Skip to main content
77

Dette jobopslag er udløbet

Teamkoordinator-mik Utoqqaat Illuannut paaqqutarinniffiusumut / Atorfiup normua: 752/19

Utoqqarnik qanigisaat qanimut oqaloqatigisarlugit sullissinissaq kissalaarfigaajuk? Peqqinnissamut attuumassutilimmik ilinniagaqarpit? Aammalu inuttut piumassuseqartuuit nuannaartuullutillu, suliassaqarfiit akimorlugit sulisinnaallutit, taamaappat Utoqqaat Illuanni teamkoordinator-itut atorfik immaqa ilinnoortuuvoq?

Utoqqaat Illuat tassaavoq Paaqqutarinnittarfik, oqilisaassisarfik aamma Sammisassaqartitsivik, 5-inik immikkoortortaqarluni aammalu peqqissartitsisarfeqarluni. Suliassaqarfiit makkuupput: immikkoortortaqarfiit marluk oqilisaassivinnik inissaqartitsisut, atuisunut 14-inut inissaqarluni, aamma paaqqutarinninnermut immikkoortortaqarfiit sisamat najugaqartunut 19-inut, 5-inut, 3-nut aamma 5-inut inissaqartitsisut. Suliassaqarfiit Tungiu puigortunngortut immikkoortotaqarfiat, Ippat/Paaqqutaq aamma Pillorissaavik/Katak tamarmik immikkut suleqatigiikkaanut ataqatigiissaarisumik aqunneqarput.

Atorfiup imarisai:

Immikkoortortaqarfinnut aaliangersimasumut aqutsinermut akisussaalissaatit. Utoqqaat Illuannut tullersorti/pisortap ataaniissaatit, aammalu igaffimmut, suleqatigiikkaanut ataqatigiissaarisunut, pedelinut il.il. aqutsisooqatigiinni ataatsimoortuni ilaalissaatit.

Suliniuteqarfiusut annertuut ilaat tassaavoq, inummik attaveqaataasussamik aaqqissuussinermik suliaqarnerput, ammasumik attaveqaqatigiinneq, inuunerup oqaluttuassartai, ulloq unnuarlu pilersaarutit il.il. suliniuteqarnerit atuutsinneqalissasut maannakkut kissaatigaarput, taamaalillutik aamma qanigisaasut allanngortoqartoq malugisinnaassallugu aammalu illumut iseraangamik nuannernerusumik misigisaqartassallutik.

Taamaattumik teamkoordinator-imik sulisunik kajumilersitsisinnaasumik ineriartortitsisinnaasumillu, ineriartortitsinerup nutaanik iliuuseqarluni ingerlanneqarnissaanut, suliffissat allattorsimaffii isumaqatigiissutit malillugit piareertarnissai, qaammammusiallit akunnermusiallit ilisimaarinissai, eqqortumillu akissarsisarnissai isumaginnissinnasumik sulisussarsiorpugut. Peqatigisaanik najugaqartut aamma qanigisaasut pisariaqartitsinerisa paasisimaarinissaa kissaatigineqarpoq. Aamma najugaqartut ilaqutaasullu pisariaqartitai ilisimanissai kissaatigineqarpoq. Tulliullugu aamma sumiiffimmi ersarissuussasutit aalajaatsuussasutillu, aammalu ammasumik attaveqaqateqarnissaq pingaartissagit, kissaatigaarput.

Teamkoordinator-inut kissaatigaagut:

  • Aqutsisutut tunuliaqutaqarluartoq – utoqqarnik sullissinerup iluani misilittagaqaruni pitsaassalluni
  • Sulisunut tamanut maligassiuisutut piginnaanilik
  • Ammasumik, agguataarinermik aqutsinermik suliaqarusuttoq
  • Aqutsisooqatigiinnik ineriartortitsinermi pimoorussilluni peqataarusuttoq
  • Anguniagaqarluarnissamik eqqarsartaaseqartoq aammalu suliat qaffasinnerpaamik pitsaassuseqartillugit piviusunnogrtinneqartarnissaannik ujartuisartoq
  • Sungiussiasoq, iliuuseqallaqqissoq aammalu ”aporfiit pinnagit periarfissat isiginiarneqassasut” isumaqartoq
  • Suleqatinik immaqalu ilinniartunik ilitsersuinermik piginnaanngorsaanernillu misilittagaqartoq
  • Suleqatigiikkaanut aqutsisooqatigiinnut, aamma illumi sulisut sinneri, suleqatigalugit malittarisassat, kvalitetsstandard-it, aqutseriaatsimut tunngavissaq, ilitsersuutit aamma suliniuteqarnerit nutaat atuutsinneqarnissaannut akisussaasuusoq
  • Najugaqartut ataqatigiissumik atugaqartinneqarnissaannik qulakkeerisinnaasoq
  • Puiguttortunik ilisimasaqarluartoq
  • Illumiittunut tamaginnut nuannaarluni inussiarnerlunilu utoqqarnut angerlarsimaffimmik nuannersumik pilersitseqataasinnaasoq
  • Naleqartitanut ataqqinnittuunissat

Neqeroorutigaagut:  
Atorfik pitsaassutsit ineriartortitsinerillu qaffasinnerunissaannik aallussiviusoq, sulisut aallussilluartut, illu kissalaartoq uummaarissorlu, ulluinnaat sunniuteqarluartut periarfissarissaartitsiviulluni.

Piffissaq suliffiusussaq sapaatip akunneranut nalunaaquttap akunnerinik 40-inik sivisussuseqarpoq, pingaartumik ulluunerani pigaartuulluni.

Paasissutissat annertunerusut piniarneqarsinnaapput Utoqqaat Illuanut tullersortimut, Marthannguaq D. Albrechtsen, 36 6131, maal@sermersooq.gl

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Aningaasarsiat aamma atorfininnermi atugassarititaasut:
Aningaasarsiat aamma atorfininnermut tunngasut Naalakkersuisut aamma kattuffiup isumaqatiginninniarsinnaatitaasup akornanni sulisartunut isumaqatigiissut atuuttoq naapertorlugu pissapput.

 

Atorfinititsineq qaammatini pingasuni misiliutitaqassaaq. 

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

 

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 752/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.           

Imatut qinnuteqaateqassaatit:                                                         
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 13. december 2019
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Nuuk
Paasissutissat allat uani piniarneqarsinnaapput: Marthannguaq Albrechtsen
Telefon: +299 366131
Nittartagaq: http://www.sermersooq.gl
Qinnuteqaat nassiutiguk