Skip to main content
127

Dette jobopslag er udløbet

Timmiaaqqat meeqqerisumik isumaginninnermi ikiortimilluunniit pissarsiorpoq

Allagarsiuteqqitaq, ulluunerani meeqqanut akuleriinnut paaqqinnittarfik Timmiaaqqat meeqqerisumik imaluunniit isumaginninnermi ikiortimik pissarsiorpoq atorfinittussamik piaartumik imaluunniit isumaqatigiissuteqarnikkulluunniit. Atorfik tamakkiisumik atorfiuvoq sapaatip akonneranut nalunaaquttap akunneri 40-t suliffiullutik.

 

Timmiaaqqat pillugu:

Paaqqinnittarfitsinni meeqqat ukiui akuleriiaartuupput, meeraaqqerivimmi meeqqat 36-t ininut pingasunut agguataagaapput, meeqqerivittaani meeqqat 64-t ininut sisamanut agguataagaallutik. Inini ataasiakkaani tamani ataatsimk perorsaasoqarpoq, meeqqerisoq imaluunniit isumaginninnermi ikiorti ataaseq kiisalu ataatsimik ikiorteqarluni.

 

Uagut ilinnut makku naatsorsuutigaagut:

-         Meeqqerisut isumaginninnermilu ikiortitut ilinniarsimasuussuutit assingusumilluunniit

-         Meeqqat ukioqanngittuniik marluk tungaanut ukiullit inerikkiartornerannut tunngasunik ilisimasartuussuutit

-         Meeqqat 12-t qiimasunik nakkutigilluarsinnaallugit

-         Aalajaatsuusuutit

-         Suleqatigiissinnaanermut kajumissuseqartuussuutit

-         Suleqatigiissinnaanermut inimi aaljangersimasumut pituttoqqannginnissaq.

-         Sammisaqarnermut suliniuteqarsinnaassuutit

-         Akisussaassuseqartuussaatit

-         Allannguerusussuseqartuussaatit

-         Perorsaasoq peqanngitsillugu akisussaaffimmik tigusisinnaassasutit.

-         Inuunermut nuannersumik isiginnittaaseqartuussuutit

 

 

Uagut ilinnut makku neqeroorutigisinnaavagut:

-         Suleqatit eqqeersimaartut 24-t

-         Suliffimmi avatagiisitigut atungassat pitsaasut

-         isumassarsianut misilittaanissamut inissaqarpoq sunniuteqataanissamut periarfissiisumik

 

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Naalakkersuisut aamma Sulinermik Inuussutissarsiuteqartut Kattuffiata (SIK-p) akornanni isumaqatigiissut atuuttoq imaluunniit Kalaallit Nunaannil kattuffiup allap isumaqatiginninniarsinnaatitaasup isumaqatigiissutaat atuuttoq naapertorlugu atorfinitsitsisoqassaaq.

Atorfinitsitsineq qaammatini pingasumi misiligutitaqassaaq.

 

Inissiaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

 

Qinnuteqaatip:

Qinnuteqaatip ilisarnaataata Atorfiup ilisarnaataa 425/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinnuteqarnissamut killissarititaasoq: juulip 13.-at, 2022

Atorfik una qinnuteqarfigiuk