Skip to main content
92

Dette jobopslag er udløbet

Ukioqatigiinngitsunut meeqqerivik Nukariit isumaginninnermi ikiortimik pissarsiorpoq / Atorfiup ilisarnaataa 748/21

Ukioqatigiinngitsunut meeqqerivik Nukariit isumaginninnermi ikiortimik piaartumik isumaqatigiinnikkulluunniit sulilersinnaasumik sulisussarsiorpoq.

Nukariit ukioqatigiinngitsunut meeqqeriviuvoq nutaanerusoq meeqqanut 120-nut, meeqqerivimmi 60-it aamma meeraaqqerivimmi 60-it, ininut pingasunut tallimanullu avillugit inissalik.

Sulisullu 29-inut naatsorsuussaavoq.

Meeqqeriviullunilu meeraaqqerivik Nuup illoqarfiata ilaani nutaami Qinngutsinni pinngortitamik annertuumik avatangiiseqartoq nutaanik kusanartunillu initaqarpoq.

Naatsorsuutigaarput:

  • Isumaginninnermi ikiortitut assigisaanilluunniit ilinniarsimasutit.
  • Suleqatinut meeqqanullu maligassiuilluartuusutit.
  • Meeqqat, sulisut angajoqqaallu akuersaartumik naapittassagitit.
  • Inussiarnersuuvutit avatangiisinnillu inissaqartitsisuullutit.
  • Suliassanik ilisimasaqarluartoq aamma meeraaqqerivimmi meeqqerivimmiluunniit sulinermik misilittagalik.
  • Meeqqat ataasiakkaat pillugit perorsaanissamik suliaqarnissat pillugit oqaaseqatigiiliorsinnaavutit uppernarsaasinnaallutillu.
  • Meeraq pillugu angajoqqaat suleqatissatut pingaarnerpaatut pingaartippatit.
  • Silami sammisassat pinngortitarlu avatangiiserisamik atuinissaq pingaartippatit.
  • Aqutsisunut unneqqarissuuvutit.
  • Ulluunerani paaqqinniffinni perorsaanerup tungaatigut ineriartortitseqataassasutit suleqatitillu ilanngutiteqataatissinnaassagitit.
  • Tusarnaallaqqissuussasutit taamaalisukkullu qanoq isumaqarnerlutit ersersissinnaassagit.

Makkuninnga piginnaasaqaruit qujanassaqaaq:

  • Marlunnik oqaaseqartuusutit, kalaallisut qallunaatullu, tamannali piumasaqataanngilaq.
  • Ukuninnga pingaartitaqarputit: Toqqissisimaneq, qanilaarneq, ataqqinninneq, suleqatigiinneq, piunnguarneq ineriartornerlu.
  • Sulisunik ilinniagaqarsimanngitsunik piginnaanngorsaaqataarusupputit.
  • Nipilersornerup, erinarsornerup, nukinnik aqutsinerup allatulluunniit nutaaliornernik immikkut nukissaqarputit.

Akerlianik tullinnguuttut makku neqeroorutigisinnaavavut:

  • Aqutsisut sulisullu meeqqerivimmi sulerusussuseqartut aamma meeqqat, angajoqqaat sulisullu eqqarsaatigalugit pitsaasunik avatangiiseqartitsinissaq uummaarissumillu inuuneqarnissaq sulissutillit.
  • Meeqqanut 120-nut tamarmiusunut ilikkagaataasumik ulluunerani neqerooruteqarnissami uagut Kommuneqarfik Sermersuumi sulisutut tamakkuninnga isumaginnittussaanerput eqqummaariffigaarput tamannalu ilutigalugu tamanna pillugu meeqqat pilersuisuinik suleqateqartoqassalluni.

Nukariinni naleqartitavut makkuupput:

  • Perorsaariaaseq ilikkarluarfiusoq.
  • Timi aalanerlu/Perorsaaneq timersornertalik.
  • Meeqqanut toqqissisimaneq pilersissallugu, ineriartornermut inissaqartitsisoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Pinerluuteqarsimannginnermut meeqqanillu innarliisimannginnermik uppernarsaatit atorfimmi piumasarineqarput. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

Meeqqanik pinerliisimannginnermut uppernarsaat Kommunimit piniarneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:
Namminersorlutik Oqartussat, SIK imaluunniit kattuffiup allap isumaqatigiinniarsinnaatitaasup akornanni isumaqatigiissut atuuttoq naapertorlugu, akissarsiaqartitsisoqarlunilu atorfinitsitsisoqassaaq.

Atorfinitsitsineq qaammatini pingasuni misiliutaaqqaassaaq.

Inissaq: 
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 748/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Ima qinnuteqassaatit:
Qinnuteqaatip elektroniskimik nassiunneqarnissaa orniginartinneqarneruvoq, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

MALUGIUK: Qinnuteqaatit pappilianngorlugit mailikkulluunniit tiguneq ajorpavut, qinnuteqaatit nittartagaq aqqutigalugu nassiunneqarnissaat inussiarnersumik piumasarineqarpoq.

 

Qinuteqaat tunniunneqassaaq kingusinnerpaamik: 23. december 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Leder Lillian Lennert Frederiksen
Telefon: +299 366995
Nittartagaq: http://www.sermersooq.gl
Qinnuteqaat nassiutiguk