Skip to main content
94

Dette jobopslag er udløbet

Ulluunerani meeraaqqerivimmut "Ajaaja-"mut Perorsaasumik ilinniarsimasumik pissarsiorpoq / Allagarsiussap normua 15/19

Kommuneqarfik Sermersooq Ulluunerani meeraaqqerivimmut "Ajaaja-"mut Perorsaasumik ilinniarsimasumik pissarsiorpoq. 

 Meeraaqqerik Ajaaja ullut suliffiusut tamaasa nal. 07.00 – 17.00-mut ammasarpoq

Ajaaja meeraaqqeriviuvoq meeqqanut 35-nut inissaqartoq, Perorsaasumik, meeqqat íneriartornerata killiffiinut ilisimasaqartumik, meeraaqqallu ineriartornermini pisariaqartitaanik ilisimannittumik inimilu aqutisinnaasumik akisussaasusilimmik aammalu piffissamik ataqqinnittumik pissarsiorpugut.

Ajaaja’miittartut 0-iniit – 3-nut ukioqarput. Ukioqatigiiaanut assigiinngitsunut agguataarneqarput

Immikkoortortaqarfik maanna 12-inik sulisoqarpoq, ininut pingasunut agguarsimasunik. Aqutsisoq, eqqiaasoq, igasoq ilanngullugit. Ini ataaseq minillugu tamarmik perorsaasumik, isumaginninnermi ikiortimik ikiortimillu peqarput.

Assigiinngitsunik ineriartorfiusinnaasunik periarfissaqarpoq, soorlu ukiut tamaasa pikkorissartoqartarpoq Kammagiitta, inuttut ineriartorneq periarfissaasinnaalluni , soorunami aamma allat tulluarsinnaassut sulinermi pisariaqartitat aallaavigalugit suleqatigiiulluta ataatsimiinnerit perorsaanermilu ulloritinneqartumik (Pædagogiskedag )ineriartortitsinerit ingerlanneqarsinnaasarput.

Ukiumut marloriarluta perorsaasut arfininngornikkut immikkut sammisaqartinneqartarput, taakkulu saniatigut qaammatit tamaasa ullut suliffiusut ilaanni sulisut  unnukkut ataatsimiitinneqartarput, qaammammullu ataasiaq 2 time sammisassanik pilersaarusiorneq pisarpoq sulinerup kingorna.

 Atuisut ukiumut minnerpaamik pingasoriarlutit ataatsimiitinneqartarput, tamannalu piffissap suliffiusup avataatigut ingerlanneqartarpoq, aammalu meeqqat ineriartornerata ukiuanut nalilersuineq angajoqqaat peqatigalugit ukiup affakkaartumik ukiumut marloriarluni pisartumik ingerlasarpoq, suliffiup iluanik piffissaligaasarluni.

Aalajangersimasumik suleriaaseqarpugut, sapaatip akunnerant pilersaarutinik malitaqarpugut ullut tamaasa assigiinngitsunik sammisaqartitsiviusumik. Ataasinngornikkut Kammagiitta, marlunngorneq nammineq pinngussanik nassarfik, pingasunngorneq tunngaviit 7, sisamanngorneq ukioqatigiikkuutaat aammalu tallimanngorneq timersorneq aammalu pilersaarutaasumik susassaqartitsineq.

Atorfiup imarisai:
Perorsaasoq ajornanngippat misilittagalik – ulluinnarni pilersaarusianut, perorsaanermik suliassanut suleqataasussamik, ataanilu taaneqartunik suliaqarsinnaasumik pissarsiorpugut:

  • Meeqqat nuannersumik qanilaartumillu avatangiiseqarlutik ulluinnarni toqqissisimasumik ataqatigiissumillu atugaqartinneqassasut.
  • Meeqqat ataasiakkaat ineriartornerat ilinniarnerallu immikkut eqqumaffiginiarneqassasoq.
  • Nuannaarneq inissaqartinneqassasoq.
  • Aqutsisup meeraaqqerivimmiinnginnerani akisussaaffimmik tigusisinnaasoq
  • Sulisunik assigiinngitsunik suleqateqarsinnaasoq

Qinnuteqaateqartunut naatsorsuutigisat:  

  • Perorsaasutut ilinniarsimasoq assingusumilluunniit, suliat qitiutillugit, ajornanngippallu meeraaqqerivimmi perorsaariaaseq immikkut qitiutillugu
  • Nutaaliorusussuseqarlutit meeqqanik avatangiiseqartitsisinnaassasutit.
  • Akisussaaffimmik tigusisinnaasoq
  • Aallartitsisinnaasoq
  • Malinnaasinnaasoq
  • Unneqqarissuusutit
  • Ammasoq
  • Aqutsisinnaassuseqartutit
  • Ajaajap ineriartorteqqinneqarnissaanut peqataajumassuseqartoq

Suliassat, inini allani sulisut allallu suleqatit aamma aqutsisoq igaffimmiullu qanimut suleqatigalugit suliarineqartassapput.

Meeraq aallaavigalugu qitiutillugu sulisarpugut, meeqqallu nammineersinnaanerulernissaannut ikorfartussallugit, anguniakkallu angutserlugit angajoqqaanik nakkutiginnittunillu qanimut suleqateqarluarnissaq pingaaruteqartupilussuuvoq.

Suliassannut ammasuussaatit, piffissaq eqqorlugu suliartortartoq, sulisunut allanut inussiarnersoq, tamakkuuppullu suliffitsinni pingaarutillit.

Tamatuma saniatigut pingaartipparput, illit:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Ataatsimoortumik takunnissinnaanerit attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Nammineersinnaassuseqartutit, akisussaaffeqarluni sullisserusussuseqarlunilu sulisinnaasutit
  • Suliassanut aamma suliassanik agguataarinernik ingerlaavartumik iluarsiissuteqarnissamut eqaatsumik allanngueriataarsinnaassusiliusutit
  • Ulluinnarni ulapaarfiusuni ukkassillutit aaqqissuisinnaassuseqarlutit sulisinnaasutit
  • Tatituujusutit, aallarnisaasinnaasutit, nukissaqartutit iliuuseqarnissamullu piumassuseqarluartutit
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit
  • Arlalissuarnik suleqateqallaqqissoq
  • Qinnuteqartut marluinnik oqaasillit (kal/dk) atorfinitsinnissaat orniginartinneqarpoq.

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

BOLIG:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 15/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                        
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 11. februar 2019
Atorfininneq: Isumaqatigiinnikkulluunniit
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Elisabeth J. Christensen
Telefon: +299 366885
Nittartagaq: http://www.sermersooq.gl
Qinnuteqaat nassiutiguk