqarfiginissaat eqqarsaatigalugit
  • Suliffik nuannaartunik tunniusimasunillu suleqateqarfiusoq
  • Atorfik nuannaartunik kajumissusilinnillu atuisortalik ulluinnarni aalajangersimasunik malitassaqarluni sammisassaqartitsinissanillu piumasaqaateqarfiusoq.
  • Atorfimmi sunniuteqarnissamut periarfissaqartoq suliassallu aamma sunniuteqarfigisinnaallugit
  • Suliassaqarfiit assigiinngitsut suleqatigiiffiat
  • Suleqatit pikkorilluinnartut nuannaartullu, tassani qiimaneq pingaartinneqarluni
  • Kingullertut minnerunngitsumik atuisut nuannaartut ilakkuminartullu tikilluaqqunissannut qilanaartut

Atorfik ullormut suliffiusussamik atorfiuvoq. 
Ornittagaq Kammagiit ulluunerani ulluinnarni ammasarfii tassaapput nal. 07.30-miit nal. 16.30-imut, unnukkullu klubbertitsinermi nal. 21-ip tungaanut ammasarluni.

Pineqaatissinneqarsimannginnermut uppernarsaat: 
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

(BOLIG)
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Qinnuteqaat:
Qinnuteqaatip ilisarnaataata Job nr. 255/19,aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 26. april 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Anders Stig Frederiksen
Telefon: +299 366063
Mobil: +299 522845
Nittartagaq: http://www.sermersooq.gl
Qinnuteqaat nassiutiguk