Skip to main content
89

Dette jobopslag er udløbet

Ukioqatigiinngiiaanut Meeqqerivik Sikkersoq Pisortamut Tullersorti-mik pissarsiorpoq / Atorfiup normua: 479/19

Sikkersoq isumaqarpoq naasup sikkernera, tunngaviusumik isummertaatsitsinnut ilisarnaataasoq, tassalu meeqqat uummaarissuullutillu atugarissaassasut. Ukioqatigiinngiiaanut meeqqerivik Sikkersoq Nuussuarmiippoq, meeqqanullu 64-inut inissaqartitsilluni.

 

Meeqqerivimmi pisortap illumi aqutsineq akisussaaffigaa. Sulisullu 14-inik amerlassusiligaapput, taakkualu agguarneqarneri imaapput, ininut sisamaasunut sulisut pingasukkaarput, eqqiaasoq iggavimmiorlu.
Sikkersoq ulluinnarni nal. 07.00 – 17.00 ammasarpoq, meeraaqqerivittaani meeqqanut 24-nut meeqqerivittaanilu meeqqanut 40-nut inissaqartitsivoq. Sulisut inunnut 15-inut amerlassusiligaapput.

Pisortamut tullersorti inimi meeqqerivittaani 3-6 ukiulinnut perorsaasutut atorfeqarpoq, aammalu pisortap tullersortaa pisortarlu qanimut suleqatigiilluinnartussaapput. Pisortallu peqannginnerani pisortatut sassartartuulluni. Sapaatillu akunneranut akunnerni 40-ni sulisarluni, tassa nal. 07.00-ip 17.00-illu akornanni piffissani nikerartuni.

Pisortaq, tullersorti aamma immikkoortortami aqutsisoq aqutsisoqatigiittut inissisimapput, taakkulu akisussaaffigalugit meeqqerivimmi perorsaanermut tunngasunik ineriartortitsinissaq, angajoqqaanik suleqatiginninneq aammalu suleqatinik aqutsineq.

 

Suliatigut inuttullu qinnuteqartumut piumasaqaatit ukuupput:

  • perorsaasutut ilinniagaqarsimassasutit
  • isumassarsiullaqqissuusutit akimmiffissarsiornermullu taarsiullugu periarfissarsiorsinnaassasutit
  • ulapiffiup nalaani sulianik aallussisinnaassuseqartutit
  • tamatigoortuusutit, suleqatikkuminartuusutit aamma saaffigiuminartuusutit
  • Tunngaviit ilikkalertorfiusut 7-rluk ilisimasaqarfigigitit
  • ”Kammagiitta” pillugu ilisimasaqartutit
  • Pisortap peqannginnerani pisortatut sassarsinnaanissaq
  • marlunnik oqaaseqartutit, kalaallisut qallunaatullu

Sikkersumi anguniakkagut pingaartitagullu ilaatigut makkuupput:

  • Inuttut inooqataanikkullu piginnaasatigut inerisaaneq
  • Timimi aalaatsinik angisuunik ullut tamaasa atuisitsineq
  • Inuttut immikkuullarissuseqarnermik akuersaarneq
  • Sulisut atuisullu akornanni attaveqatigiilluarneq
  • Meeqqap imminut naleqartinneranik imminullu tatigineranik siuarsaaneq
  • Sulinermi avatangiisigissaarneq nuannarnissamut piffissaqarneq

Neqeroorutigisinnaasavut:

  • Suliffik ineriartortuartoq pissanganartorlu, perorsaanermut tunngasunik eqqartueqatigiiffiusartoq ingerlaavartumillu nutarteriffiusartoq. 
  • Suleqatit nuannaartut pikkorissullu
  • Sulisutigut inerisaanerup aallutarinera 
  • Meeqqat angajoqqaallu nuannaartut 
  • Suliffik unammillernartortalik aalajangeeqataanissamullu periarfissiisoq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.  

Qinnuteqaat:
Qinnuteqaatip ilisarnaataata Job nr. 479/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.      

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Annertunerusumik paasisaqarusukkuit tikilluaqqusaavutit Sikkersoq-p pisortaa uunga attavigisinnaavat:

 

Avaaraq Lennert
E-mail: sikkersoq@sermersooq.gl
Tlf.: 366730

 

Qinuteqaat tunniunneqassaaq kingusinnerpaamik: 07. august 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Avaaraq Lennert
Telefon: +299 366730
Nittartagaq: http://www.sermersooq.gl
Qinnuteqaat nassiutiguk