Skip to main content
110

Dette jobopslag er udløbet

Ukiuni marlunni projekt Meeqqanut Ilaqutariinnullu immikkoortortaqarfik Tasiilami psykologinik psykoterapeutinilluunniit pissarsiorpoq / Atorfiup nr. 390/21

Kommuneqarfik Sermersuumi Tasiilami Meeqqanut Ilaqutariinnullu immikkoortortaqarfik psykologinik psykoterapeutinilluunniit pimoorussisunik pingasunik augustip aallaqqaataani 2021-mi sulisussarsiorpoq.

  • Meeqqanut ilaqutariinnullu ilungersunartumik inissisimasunut allanngueqataarusuppit?
  • Akuersaartumik akuutitsillutillu ataqatigiissaakkamik suleriuseqarpit?
  • Kalaallit Nunaannut soqutiginnittuuit imaluunnit misilittagaqarfigiviuk?
  • Suliat tungaasigut nutaanik unammilligaqarusuppit aammalu pinngortitarsuaq nuannariviuk?

Qulaaniittut akuerisinnaagukkit taava illit immaqa Tasiilami Ilaqutariinnut immikkoortoqarfitsinni sulisussatut naleqquttuuvutit. 
- Ilaqutariinnut immikkoortortaq, illit inuttut suliatigullu qularnaatsumik ineriartorfigisassat aammalu Kalaallit Nunaata ilaani illit inuuninni puigunaatsorsinissat neriorsuutigisinnaavarput. Psykologinik psykoteraputinilluunniit augustip aallaqqaataa 2021 aallarnerfigalugu sapaatip akunneranut 40 tiimi sulisussanik pissarsiorpugut.

Tasiilaq pillugu inooqatigiinnut tunngasut politikkikkut nutaarsiassatigullu sammineqartupilussuupput. Unammilligassat annertoqaat, najukkamili nunalu tamakkerlugu ajornartorsiutit ilorraap tungaanut saatinniarlugit piumassuseq annertoqaaq.
Meeqqat ilaqutariillu ilungersunartumik inissisimasut pillugit anguniarusutavut amerlapput, ilaatigut inuunerinnissaq toqqissisimanissarlu meeraanermit aallartinnissaa pilersissallugu, siusissukkut iliuuseqarneq pinaveersaartitsinermillu suliaqarneq qitiutillugit.

Sumiiffimmi katsorsartinnissamut immikkut suliniutit pitsanngorsarpagut, meeqqanut inuusuttunullu 23-t angullugit ukiulinnut kiisalu angajoqqaavinut tarnip pissusaanut tunngasutigut katsorsaanissamut suliamilu tassani psykologit pikkorissut pimoorussisullu amigaatigaagut. Upernaaq 2020-mi "Siusissukkut Iliuuseqartarneq" meeqqanut 0-3-nut ukiulinnut kiisalu angajoqqaavinut pinaveersaartitsilluni suliniutit nutaat aallartippagut. Taassuma saniatigut illoqarfimmi eqqaaniittunilu nunaqarfinni meeqqanut inuusuttunullu suliniutit ineriartortippagut pitsaanerulersillugillu.

Meeqqanut Ilaqutariinnullu Sullissivimmi suliassat sullissusimut innersuunneqarsimasut naammassiniarneqartarput. Pinaveersaartitsinermi sulianut ilanngullugu ilaqutariinnik tamakkiisumik isigaluni katsorsaanermik suliaqarpugut.  Ilaqutariinnik tamakkiisumik katsorsaasarpugut sullissivimmilu tamanna aaqqissuussamik ingerlanneqartarpoq, tassa ilaqutariit tamaasa attavigisartagaallu peqataatillugit ilaqutariit ataasiakkaat periarfissaat atorsinnaasaallu eqqumaffigalugit. Suliniutit ilaqutariit angerlarsimaffianni imaluunniit Meeqqanut Ilaqutariinnullu Sullissiviup inini katsorsaavigisartagaanni ingerlanneqartarput.

Kommune, illoqarfik immikkoortortarlu pillugit:
Illoqarfik Tasiilaq silarsuarmi kommunit annersaanni Sermersuumi kangillerpaajuvoq. Tasiilap eqqaani ukioq kaajallallugu pinngortitarsuaq kulturikkullu misigisassanik ulikkaarpoq.

