Inunnut innarluutilinnut tarnimikkullu nappaatilinnut immikkoortortaqarfik Qinngutsinni Najugaqatigiiffik pikkorissumik tunniusimasumillu tullersortissarsiorpoq Aqutsisutut sulineq misilikkusuppiuk aamma najugaqartut pillugit allanngueqataanissat uummateqarfigiviuk, taava illerpiaq suleqatissatsitut amigaatigaatsigit.

 

Atorfik akunnerni 40-ni suliffiuvoq, sulinerlu ulluunerani nal. 08.00-16.00-ip akornanni ingerlanneqarnerusarluni. Aqutsisoq qanimut suleqatigissavat, taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit. Tullersorti aqutsisut sulisullu akornanni pingaarnerusumik attaveqaataasarpoq. Tullersortitut illit ulluinnarni piffissaq suliffigisartagassat allaffissornikkut suliassanut aamma ulluinnarni ingerlatsinermik suleqataasarnissannut agguataartassagit naatsorsuutigissavat.

 

Najugaqatigiiffik Qinngorput Nuummi najugaqatigiiffitta annerit ilagaat. Najugaqatigiiffimmi 21-nik najugaqartoqarpoq, taakkulu eqqarsartaatsimikkut piginnaasaat annikillisimasuupput atornerluisuullutillu. Najugaqartut namminerisaminnik ineqarput, najugaqarfiullu ataatsimoorussamik iniutai marluk iganermut, nerinermut inooqataanikkullu ataatsimooqatigiittarnermut atorneqartarlutik. Illit pingaarnertut suliassarissavat najugaqartut tarnimikkut, inooqataanikkut aamma nalinginnaasunik piginnaasassanik inerisaaviginissaat, taamaalillutik sapinngisamik imminnut ikiorsinnaalersillugit. Suleqatitit peqatigalugit najugaqartut kissaataat malillugit pitsaasumik imaqarluartumillu inuuneqarnissaannut tapersersussavatit. Sulisut 20-t missaaniittut akuuffigilissavatit, perorsaanermut imaluunniit peqqinnissamut tunngasunik ilinniagallit imaluunniit ilinniagaqanngitsut.

 

Atorfinitsitsinissamut oqaloqatiginninnerit sapaatip akunnerini 41-mi ingerlannissaat naatsorsuutigaarput.

 

 

Suliassatit:

· Ulluinnarni ataatsimut isiginnissinnaaneq kiisalu sulisunik pigaartoqarneq aamma napparsimalluni nalunaaruteqarnerit pillugit ulluinnarni attaveqarneq.

· Pigaartut suliffissaannut pilersaarummik suliaqarneq.

· Pilersaarusiorneq, aaqqissuineq aamma ulluinnarni suliassanik aqutsisoq peqatigalugu ataqatigiissaarineq

· Najugaqatigiiffiup najugaqartunut neqeroorutaanik ineriartortitsineq sulisut allat aqutsisorlu suleqatigalugit

· Aqutsisup peqannginnerani aqutsinermik ingerlatsinermillu suliassanik isumaginninneq.

· Pissarsiarineqarsinnaasutut pigaartuunermik aqutsisorlu avitseqatigiinneq.

 

 

Ilinnut naatsorsuutigineqartut:

· Naleqquttumik suliatigut tunuliaqutaqassaatit, inunnut innarluutilinnut tarnimikkullu nappaatilinnut suliassaqarfimmit misilittagaqarsinnaallutit.

· Aqutsinermut sapiissuseqartutit misilittagaqartutillu.

· Aqutsisoq suleqatigalugu sulisunut ersarissumik anguniagassaliisinnaavutit.

· Aalajaatsuuvutit, tatituujullutit aamma allat ataqqillugit akueralugillu naapittarlugit.

· Attaveqatigiinnermi ersarissuuvutit killiliisinnaallutillu.

· Suleqataavutit pitsaasoq tatiginartorlu.

· Aaqqiiniallaqqissuuvutit aamma piffissat suliffissat eqqarsaatigalugit allanngortitsinissamut piareersimasuullutit.

· Kalaallisut danskisullu piginnaasaqaruit iluaqutaassaaq.

 

 

Uagut pilluta:

Atorfimmi pineqartumi ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartoq, tallimanik allanik najugaqatigiiffeqartoq, marlunnik sammisassaqartitsinermut ataatsimooqateqartitsinissamullu neqeroorutilik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut. Immikkoortoqarfimmi annertuumik ineriartortitsiffiusumi pissanganartumilu atorfimmik neqeroorfigaatsigit. Ineriartortitsinermik ingerlatsillualeruttorpugut, pingaarnertullu suliatsinnik ineriartortitsinitsinni suliatigut piginnaasat, assigiinngissuseq, ataatsimoornerlu ilisarnaataassapput:Innuttaasut nammineersinnaanerulernissaannik pitsaanerusumillu inuuneqalernissaannik tapersersornissaat. Ineriartortitsinermi ilaatigut pineqarput sulilerlaatut iluamik ilitsersuunneqarnissat, ingerlaavartumik siunersioqatigineqartarnissat kiisalu suliatigut ataatsimooqatigiiffeqarneq.

 

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Malene H. Jensen uunga oqarasuaat +299 54 62 65 imaluunniit e-mail: mahj@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.
 

Atorfinititsineq qaammatini pingasuni misiliutitaqassaaq.

 

 

Inissiaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaatip:

Qinnuteqaatip ilisarnaataata Atorfiup ilisarnaataa 826-23 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALIGIUK:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 4.-at, 2023

Atorfik una qinnuteqarfigiuk