Pitsaasumik sullissinissaq pingaartitaraajuk? Aamma innuttaasunik, inuussutissarsiortunik sulisunillu oqaloqatiginnillaqqissuullutit?

 

Sanarfinermut Avatangiisinullu Ingerlatsivimmi suleqatigiinnut ingerlalluartunut nunaminertanut tunngasunik sulisunut aqutsisunngorsinnaavutit.

 

Sulisunik aqutsinermik misilittagaqareersimaguit imaluunniit aqutsinermik aatsaat misilittagaqalertussaaguit tusarfigerusuppatsigit.

 

”Immikkoortortatsinni, Nunaminertanut tunngasunik oqartussaaffeqarfinni siuttuussaatit, isumassarsinermiit sanaartornermut kiisalu sanaartornerup ingerlanneqarnerani oqartussaaffeqarfimmilu suliap ingerlanneqarneranut taanna pingaaruteqartumik inissisimavoq,” Runa Sværd, Pilersaarusiornermut Oqartussaaffeqarnermullu pisortaasoq oqarpoq.

 

Nunaminertanut tunngasunik oqartussaaffeqarfimmut tikilluarit

 

Nunaminertanut tunngasunik Oqartussaaffeqarfik aaqqissuussaanikkut Pilersaarusiornerup Oqartussaaffeqarfiullu ataani inissisimavoq, Sanarfinermut Avatangiisinillu Ingerlatsivimmi Sanaartornermut Oqartussaaffeqarfik, Pilersaarusiornermut immikkoortortaqarfik, Nakkutilliinermi Oqartussaaffeqarfik immikkoortortaqatigalugit.

 

Illoqarfiit inoqarfiillu malittarisassat inatsisillu atuuttut naapertorlugit pitsaasuutinneqartuarnissaat akisussaaffigaarput. Suleqatit immikkut ilisimasaat iluaqutigalugit illoqarfitsinni avatangiisivut pitsaasuunissaat aalluttarpavut, ass. isumannaallisaaneq aputaajaanerlu eqqarsaatigalugit.

 

Pitsaasumik aaqqiissuteqarusuttumillu sullissinissaq qulakkiissavat

 

Nuummi illoqarfiup qeqqani Kommuneqarfiup allaffianiippugut, qaqqap kangerluullu tungaanut isikkiveqarluta. Nunaminertalerisuni sullissisoqatigiit sisamaasut pikkorissullu aqunneqarnerat akisussaaffigissavat, soorlu aamma sulianut tunngasunik pitsaasumik iluamillu sullissisoqarnissaa akisussaaffigissagit.

 

Tassunga peqatigitillugu ingerlatsivimmi suliassaqarfiit akornanni sulianut suleqataassaatit, tamannalu innuttaasut inuussutissarsiortullu suleqatigalugit pissaaq.

 

Allaffissornermi suliassat ilaatigut makkuupput, politikkikkut suliassanngortitassanik suliassamik saqqummiussassaliornerit digitaalikkullu aaqqiissuteqartarnissamik pitsanngorsaanerit.

 

 

 

Taakku saniatigut suliassatit ilaatigut makkuussapput:

 

·      Nunaminertanut tunngatillugu sullissinermi immikkoortortami suleqatinik ikorfartuineq

 

·      Innuttaasut saaffiginnissutaat nunaminertanut tunngasunik sullissinermut attuumassuteqartut akissuteqarfiginissaat isumagissallugu

 

·      Suliani inatsisitigut tunngavissat qulakkeerlugit inatsisinillu atortuulersitsilluni, assersuutigalugu peqqussuteqarnikkut

 

·      Sumiiffimmi pilersaarusiornermi aalajangersakkanut, tamakkiisumik nalilersuinermut aamma allagaatinik takunnissinnaanermut tunngasunik suliaqarneq

 

·      Aqutsisut sinneri peqatigalugit immikkoortortami ineriartortitsinermi peqataaneq

 

Sanaartornermi teknikkimut imaluunniit inatsisilerinermut tunngasunik aqutsinermi paasisimasaqarneq

 

 

 

Avataaniit soqutiginnittunut aamma aaqqissuussaanermi allanik attaveqarsinnaassusermik piginnaasaqartutit Sulisunik aqutsinermik misilittagaqaruit misilittagaqanngikkaluaruilluunniit sulisuit pikkoriffigisaat eqqumaffiginissaat - sulilluassagunillu sunik pisariaqartitaqarnersut eqqumaffiginissaat pingaartitaraat.

 

 

 

Tamatuma saniatigut tulliuttunut tunngasuni naapertuupputit:

 

·      Sanaartornermi teknikkinut tunngasunik imaluunniit inatsisilerituutut, cand scient pol. assigisaanilluunniit ilinniarsimasutit

 

·      Teknikkimut tunngasuni inatsisilerinermi sulianilu siammasissumik ilisimasaqarputit

 

·Aqutsisutut misileerusupputit aammalu kommunip, sulisut suliallu ingerlanneqartarnerisa ineriartortinnissaanut sapiissuseqarlutit

· Ineriartorneq, inissaqartitsilluarneq nutaanullu inissaqartitsineq

 

 

 

Maaniinninni suliakkut aamma/imaluunniit aqutsinermi piginnaasatigut assigiinngitsutigut piginnaasaqalernissamut pikkorissarnissamut periarfissagissaarluassaatit. Pilersaarusiornermi Oqartussaaffeqarfimmilu innuttatsinnut illoqarfinni inoqarfinnilu pitsaasunik atugassaqartitsinissaq anguniagaraarput, taamaaliornermilu ilaatigut nalinginnaanngitsunik iliuuseqartoqartariaqartarpoq - taamaalillutit isumassarsiannik pitsaasunik tunniussaqarsinnaavutit.

 

Avatangiisinut mianerinninnermut, kusassaanermut pitsaasunillu atugaqartitsinissaq siuarsaanissaq kommunimi anguniagaraarput. Taamaattumik Kommuneqarfik Sermersooq najugaqarfigiuminarsarneqarnissaanut peqataasinnaavutit.

 

Taakku saniatigut sulinerup sunngiffiullu oqimaaqatigiissaarneqarnissaat pingaartitaraarput, taamaattumik inuunerissaarnissamut periarfissaqassaatit, sunngiffimmi sammisassanut, soorlu pisulluni angalaarneq, kangerlummi sisorarneq umiatsiamilluunniit angalaarneq.

 

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Plan- og Myndighedschef Runa Sværd, oqarasuaat +299 367438 imaluunniit e-mail: ruma@sermersooq.gl

 

 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

 

 

Inissaq:

Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:

Qinnuteqaat qulequtserlugu Atorfiup ilisarnaataa 68-23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

 

 

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Malugiuk: 

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: februaarip 13.-at, 2023

Atorfik una qinnuteqarfigiuk