Apisseq ukioqatigiinngitsunut meeqqeriviuvoq, init meeraaqqeriviit marluusut tamarmik immikkut 12-inik meeraateqarput, inillu meeqqeriviit pingasuusut tamarmik immikkut 15-inik meeraateqarlutik. Katillugit meeqqat 69-iupput. Ulluinnarni Nuunukkunni inissisimassaatit, meeqqat 0-1½ ukiullit inaanni.

 

Meeqqerivimmi siunertaasut:

• Meeqqat nuannersumik qanilaartumillu avatangiiseqarlutik ulluinnarni toqqissisimasumik ataqatigiissumillu atugaqartinneqassasut.
• Meeqqat ataasiakkaat ineriartornerat ilinniarnerallu immikkut eqqumaffiginiarneqassasoq.
• Nuannaarneq inissaqartinneqassasoq.
• Suliniuteqarsinnaaneq inissaqartinneqassasoq.

Apisseq ulluinnarni nal. 7-17 ammasarpoq

 

Naatsorsuutigaarput, illit::

•  Perorsaasutut ilinniarsimasutit, suleriaatsillu eqqumaffigigitit.
•  Nutaaliorusussuseqarlutit meeqqanik avatangiiseqartitsisinnaassasutit.
•  Akisussaaffimmik tigusisinnaassasutit.
•  Nammineerlutit iliuuseqarsinnaassasutit.
•  Tamakkiisumik takunnissinnaassuseqassasutit.
•  Unneqqarissuusutit
•  Suliffiup iluani immikkoortut assigiinngitsut akornanni suleqataasinnaassuseqassasutit.
•  Meeqqeriviup atuarfiullu akornanni ikaarsaarnerit eqqumaffigigitit

 

Apissimiit neqeroorutigisinnaavarput:

•  Assigiinngitsuunermut inissaqartitsineq.
•  Illit inersimasutut nammineq eqqarsarsinnaassuseqarnerit upperigipput.
•  Meeqqerivik ineriartornissamut piumassuseqarfiusoq.
•  Ullut assigiinngisitaartut. 

 

Annertunerusumik paasisaqarusukkuit:
Annertunerusumik paasisaqarusukkuit pisortaq Jesper Andersen attavigisinnaavat uunga oqarasuaat +299 36 68 20 imaluunniit e-mail-imut uunga: jean@sermersooq.gl

 

 

Meeqqanik innarliisimannginnermut uppernarsaat:
Atorfik taanna meeqqanik pinerliisimasinnaanermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommunip pinerlussimannginnermut uppernarsaatip tigunerata kingorna aatsaat atorfinittoqarsinnaavoq. Taamaattumik naalagaaffiup politiivinit meeqqanik pinerliisimannginnermut uppernarsaammik naammaginartumik kommunimi pissarsisoqareerpat aatsaat atorfinittoqarnissaanik isumaqatigiissuteqarsinnaaneq erseqqissaatigineqarpoq.

Pinerlussimannginnermut uppernarsaat, Kommuneqarfik Sermersuumit pissarsiarineqartussaq, naammaginartutut nalilerneqarnera aallaavigalugu atorfinitsitsisoqassaaq.

 

Akissaatit atorfinitsitaanermilu atugassarititaasut:
Naalakkersuisut N.P.K-llu akornanni isumaqatigiissut atuuttoq naapertorlugu akissarsiaqartitsisoqarlunilu atorfinitsitsisoqassaaq.

Soqutiginnittut nittartakkami uani isumaqatigiissutit takusinnaavaat: www.Npk.gl qulequttami: "Sulisut sulinermilu pissutsit".

 

Inissaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaat qulequtserlugu Atorfiup ilisarnaataa 629-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALUGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: oktobarip 3.-at, 2023

Atorfik una qinnuteqarfigiuk