Meeqqanut Ilaqutariinnullu suliassaqarfik ataatsimut aqutsisoqarpoq aammalu Meeqqanut Ilaqutariinnermullu Immikkoortortaqarfik kiisalu Meeqqanut Ilaqutariinnullu Sullissivimmiippoq. Meeqqanut Ilaqutariinnullu Sullissivik Katsorsaanermut aqutsisumit aqunneqarpoq. Ilanngullugu Siusissukkut Iliuuseqartarnermi Katsorsaanermi aqutsisoq sulisorineqarpoq. Qanimut sullissisarpugut ataatsimullu Tasiilami adresseqarluta.

Suliarisartagassatit:
Sullitat pineqartut katsorsartassavatit. Psykologit marluk akornganni soqutigisat pikkoriffiillu paasigutsigu suliassanik agguataarineq isumaqatigiissutigineqassaaq.

Suliat Meeqqanut Ilaqutariinnullu immikkoortortamit innersuunneqartut pineqarput, ilaatigut ukua suliarisassavatit:

  • Tasiilami nunaqarfiinilu tarnip pissusaa pillugu oqaloqateqartarnernik / terapimik ingerlatsineq, ataasiakkaaraluni oqaloqatiginninnerit, ilaqutariinnik oqaloqateqarneq.
  • Ataatsimoortunik, niviarsiaqqanik ataatsimoortunik, nukappiaqqanik ataatsimoortunik aliasuutillillu oqaloqatigiittarfiini meeqqanik inuusuttunillu sullissineq.
  • Ilinniartitsinerup ingerlanissaa
  • Nakkutilliilluni ilitsersuineq
  • Nalaataqarnermut tunngasunik suliaqarneq
  • Meeqqanut Ilaqutariinnillu Sullissivimmi sammisassaqartitsinernut neqeroorutinullu nutaanut peqataaneq
  • Suliffiup iluani avataanilu suliassaqarfiit akimorlugit suleqateqarneq.

Naatsorsuutigaarput:

  • Cand.psych-itut Cand.pæd.psych-itullu imaluunniit psykoterapeutitut ilinniagaqarsimanissat
  • Meeqqanut ilaqutariinnullu tunngasuni katsorsaanermut suliaqarnermik misilittagaqarsimanissat
  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasutit
  • Siammasissumik suleqatiginnillaqqissuunissat kiisalu misiginneqataasinnaaneq, qanilaassuseqarneq tunniussimanerlu piginnaasaqarfigissagitit.
  • Suliassamik ilisimaarinnittuusutit, alapernaatsuusutit ineriartortitserusuttoq, minnerunngitsumillu tunumiut kulturiannut ataqqinnittuusutit maniguuttuusutillu
  • Meeqqanut Ilaqutariinnullu Sullissiviup ingerlateriigaanut ilaatillugu ilinniagaqarnermik annertusaassasutit suleriaatsinillu nutaanik ilinniassasutit

kalaallisut oqalussinnaanissat piumasaqaataanngilaq kisianni iluaqutaassaaq.

Neqeroorutigisinnaavagut:

  • Sapaatip akunneranut akunnerit 40-t aalajangersimasumik suliffik.
  • Atorfik suliatigut inuttullu unammillernartunik annertuunik toraagassaqarfiusoq.
  • Suleqatigiit nuannersut, ataqatigiittut suliaminnillu aallussisut. 
  • Suliffik sunniuteqarfiusoq akisussaaffilillu.
  • Namminersorluni sulineq
  • Suliat pillugit oqaloqatiginninneq sulianullu tunngatillugu siunnersoqatigiinneq
  • Suliassaqarfiit assigiinngitsut akornanni suleqatigiinneq 
  • Qaammatini marlunni suleriarluni sap. Ak. Pingasut angerlarakkarneq

Takkua saniatigut Tasiilami pinngortitamut misigisassarsiortoqarsinnaavoq. Aasakkut tatsini kangerlunni aalisarnissamut periarfissaqarluarpoq, qaqqakkut pisuttuarluni umiatsiarnermilu arfernik puisinilllu takunissamik periarfissaqarluarluni. Ukiukkut qimussertoqarsinnaavoq, sangusaarluni imaluunniit ujakkaarluni, sikukkut aalisarluni aamma qamuteralalluni. Akeqanngitsumik timersoriartoqarsinnaavoq, iligiikkaarluni timersortoqarsinnaavoq, soorlu volleybolderluni isikkamik arsarlunilu, soorluttaaq ivigaaraasalimmi arsaattarfimmi arsaattoqarsinnaasoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq AC imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Tasiilami sulinerup nalaani vakntimiinnissaq naatsersuutigineqassaaq.

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 390/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 30. Juli 2021
Atorfininneq: 1. August 2021 Imaluunniit isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Martha L. Olsen
Telefon: +299 367322
Nittartagaq: http://www.sermersooq.gl
Qinnuteqaat nassiutiguk