Skip to main content
94

Dette jobopslag er udløbet

Tasiilap Alivarpiani pisortamut tullersortissarsiorpoq /Atorfiup nr. 149/20

Kommuneqarfik Sermersooq Tasiilami Alivarpimmi pisortamut tullersortissarsiorpoq atorfinittussamik piaartumik imaluunniit isumaqatigiissuteqarnikkut. 

Tasiilami Alivarpi Kalaallit Nunaata kangianiippoq, pingasunik immikoortortaqarluni, atuartullu 430-it missaaniillutik, 59-inik  ilinniartitsisoqarluni.

Atuarfitsinni atuartuutigivagut 1. – 10. kl., alloriarfinni pingasuni immikkoortinneqarnikuusuni: Mikinerit 1 – 3. kl., akulliit 4.- 7. kl.,  angajulliillu 8. –10. kl., immikkut atuartitat aamma arlaqarput.

Neqeroorutigisinnaavagut, atuarfik ineriartortoq, suleqatillatsialaat, meeratsialaat, suliffik ulapaarfiusoq, suleqatigiillu tapersersoqatigiilluartut.

Aqutsisoqatigiinni sulilissaatit, ima inuttaqartunit: Atuarfiup pisortaa, atuarfiup pisortaata tullersortai marluk, immikkoortortamilu aqutsitut pingasut. Atuarfiup aamma saniatigut, nunaqarfinni tallimaasuni tullersorteqallu akunnissinni amerlaqatigiinnik agguarlugit attaveqaataassaasi kiisalu, atuartut angerlarsimaffianni,(elevhjem) aqunneqarnera ingerlanneqarneralu marluullugu attaveqaatitut susassaqartitsisutullu, Immikkoortortaqarfik Meeqqat Atuarfillu sinnerlugit nakkutilliisutut suliaqassaasi.

Naatsorsuutigarput piginnaasatit ukuussasut:

  • Ilinniartitsisutut naammassisimanissaq
  • Aqutsineq namminersorfingalugu akisussaaffeqarfigerusussavat
  • Atuarfiup immikkoortortaani, ilinniartitsisutut sulinermi, suliffiullu ingerlariaasianut ineriartortitseqataanermut peqataassaatit
  • Ammasuussaatit, attaveqarluarsinnaassallutillu
  • Qarasaasiamik atuinermut misilittagaqassaatit
  • Suliamut tunngatillugu, tamakkiisumik isiginnissinnaaneq, aalajangiisinnaaneq, pilersaarusiorneq, piareersaaneq, sulianillu ingerlatitseqqiineq
  • Anguniagaqarlutit suliaqarsinnaaneq
  • Marlunnik oqaaseqarnissat kalaallisut/qallunatut

Neqeroorutigisinnaasagut:

  • Aqutsisutut ineriartornissaq
  • Ilinniartinneqarneq
  • Sulianut tunngatillugu avitseqatigiinneq
  • Suleqatit pikkorissut
  • Aqutsisoqatigiit pikkorissut 

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni misiliisoqarnissaa aalajangersimavoq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Qaammatini 12-ini atorfeqarsimanerpit kingorna ilaquttatillu akiliunneqarlusi feeriarsinnaatitaavusi, (feeriaqatissat pillugit aalajangersakkat eqqaassanngikkaanni) kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

Isumaqatigiissut soqutigeqarpat nittartakkami uani takuneqarsinnaavoq: http://naalakkersuisut.gl/da/Naalakkersuisut/Job/overenskomster-og-aftaler Ilinniartitsisut il.il. ataani.   

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 149/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 14. april 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Morten Boel Nielsen
Telefon: +299 367802
Nittartagaq: http://www.sermersooq.gl
Qinnuteqaat nassiutiguk