Skip to main content
131

Dette jobopslag er udløbet

Timmiaaqqat perorsaasumik pissarsiorpoq

Meeqqanut ukioqatigiianut assigiinngitsunut ulluunerani paaqqinnittarfik Timmiiaaqqat perorsaasumik pissarsiorpoq atorfinittussamik piaartumik imaluunniiit isumaqatigiissuteqarnikkut. Tamakkiisumik atorfik sapaatip akunneranut nalunaaquttap akunneri 40-t suliffiusarput.

Timmiaaqqat pillugu:Paaqqinnittarfitsinni meeqqat ukiui akuleriiaartuupput, meeraaqqerivimmi meeqqat 36-t ininut pingasunut agguataagaapput, meeqqerivittaani meeqqat 64-t ininut sisamanut agguataagaallutik.

Inini ataasiakkaani tamani perorsaasoqarpoq ataatsimik, isumaginninnermilu ataatsimik ikiorteqarluni aammalu ataatsimik ikiorteqarluni. Taakku saniatigut igasoqarpoq igaffimmilu ikiorteqarluni ataatsimik, eqqiaasoqarlunilu ataatsimik.

Uagut ilinnut makku naatsorsuutigaagut:

  • Perorsaasutut ilinniarsimasuussuutit
  • Marluinnik oqaasiliussuutit, kisianni tamanna piumasaqaataanngilaq
  • Meeqqat ukioqanngittumiik marluk tungaanut ukiullit inerikkiartornerannut tunngasunik ilisimasartuussuutit
  • Meeqqat 12-nik qiimasunik nakkutigilluarsinnaallugit,
  • Meeraaqqeriviup meeraatai 36-t ataatsimoorfeqarnermi nakkutigisinassaallugit.
  • Aalajaatsuusuutit
  • Suleqatigiissinnaanermut kajumissuseqartuussuutit
  • Suleqatigiissinnaanermi inimut aalajangersimasumut pituttoqqannginnissaq.
  • Sammisaqarnermut suliniuteqarsinnaassuutit
  • Akisussaassuseqartuussaatit
  • Allannguerusussuseqartuussaatit
  • Illarsaarumassuseqartuussuutit/nuannersumik isumaqartuussuutit
  • Inuunermut nuannersumik isiginnittaaseqartuussuutit

Uagut ilinnut makku neqeroorutigisinnaavagut:

  • Suleqatit eqqeersimaartut 24-t
  • Suliffimmi avatagiisitigut atungassat pitsaasut
  • Isumassarsianut misilittaanissamut inissaqarpoq sunniuteqataanissamut periarfissiisumik

Meeqqanik pinerliisimannginnermut aammalu pineqaatissinneqarsimannginnermut uppernarsaat:Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:Akissarsiaqarnermut atorfinitsitaanermullu atugassarititaasut Naalakkersuisut aamma Nunatsinni Perorsaasut Kattuffiata (NPK-p) akornanni isumaqatigiissut atuuttoq imaluunniit Kalaallit Nunaanni kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:Qinnuteqaat qulequtserlugu Atorfiup ilisarnaataa 424/22-mik, ilinniagaqarsimanermullu uppernarsaat siornatigullu sulisimanermut uppernarsaat ilanngullugu qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

“Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq nukittooq innuttaasunut sullissineq pitsaanerusumik akikinnerusumik sunniuteqarluarnerusumillu ingerlasinnaajumallugu. Suliatsinnut atatillugu sinaakkutissat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu”

 

Qinnuteqarnissamut killissarititaasoq: juulip 13.-at, 2022

Atorfik una qinnuteqarfigiuk