Skip to main content
105

Dette jobopslag er udløbet

Ukaliusaq - Kommuneqarfik Sermersooq-Nuuk, ilinniartitsisunik marlunnik ilinniartitsisus-sarsiorpoq ukuninnga fag´ini atuartitsisinnaasumik: matematik, qallunaatut, tuluttut,kalaallisut, idræt, musik / Allagarsiussap nr. 673/19

Ukaliusaq Kommuneqarfik Sermersuumi ilinniartitsisutut suliassat unamminartut nutaat qinnute-qaatigerusukkukkit uagutsinnut attaveqarnissannut tikilluaqqusaavutit.

Naatsorsuutigisavut:
• ilinniarfissuarmi ilinniartitsisutut naammassisimasutit
• akuersaartuusutit, akuulluartuusutit aallarnisaasuusutillu
• suleqatinik, aqutsisunik angajoqqaanillu pitsaasumik suleqateqarusussuseqartutit
• killiliussat salliutinnagit periarfissanik takunnissinnaasutit
• atuarfiup avatangiisaani tamatigoortuni ineriartornermullu sammisuni ilanngunnissannut kajumis-suseqartutit
• atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqqataasinnaasutit.

Neqeroorutigaavut:
• atuarfiup avatangiisai ineriartornermut sammisut, inuttut suliatigullu ineriartornissamut periarfis-sallit
• kommunimi atuarfeqarfik politikikkut pingaartinneqarfiusumi atuarfeqarfimmi atorfik  soqutigi-nartoq perorsaanikkut ineriartorneq pingaartinneqartoq
• atuarfimmi ilinniartitsisutut nutaatut tapersersorluarneqarneq
• suleqatigiinni isummanik pissarsiffiulluartumi suleqatit pitsaasut suliassanik sunniinissamut aaqqissuussinissamullu periarfissat pitsaasut

Imatut qinnuteqaateqassaatit:
Qinnuteqaatit elektroniskiusumik nassiussat piumaneqarnerupput, nassiussannullu piumavarput ilinniarninnut uppernarsaat, siornatigut suliarisimasatit suunersut, CV´lu kakkiullugit.

Ukaliusaq
Ukaliusami atuartut 440 agguataarsimallutillu 1. – 10.klassinut, kiisalu specialklassit pingasut, atuarniarnermik ajornartorsiornerusut. Ukaliusaq immikkoortortaqarfinnut pingasunut agguagaa-voq, immikoortortaralugit trin 1, 2 aamma trin 3. Ukaliusaq immikkut inulerisumik (socialrådgiver) atorfeqartitsivoq, atuartut sungiulluarsimasaannit.Ullut tamaasa atuartut 10.min. atuakkamik atuatussaatitaapput. 

Immikkut suliniutigineqarput ilitsoqqussarinagu oqaatsinik atuartinneqarneq, matematik kiisalu atuartut angusassamikkut pitsanngorsarniartuarneri.

Ilinniartitsisusarsiorpugut sulinermut soqutigisalimmik suleqataarusuttunillu, ilinniartitsisut 47 akornanni anguniagaqarluni soqutigisalinnik.

Atuarfipput atuarfittut atortui pitsassuupput. Atuartitsinermi atortut IT-board, taaneqartullu ator-torissaarutai projektor, computer tamarmik atuartut inaani ininilu immikkoortuni tamani pigineqar-put,atuartut sulisullu Ipadsteqarput. IT- computerillu atuartunut ilinniartitsisunullu tigoriaannartut pigineqarput atoruminarlutillu. Skoleintra suli inerisartuarpoq. Hjemmeside www.Ukaliusaq.gl 

Ukaliusaq kantine´qarpoq, atuartut neriffigisartagaannik. Nerisassat Nuummi Brugsenip suliaralugillu aggiuttarpaat.

Saaffigineqarsinnaasoq fg. Skoleinspektør Inger Reimer (+299) 36 62 51, E-mail: inre@sermersooq.gl

imaluunniit fg.viceskoleinspektør Margrethe Karlsen(+299) 36 62 50, E-mail: mkar@sermersooq.gl

Atorfinitsitaaneq:
Tjenestemand´ioreersimaguit aatsaat tjenestemand´itut  atorfinitsinneqarsinnaavutit. Isumaqatigiissutit malillugit atorfinitsitaanermi misilitsiffik ukioq ataasiuvoq atorfineqqaamut. Isumaqatigiissutit malillugit aamma tjenestemanditut atorfinitsitaanerni tamani ilinniartitsisutut ilinniagaqarluni naammassinerniit ilinniartitsisutut atorfeqarsimaneq naatsorsorneqartarpoq.

Atorfinitsitseriaatsinut marluinnut taakkununnga atorfinitsinneqartunut tunngatillugu immikkut ittumik ataatsimoortumik sillimmasiinernut ilaatinneqassapput.

Atorfinitsinneqarnermut atatillugu inissaqartitsisoqassaaq.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Atorfik IMAK-ip ataani isumaqatigiissutiginiarneqarpoq. Isumaqatiginninniarnerup naammassinissaata tungaanut utaqqiisaagallartumik atorfinititsigallarnissaaq pissaaq.

ILINNIARTITSISUT Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni annerpaamik misiliisoqarnissaaq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 673/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.

Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 7. november 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Inge Reimer
Telefon: +299 366251
Nittartagaq: http://www.sermersooq.gl
Qinnuteqaat nassiutiguk