Skip to main content
80

Dette jobopslag er udløbet

Ulluunerani neqeroorutinut ingerlatsivik fagchef-imik pissarsiorpoq / Atorfiup normua 422/19

Kommuneqarfik Sermersooq ulluunerani neqeroorutinut fagchefimik pissarsiorpoq
Kommuneqarfik Sermersuumi Meeqqanut Atuarfeqarnermullu Ingerlatsivik ulluunerani neqeroorutinut nukittuumik misilittagalimmillu  septembarip aallaqqaataani imalt. isumaqatigiissutqarnikkut atorfinittussamik pissarsiorpoq. 
Ulluinnarni ingerlatsivimmi ingerlatsineq fagchefip fagchefillu allat akisussaaffigaat, soorlu atorfinittussaq kommunimi pisortaqatigiinnut ataatsimut ilaavoq, taamaattumillu kommunip aaqqissugaanerani ataatsimoorluni suliniutini peqataasassaaq.
Kommunip fagchefit tamarmik sulinermut aallaavigisartagaat aqutsisutut tunngavissat suliarinikuuai.

ULLUUNERANI NEQEROORUTINUT FAGCHEFITUT ATORFIK
Immikkoortortaqarfik fagchefimik nukittuumik, aqutsinerup tungaatigut aamma pissanganartunik unammillernernik, taamatuttaaq suli atualertinngitsunut sulianik ilisimasalimmik pisariaqartitsivoq.
Immikkoortortaqarfiup iluani aaqqissuussaanerup sanarfinissaanut suleqataanissannut periarfissaqassaaq immikkoortortaqarfiullu avammut kiinnertartoralutillu sinniisorissavaatit.

Fagchefip sumiiffiit immikkoortortaqarfiillu tulliuttut akisussaaffii ukuupput: 

  • Ullunerami neqeroorutit (meeraaqqeriviit, meeqqeriviit, ukioqatigiinngiiaanut meeqqerivik)
  • Angerlarsimaffimmi ulluunerani paarsisartut

Ulluunerani neqeroorutinut pisortatut pingaarnertut susassaqarfitit ukuupput

  • Pisortaaneq, ineriartortitsineq, ingerlatsiviup ataani suleqatigisartakkat tamakkerlugit ataqatigiissaarineq
  • Suliatigut aningaasaqarnikkullu immikkoortortap ingerlanneqarneranut akisussaasuuneq, ikiorsiineq ineriartornerlu, matumani 0-6 ukiulinnut ingerlataqarfimmi pilersaarutip piviusunngortinnissaanut ineriartortitseqqiineq.
  • AKO qanimut suleqatigalugu 0-6 ukiulinnut atualernissamut ikaarsaariarneq tassani atuarfinnut tunngasuni fagchefi.
  • Kommunip missingersuutinik malinninnissaq pingaartinnerpaavaa taamaattumik naatsorsuutigaarput illit:
  • Ingerlatsivimmi missingersuutit aningaasaqarnerlu politikkikkut aningaasaliissutit akisussaaffigalugit ingerlatsinissaq.
  • Ajunngitsumik aningaasaqarnikkut ingerlatsineq qulakkiissallugu  – aamma immikkoortortaqarfik tamakkerlugu peqataatinneqarnissaat taavalu suliassat aningaasaliissutit qulakkiissallugit
  • Politikkikkut tunaartarineqartut ingerlatsivimmi inerisarneqarnissaat, suliarisassanngornissaat atulersinneqarnissallu qulakkiissallugit
  • Ingerlatsiviup pisortai suleqatillu kinguneqarluartumik suleqatigalugit malunnartumik ingerlatsivimmi periusissat ataatsimoorussat qulakkiissallugit
  • Sulisut, suliatigut piginnaasat suliallu sulianullu tunngasut akornanni ataqatigiissumik pilersitsisoqarniassammat sulisut piginnaasaannik siuarsaanissaq qulakkiissallugu
  • Immikkoortortaqarfimmi ingerlatsisut assigiinngitsut akornanni ataqatigiinnissaat qulakkiissallugu
  • Kommuneqarfik Sermersuumi anguniakkanik nutaanik, aqutsinemut tunngaviusut periaatsillu atulersinniarlugit ingerlanneqarnerannut tapersiilluni

Tulliattut inuttut piginnaasat aamma suliaq pillugu imatut tunuliaqutaqarneq naatsorsuutigaarput

  • Naleqquttumik aqutsisutut ilinniarsimaneq/aqutsinermik misilittagalittut allagartalik.
  • Perorsaanermut suliaqarnermut ilinniarsimasoq misilittagalillu
  • Pingaarnertut missingersuusiornermut naatsorsuusiornermullu misilittagalik  tama-tumunnga aqutsineq
  • Inatsisinik suliaqarnermut misilittagalik
  • Siuttuunermik piginnaasalik
  • Ataqqinninneq tatiginartuunerlu
  • Suleqatit kajumissaarlugillu ilanngunnissaannut piginnaasalik
  • Atassuteqarsinnaaneq aamma pingaarnertut ineriartortitsinermi suliniuteqarsinnaaneq
  • Marluinnik oqaaseqartuuguit iluaqutaassaaq
  • Ajunngitsumik eqqarsartoq aamma sapiissusilik

Akissarsiaqarneq atorfinitsitaanerlu:
Namminersornerullutik Oqartussat kattuffiullu isumaqatigiinniarsinnaatitaasup akornanni isumaqatigiissut atuuttoq malillugu atorfinitsitaaneq pillugu isumaqatigiissusiortoqassaaq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Malittarisassat atuuttut naapertorlugit inissamik innersuussisoqarsinnaavoq, qinnuigaatsigillu atorfimmut atatillugu inissarsioruit erseqqissaassutigissagakku.  Erseqqissaassutigissavarput inissaaleqineq ajornartorsiutaammat taamaattumik ataavartumik ineqalernissaq utaqqinarsinnaammat piffissaq siulleq utaqqiisaasumik inimik innersuussisoqarsinnaammat.

 

Qinnuteqartarneq:
Qinnuteqaatip ilisarnaataata atorfiup normua 422/19, aamma ilinniagaqarsimaneq siornatigullu sulisimanerit pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Paasissutissat amerlanerit uani pissarsiarineqarsinnaapput: Pisortaq Helene B. Berthelsen tlf (+299) 555675 imalt. mail: hebe@sermersooq.gl, imaluunniit stabschef Louise Markussen tlf(+299) 486218 imalt. Mail loma@sermersooq.gl aammattaaq ingerlatsiviup ineriartortitsinermut pilersaarutaanut paasissutissat annertunerusut piniarsinnaavatit.

Nittartagaq: www.sermersooq gl

 

Qinuteqaat tunniunneqassaaq kingusinnerpaamik: 17. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Louise Markussen
Telefon: +299 36 63 38
Nittartagaq: http://www.sermersooq.gl
Qinnuteqaat nassiutiguk