Skip to main content
105

Dette jobopslag er udløbet

Ukaliusaq ilinniartitsisunik pingasunnik pissarsiorpoq / Atorfiup normua 401/19

Ukaliusaq - Kommuneqarfik Sermersooq-Nuuk,  ilinniartitsisunik pingasunik  ilinniartitsi-sussarsiorpoq kalaallisut, qallunaatut, tuluttut, lok. valg kiisalu Puv; atuartitsisinnaasumik immikkoortoq 1 aamma 2-mi. Sammiviit ilai specialklasseni nukarlerni ingerlanneqassapput.

Ukaliusaq Kommuneqarfik Sermersuumi ilinniartitsisutut suliassat unamminartut nutaat qinnute-qaatigerusukkukkit uatsinnut attaveqarnissannut tikilluaqqusaavutit.

Naatsorsuutigisavut:
• ilinniarfissuarmi ilinniartitsisutut naammassisimasutit
• akuersaartuusutit, akuulluartuusutit aallarnisaasuusutillu
• suleqatinik, aqutsisunik angajoqqaanillu pitsaasumik suleqateqarusussuseqartutit
• killiliussat salliutinnagit periarfissanik takunnissinnaasutit kiisalu inuppalaasuseqartutit
• atuarfiup avatangiisaani tamatigoortuni ineriartornermullu sammisuni ilanngunnissannut kajumis-suseqartutit
• atuarfimmi immikkoortukkuutaarlugit agguataagaasumi suleqatigiinnut ilanngussinnaasutit suleqatigiinnillu taakkuninnga ineriartortitseqqataasinnaasutit.

Neqeroorutigaavut:
• atuarfiup avatangiisai ineriartornermut sammisut, inuttut suliatigullu ineriartornissamut periarfis-sallit
• kommunimi atuarfeqarfik politikikkut pingaartinneqarfiusumi atuarfeqarfimmi atorfik  soqutigi-nartoq perorsaanikkut ineriartorneq pingaartinneqartoq
• atuarfimmi ilinniartitsisutut nutaatut tapersersorluarneqarneq
• suleqatigiinni isummanik pissarsiffiulluartumi suleqatit pitsaasut suliassanik sunniinissamut aaqqissuussinissamullu periarfissat pitsaasut 

Ukaliusaq
Ukaliusami atuartut 460 agguataarsimallutillu 1. – 10.klassinut, kiisalu specialklassit pingasut, atuarniarnermik ajornartorsiornerusut. Ukaliusaq immikkoortortaqarfinnut pingasunut agguagaa-voq, immikoortortaralugit trin 1, 2 aamma trin 3. Ukaliusaq immikkut inulerisumik (socialrådgiver) atorfeqartitsivoq, atuartut sungiulluarsimasaannit.Ullut tamaasa atuartut 10.min. atuakkamik atuatussaatitaapput. 

Immikkut suliniutigineqarput ilitsoqqussarinagu oqaatsinik atuartinneqarneq, matematik kiisalu atuartut angusassamikkut pitsanngorsarniartuarneri.

Ilinniartitsisusarsiorpugut sulinermut soqutigisalimmik suleqataarusuttunillu, ilinniartitsisut 47 akornanni anguniagaqarluni soqutigisalinnik.

Atuarfipput atuarfittut atortui pitsassuupput. Atuartitsinermi atortut Ipads, IT-board, taaneqartullu atortorissaarutai projektor, tamarmik atuartut inaani ininilu immikkoortuni tamani pigineqarput. Ipads atuartunut ilinniartitsisunullu tamanut agguanneqarnikuupput pigineqartutut, atoruminarlu-tillu. Skoleintra suli inerisartuarpoq. Hjemmeside www.Ukaliusaq.gl 

Ukaliusaq kantine´qarpoq, atuartut neriffigisartagaannik. Nerisassat Nuummi Brugsenip suliaralu-gillu aggiuttarpaat.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Atorfinitsitaaneq:
Tjenestemand´ioreersimaguit aatsaat tjenestemand´itut  atorfinitsinneqarsinnaavutit. Isumaqatigiissutit malillugit atorfinitsitaanermi misilitsiffik ukioq ataasiuvoq atorfineqqaamut. Isumaqatigiissutit malillugit aamma tjenestemanditut atorfinitsitaanerni tamani ilinniartitsisutut ilinniagaqarluni naammassinerniit ilinniartitsisutut atorfeqarsimaneq naatsorsorneqartarpoq.

Atorfinitsitseriaatsinut pineqartumut atorfinitsinneqartussaq immikkut ittumik ataatsimoortumik sillimmasiinernut ilaatinneqassaaq.

Atorfinitsinneqarnermut atatillugu atorfik inissaqartinneqarpoq.

Akissaatit atorfinitsitaanermilu atugassarititaasut:
Namminersorlutik Oqartussat aamma IMAK-ip, Ilinniartitsisut Meeqqat Atuarfianni Kattuffiat, isumaqatigiissutaat atuuttut naapertorlugit akissaasersuisoqarlunilu atorfinitsitaanermi atugassa-qartitsisoqassaaq.

Paasisutissat annerusut piniarneqarsinnaapput uunga saaffiginninnikkut HR@Sermersooq.gl . Tlf. +299 36 70 00.

Qinnuteqaateqarneq:
Qinnuteqaatit elektroniskiusumik  nassiussat piumaneqarneruvoq, nassiussannullu ilinniarsimaner-mut uppernarsaat, siornatigut suliarisimasatit, ilinniagarisimasat kiisalu CV´ kakkigussinnaavatit.
Qinnuteqaat imatut ilisarnaasigaq atorfiup normua 401/19 ilanngussartalik  uunga nassiunneqarsinnaavoq:
Ukaliusaq, Kommuneqarfik Sermersooq, Postboks 1009, 3900 Nuuk.

Qinnuteqaat kingusinnerpaamik nassiunneqassaaq 21.juli 2019.
Saaffigineqarsinnaasoq Skoleinspektør Karno Lynge (+299) , 36 62 50 E-mail: kaly@sermersooq.gl imaluunniit viceskoleinspektør Inger Reimer (+299) 36 62 51, E-mail: inre@sermersooq.gl

 

Qinuteqaat tunniunneqassaaq kingusinnerpaamik: 21. juli 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Skoleinspektør Karno Lynge
Telefon: +299 361620
Nittartagaq: http://www.sermersooq.gl
Qinnuteqaat nassiutiguk