Ukioqatigiinngiiaanut meeqqerivik Nukariit tullersortimik pissarsiorpoq

 

Qanimut attaveqarnermik pingaartitsiviusumi, meeqqallu ataasiakkaat eqimattallu ineriartorneranik atugarissaarneranillu pingaartitsiffiusumi meeqqanut paaqqinnittarfimmik ineriartortitseqataarusuppit aserfallatsaaliueqataarusullutillu, taamaappat atorfissaqartippatigit.

 

Meeqqat alapernaatsut, nukittuut, peqqissut nuannaartullu Kommuneqarfik Sermersuup anguniagarai, iliuusissatut pilersaarummut missingersuut oqaloqatigiissutigissavarput piviusunngortillugulu.

 

 

Paaqqinnittarfitsinni immikkut ilisarnaatigaagut uku: Anguniakkat aallaavigalugit sulineq, ukua:

· Pinngortitaq perorsaanermi sakkutut atorneqartassaaq

· Ukioq 2022 sulisunik inerisaanermut atorneqarnissaa

 

 

Naatsorsuutigaarput illit:

· Suleqatinnut, meeqqanut angajoqqaanullu maligassiuisinnaasutit

· Meeqqanik, sulisunik angajoqqaanillu akuersaarlutit suleqateqarsinnaasutit

· Inoqatinnut tapersersuisuusutit inissaqartitsisuusutillu

· Suliatigut arajutsisimasaqanngitsuusutit meeqqerivimmilu sulineq misilittagaqarfigereerit

· Sulisut meeqqanut pissusaannik eqqumaffiginnissinnaasutit, taamaattumillu sulisunut qisuariaateqarsinnaasutit.

· Meeqqanut ataasiakkaanut perorsaariaaseq atorneqartoq pillugu nassuiaasiorsinnaasutit uppernarsaasiorlutillu

· Aqutsisoqatigiit meeqqanik ataasiakkaanik qitiutitsilluinnarlutik angajoqqaanillu suleqateqarnermik pingaartitsilluinnassapput, tamatumanilu nutaanik nutaaliorsinnaassuseqartumillu eqqarsartaaseqarlutit aqutsisoqatigiit peqataaffigissavatit

· Meeqqerivitsialammut suliniummut atatillugu periutsinik misilittaaffiusumi meeqqerivimmi suleqataassaatit

· Silami pinngortitamilu sammisassanik aaqqissuisinnaavutit

· Aqutsisoqatigiinni peqataalluarlutit sulissasutit

· Suliamut tunngasunik pikkorissarnernut peqataasassaatit, ilinniaqqinnissannullu piareersimasuullutit

 

 

Pitsaassaaq:

· Aqutsinerup tungaatigut misilittagaqaruit

· Uippakajaarnak ataatsikkut arlalinnik suliaqarsinnaaguit

· Ulluunerani meeqqerivimmi ineriartortitseqqinnissamut tamatumunngalu sunniuteqarnissannut kajumissuseqartutit

· Qarasaasiamik teknikkikkullu atortunik atuilluarsinnaaguit

· Nammineerlutit sulisinnaavutit, akisussaassuseqaruit sullissiumatullutillu

· Sulianut atatillugu sungiussiasuuvutit ingerlaavartumillu suliat agguataarneqartarnerannik nalimmassaalluarsinnaallutit

· Ulloq ulapaarfiugaluarpalluunniit ukkatarinnillutit aaqqissuulluakkamillu suliaqarsinnaasutit

· Tatituujuvutit aallartitsillaqqissoq, nukissaqarluartoq aamma iliuuseqallaqqissoq

· Nipilersornerup, erinarsornerup, timimik atuisinnaanerup allatigulluunniit sammisanik aallartitsisinnaanermut piginnaasaqartutit

 

 

Uagut neqeroorutigaagut:

· Sulisut amerlasuut inussiarnersut kiinneraartullu toqqartumik attaveqatigiittartut, naleqartitagut tunngavigalugit sulivugut tassaasut toqqissisimaneq, ineriartorneq suleqatinullu akuersaartuuneq, kisianni aamma meeqqanut angajoqqaanullu pissuserissaarlutik sulisut.

· Kommuneqarfik Sermersuup ataani sulisuunerput arajutsisimanngilarput, taamaattumillu meeqqanut akisussaallutik pilersuisuusut suleqatiginerisigut meeqqanut 120-nut perorsaanikkut ineriartuutaasunillu ulluinnarni sammisassaqartitsinermik suliaqarluta.

· Qiimasutut, piumassuseqarluartutut, naatsorsuutigineqarsinnaasutut, nuannersumillu eqqarsartariaaseqarluta suleqatigiittut immitsinnut isigivugut.

 

Meeqqerivik Nukariit 2012-imi ammarpoq, meeqqanullu 120-nut inissaqarluni – ulluunerani meeqqerivik pingasunik immikkoortortaqarpoq, meeqqanut katillugit 60-inut immikkut amerlassuseqartunut.

 

Meeraaqqerivik tallimanik initaqarpoq, taakkunanilu meeqqanut 60-inut inissaqarpoq. Meeqqerivimmi tullersortissarsiorpugut, taassumalu meeqqerivik akisussaaffigissavaa.

 

Sulisut 29-nut amerlassusiligaapput.

 

Meeqqerivik Nuup ilaani Qinngutsinni pinngortitamik avatangiiseqarluni inissisimavoq.

 

 

Paasissutissat sukumiinerusut::

Nukariit aqutsisuanut Karen Kleemann +299 36 69 91, E-mail: knkn@sermersooq.gl saaffiginninnikkut pissarsiarineqarsinnaapput.

 

 

Pinerlussimannginnermik uppernarsaatit aammalu meeqqanik pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput Kommunip uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitiinit, aammalu pineqaatissinneqarsimannginnermut uppernarsaat Politiinit tiguneqarpat atorfininnissaq inissinneqassammat.

 

Meeqqanik pinerliisimannginnermut uppernarsaat kommunimit aaneqarsinnaavoq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politeeqarfimmut aaneqassaaq.

 

 

Akissarsianut atorfinitsitsinermilu tunngasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq NPK, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinitsitsinermi qaammatit siulliit pingasut misiligutaaqqaassapput.

 

 

Inissaq:

Atorfimmut atatillugu inissaqartitsisoqanngilaq

 

 

Qinnuteqaat:

Qinnuteqaat qulequtserlugu Atorfiup ilisarnaataa 833-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: oktobarip 6.-at, 2023

Atorfik una qinnuteqarfigiuk