Inunnut innarluutilinnut tarnimikkullu nappaatilinnut immikkoortortaq Najugaqatigiiffik Pakkutaq isumassuisumik tullersortimik pissarsiorpoq. Aqutsisutut sulineq misilikkusuppiuk aamma najugaqartut pillugit allanngueqataanissat uumateqarfigiviuk, taava illerpiaq suleqatissatsitut amigaatigaatsigit.

 

Atorfik piffissaq suliffiusussaq tamaat sapaatip akunneranut 40 tiimit suliffiuvoq. Nikerartumik pigaartuusarnissat ilimagissavat. Aqutsisoq qanimut suleqatigissavat taassumalu peqannginnerani illit aqutsisumut paarlattaasassaatit immikkoortoqarfimmi aqutsisut allat tapersersortigalugit.

 

Najugaqatigiiffik Pakkutaq innuttaasunut timikkut tarnikkullu innarluutilinnut, 18-67-inik ukiulinnut, 12-inut inissaqarpoq. Ataasiakkaat timikkut, eqqarsartaatsikkut inooqataanikkullu piginnaasatigut attassiinnarnissaanut ineriartortinnissaanullu ikiornissaat pingaarnertut suliassarissavatit. Suleqatitit peqatigalugit innuttaasup kinaassutsiminik, imminut naleqartinnermik aamma inuunermik nuannarisaqarneranik attassiinnarnissaanik ineriartortitsinissaanillu ikorfartussavat. Perorsaasutut ataatsimoorluni suleqatigiinnut tassaasunut peqqissaanermi assistentit, peqqissaasut ilinniarsimanngitsullu ilanngutissaatit. Najugaqatigiiffimmi pingaartitavut tassaapput inuunermi ajornaannerpaat, tassaasut isumassuineq, ataasiakkaanut ataqqinninneq, toqqissisimanermik tatiginninnermillu pilersitsineq, pitsaanerpaamik inuuneqartitsinissaq tusarnaarluarnerlu kiisalu tusarnaarsinnaaneq

 

Suliassatit:

• Pilersaarusiorneq, aaqqissuineq aamma ulluinnarni suliassanik aqutsisoq peqatigalugu ataqatigiissaarineq
• Najugaqatigiiffiup najugaqartunut neqeroorutaanik ineriartortitsineq sulisut aqutsisorlu suleqatigalugit
• Aqutsisup peqannginnerani aqutsinermik ingerlatsinermillu suliassanik isumaginninneq

 

Suliassat najugaqatigiiffimmi sulisut allat qanimut kiisalu illup iluani avataanilu suleqatigisat suleqatigalugit suliarineqassapput, matumani sullissisut, Ikaarsaarfik, Dronning Ingridip Napparsimmavissua aamma Pinerluttunik Isumaginnittoqarfik ilanngullugit.

 

Ilinnut naatsorsuutigineqartut:

• Inuit innarluutillit tarnimikkullu nappaatillit sullinnerini misilittagaqartuti
• Aqutsinermut sapiissuseqartutit misilittagaqartutillu
• Ineriartorusussuseqartutit aamma immikkoortoqarfik eqqarsaatigalugu, taamaalillutit najugaqartuusumut allannguineq pingaaruteqarluinnartoq pilersillugu
• Aqutsisoq suleqatigalugu sulisunut ersarissumik assigiimmik anguniagaqarsinnaasutit
• Suliffeqarfimmi ilisimasanik avitseqatigiiffiusumi, suleqatigiiffiusumi oqaloqatigiiffiusumilu sulinissamut kajumissuseqartutit.
• Inuttut ilakkuminartuussaatit qiimasuullutillu
• Eqqissisimasuusutit, naammagittarsinnaassuseqartutit namminermilu toqqissisimaffeqarsinnaallutit
• Aalajaatsutit, tatituujusutit inunnillu allanik inissaqartitsillutit

 

Uagut pilluta:
Atorfimmi tassani ataatsimooqatigiinnermi annertuumi peqataalissaatit: Immikkoortoqarfiuvugut arfineq-pingasunik najugaqatigiiffeqartut, najugaqatigiiffiit allat tallimat, sammisassaqartitsinermut ataatsimooqateqartitsinissamullu neqeroorutinik marlunnik kiisalu tapersersorteqarfinnut pingasunut Nuummi, Tasiilami Paamiunilu agguataarsimasut.

 

Immikkoortoqarfimmi annertuumik ineriartorfiusussanngortumi pissanganartumilu atorfimmik neqeroorfigaatsigit. Ineriartortitsinermi ilaatigut pineqarlutik sulilerlaatut iluamik ilitsersuunneqarnissat, ingerlaavartumik siunersioqatigiittarnissamik kiisalu suliatigut ataatsimooqatigiiffeqarnissamik imaqarput. Suli paasisaqarusukkuit tikilluaqqusaajuassaatit attaveqarfiginissatsinnut.

 

Annertunerusumik paasisaqarusukkuit:
Annertunerusumik paasisaqarusukkuit Peqqinnissamut siunnersorti Ulrik Neess attavigisinnaavat uunga oqarasuaat +299 58 01 29 imaluunniit e-mail-imut uunga: ulne@sermersooq.gl imaluunniit Susassaqarfimmi pisortaq Mathias Knude Brusgaard tlf.nr. +299 36 71 77 imaluunniit e-mail: mtbr@sermersooq.gl

 

Atorfinitsitsinissamut oqaloqatiginninnerit sapaatip akunnerani 15-mi ingerlannissaat naatsorsuutigaarput

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Naalakkersuisut aamma Sundhedsassistentit Peqatigiiffiata IMALUUNNIIT Peqqissaasut Kattuffiata (PPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaa atuuttoq naapertorlugu atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

Inissaq:
Atorfininnermut atatillugu inissiamik innersuussisoqarsinnaanngilaq.

 

Qinnuteqaat:
Qinnuteqaat qulequtserlugu Atorfiup ilisarnaataa 267/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: 
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuigissavatsigit qinnuteqaatit nittartagaq aqqutigalugu nassiutissagit.

Qinnuteqarnissamut killissarititaasoq: apriilip 13.-at, 2023

Atorfik una qinnuteqarfigiuk