Ippiarsuk Sammisassaqartitsiviutigaluni paaqqutarinnittarfimmut pisortamut tullersortimik pissarsiorpoq

 

Utoqqaat sullikkusuppigit, qanimut qanigisaat oqaloqatigisarlugit? Inuttut nukissaqarluarlutit nuannaartuuit assigiinngitsunik suliaqarsinnaasoq, taava Ippiarsummi pisortap tulliatut unammillerneqarluarnissamut periarfissaqarputit.

 

Ippiarsuk tassaavoq ulloq unnuarlu utoqqaat angerlarsimaffiat, 34-inut inissalik Sammisaqartsitiviutigaluni avataaninngaaniit atuisut ullormut 35-inut inissalik. Najugaqartut pingasunut agguarneqarnikuupput tamarmik 11-niit 12-inut inissaatillit.

 

Ippiarsummi sulisut ima ilinniagaqarsimasuupput: Peqqissaasoq, Peqqissaanermut assistentit, Peqqissaanermut ikiortit ilinniarsimanngitsullu. Immikkoortortat sisamat saniatigut innarluutilinnut inuusuttunut immikkoortortaqarpoq, Sammisaqartitsiveqarpoq, Igaffik, Errorsisarfik, Allaffik, pedeli biilertorlu. 70-it missaanniilluta sulisuuvugut. Igaffipput ullormut najugaqartunut 78-it iggassisarpugut, qallersuisarluta sutugassaqartitsisarlutalu taakkualu aamma ilaatigut kioskmi najugaqartunut sammisaqartitsivimmillu atuisunut sulisunullu tuniniarsoqartarpoq. Immikkoortortaqarfinniit aamma inniminniisoqartarpoq nalliuttunut, ataatsimiinnernut najugaqarfimmilu illup iluani pisussanut allanut.

 

Illorsuup iluaniippoq aamma immikkoortortaqarfik Pakkutaq Handicap og Socialpsykiatri aataaniit, taana illorsuup nutaartaani qullermiippoq. Toqqaanartumik najugaqartut sulisullu uagutsinnut atassumassuteqanngillat.

 

 

Atorfimmi suliassat:

• Aqutsisutut immikkoortortat pingasut akisussaaffigissavatit. Ippiarsummi aqutsisoq qanimut suleqatigissavat, aamma immikkoortortaqarfinni, igaffimmi, suleqatigiiaanik ataqatigiissaarisut, pedelini il. il. aqutsisuni ataatsimut aqutsisutut suleqatigiinni peqataassaatit.

• Suliniuteqarfiit annertuut suliatta ilagaat: ineqartoq qitiutillugu, ammasumik oqaloqatigiinneq, inuunermi oqaluttuat il.il.. Maanna neriuutigaarput suliniutit atuutilersinneqassasut, aamma ilaqutaasut malugissagaat illumullu pigaangamik nuannernerusumik misigisassasut.

• Taamaattumik pisortap tullianik pissarsiorpugut sulisunut kaammattuisinnaasumik ineriartortitsisinnaasumillu, pisunullu nutaamik ineriartortitsisinnaasumik. Peqatigitillugu ineqartut ilaqutaasullu pisariaqartitaannik ataatsimut isiginnissinnasumik. Tulliatut neriuutigaarputtaaq ersarissuusutit aalajaatsuullutillu, ammasumillu ataqatigiinnernik salliutitsisutit.

 

 

Kissaatigaarput pisortap tullia:

• Aqutsinikkut nakuusoq - utoqqarnik sullissinermik misilittagaqarsinnaasoq

• Pisortap peqanngiffiani paarlattaasinnaasoq

• Aqutsinermik ammasumik naammassinnissinnaasoq

• Aqutsisoqatigiinni ineriartortitsinermut akuusoq

• Anguniagaqarusuttoq suliamilu pitsaanerpaanik pilersitserusuttoq

• Sungiussiasooq, piumassusilik "akimmiffissanit periarfissat takusinnaanerullugit" inissisimasoq

• Suleqatinik ilinniartunilluunniit siunnersuineq piginnaasanillu ineriartortitsineq misilittagaqarfigigukku iluaqutaassaaq

• Maleruagassat, ilitsersuutit aamma suliniutit nutaat – suleqatigiinni ataqatigiissaarisut pingasut suleqatigalugit – atulersittarnissaannik akisussaasoq.

• Ineqartunut ataqatigiissumik ingerlatsineq qularnaarsinnaagit

• Utoqqarnut nuannersumik angerlarsimaffeqarnissamut, nuannaartuunikkut illumiittunullu tamanut qanilaarnermik pilersitseqataassasutit

• Marlunnik oqaaseqartuusutit, kalaallisut qallunaatullu.

 

 

Neqeroorutigaavut:

Atorfik suliat pitsaassusaannut ineriartornissaannullu, suleqatigiit ataatsimoortut tunniusimasut, illu kissalaartoq uummaarissorlu, ulluinnaat sunniuteqarfiulluartut eqeersimaarfiusut.

 

Pingaarnertut ulluunerani sulisutut sapaatip akunneranut akunnerit 40-t suliffiusassapput.

 

 

Annertunerusumik paasisaqarusukkuit:

Paasissutissat allat Ippiarsummi aqutsisumi pissarsiarineqarsinnaapput, Lone Ellingsgaard Isaksen uunga oqarasuaat +299 36 61 74 imaluunniit e-mail: loei@sermersooq.gl

 

 

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

 

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

 

 

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

 

Qinnuteqaat:

Qinnuteqaat qulequtserlugu Atorfiup ilisarnaataa 790-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: septembarip 27.-at, 2023

Atorfik una qinnuteqarfigiuk