Skip to main content
149

Dette jobopslag er udløbet

Tullersorti Meeqqerivik Umiaq-mut

Meeqqerivik “Umiaq”-mi meeqqap killiffia aallaavigalugu sullissinissaq pingaartinneqarpoq, tassani Lev Vygotsky aammalu Maslows behovs pyramide tunngavigalugu sulissineq ingerlanneqarpoq. Meeqqap takorluugaa timitalersorneqarnissaa siunertarineqarpoq.

Meeqqat alapernaatsut tatitussusillit, peqqissut nuannaartulllu anguniarneqarput.

 

 

Pingaartitat

  • Qanilaartuuneq.
  • Paasininneq.
  • Ammasuuneq.
  • Akisussaaqataaneq.
  • Tatigeqatigiineq.
  • Tatigininneq.

 

 

Meeqqerivik ”Umiami” naleqartitavut makkuupput:

 

·Perorsaanermi assigiinngitsunik inerikkiartuutaassumik pilersitsineq

·Meeqqanik ineriartortitsinermi pinngortitaq atussallugu pingaartinneqarpoq

·Meeqqap kinaassusaat assigiinngissusaallu ataqqineqassapput, ataqqissallugit aalajageeqqataatissallugillu

·Akuersaartumik perorsaariaaseq atortinneqassalluni

·Ineriartortitsinermik inissaqartitsilluni meeqqat toqqissisimanartunik avatangiiseqartinnissaat.

 

Neqeroorutigineqartussat:

 

·Sulisoq inerikkiartornissaminut neqoroorfigineqartarnissaat.

·Sulininni akisussaaqataanissat pillugu kaammatorneqarlutit ilitsersorneqarnissarlu

·Suleqatigiit imminnut ataqqisut, tatigeqatigiittut akaareqatigiittullu.

·Pikkorissarnissamut ilinniagaqarnissamullu periarfissaqarneq

·Sulinermi nalaattat aallaavigalugit inuttut imaajarsinnaanermik periarfissaqartinneqarneq.

 

 

 

Naatsorsuutigaarput:

  • Perorsaasutut ilinniagaqarsimanissat
  • Eqeersimaartuunissat akisussaaffimmillu tigusisinnaanissat
  • Suliffipput pillugu perorsaanermut tunngasunik oqalliseqataasinnaanissat
  • Meeqqat peqatigalugit inerikkiartuutaasumik pilersitsissinnaanissat
  • Meeqqanut atuisunullu ilakkuminartuunissat saaffikkuminartoq tunuarsimaanngitsorlu
  • Ulluinnarni aqutsisinnaasutit, utaqqiinnartuunak aaqqitassanut iliuuseqarlutit namminersorsinnaassuseqartorlu.
  • Aaqqissuussani annertuuni pilersaarusioqataasinnaasutit soqutigisaqartutillu.
  • Kalaallisut qallunaatullu oqalussinnaassasutit.
  • Suliffimmut akisussaassuseqartutit sunniuteqaqataasinnaasutillu
  • Allannguerusussusilik namminersorsinnaassuseqartorlu
  • Piffissamik ataqqinnittoq
  • Saaffikkuminartoq /qiimasoq
  • Sulianik unamminarsinnaasunik suliaqarsinnaasoq
  • Inuttut nikerartuunngitsoq
  • Pisortaq suliffimminiinngippat akisussaaffimmik patajaatsumik tigumminnissinnaasoq.

 

 

Meeqerivik “Umiaq” Nuussuarmi inissisimasuuvoq.

Atuisunut qanimut paasinittumik suleqatigininneq pingaartinneqarpoq. Ulluinnarni tikilluaqquneqarneq peqataatinneqarnerlu anguniagaavoq.

Meeqqerivik ”Umiaq” meeraateqarpoq katillugit meeqqat 40-nut. Imak agguataagaapput, ininut marlunnut meeqqat katillugit 40-runut inissaateqarpoq, Inatsisartut inatsisaat nr 16, 3.dec 2012-meersoq najoqqutarineqartoq.

Sulisut katilligit 10-ullutik, taakkunani immikkut innarluutilimut   meeqqamut ataatsimut tapersersorteqartitsivugut.

 

Meeqqerivik illoqarfiup immikoortortaanni Nuussuaq-mi inississimasuuvoq. Meeqqerivik ullaakkut ammartarpoq nal: 7:00 ualikkut 17:00 matusarluni. Sulinerup avataatsigut sulisut ataatsimiiffeqarput qaamatikkaartumik, pisariaqartitsineq naapertorlugu ataatsimiittoqarsinnaalluni ammaffiit avataatsigut.  

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politiinit pippagit atorfininnissaq inissinneqassaaq.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu  atugassarititaasut Namminersorlutik Oqartussat maleruagassaat, aammalu nunatsinni perorsaassut kattuffiata isumaqatigiissutaat malinneqassaaq.

Atorfinititsineq qaammatini pingasuni misiliutitaqassaaq.

 

 

Inissaq:
Atorfimmut atatillugu inissamik innersuussisoqanngilaq

 

 

Qinnuteqaat:
Qinnuteqaatip ilisarnaataa Job nr. 846-22 mut ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Annertunerusumik paasisaqarusukkuit:

pisortamut Nukârak`Olsen attaveqarsinnaavutit oqarasuaat 36 68 90 imaluunniit email-ikkut attaveqarsinnaavutit nuol@sermersooq.gl

 

 

Qinnuteqarnissamut killissarititaasoq: decembarip 6.-at, 2022

Atorfik una qinnuteqarfigiuk