Skip to main content
66

Tasiilap Alivarpiani Atuarfiup naalagaanik pissarsiorpoq /Atorfiup nr. 148/20

Kommuneqarfik Sermersuumi Tasiilap Alivarpiani,  atuarfimmik  toqqissisimanartumik pilersitsinissamut akuersaartumik aqutsisinnaasumik atuarfiup pisortassarsiorpoq. Kommuneqarfik Sermersuumi Tasiilap Alivarpiani atuarfiup pisortaatut sulilerusuppit?
Atuarfimmi siulersuisut, sulisut atuartullu suleqatigalugit atuarfiup ineriartorteqqinneqarnissaanut peqataarusuppit?

  • Takorluukkersorsinnaavit,suliniuteqallaqqippit,piginnaanigippit siuarsaarusussuseqartoq?
  • Suleqateqarnermut qanilaartuuit atuarfeqarnermullu inerisaarusuttuuit?
  • Suliassiissutinik akisussaaffinnillu akuersaarlutillu ingerlatitseqqissinnaassuseqarpit?
  • Meeqqat atugarissaarnissaat ilikkarnissaallu paasisimasaqarfigaagit?
  • Perorsaanermik ilisimasaqartuuit aqutsinermillu misilittagaqartuullutit?
  • Attaveqarluarsinnaassuseqartuuit?

Taamaassimappat tassaasinnaavutit Tasiilap Alivarpiani atuarfimmi pisortaq nutaaq ujartugarput.

Tasiilap Alivarpia naatsumik:
Tasiilap Alivarpia atuarfiuvoq atuartut sulisullu toqqissisimasumik peqqinnartumillu atugaqarnis-saannik sulissuteqarusuttoq, tamatumani ilorrisimaarneq sulinermillu nuannarisaqarneq qitiutillugit tunngavigerusullugit. Atuarfik najussallugu ilinniagaqarfigerusullugu ornikkusunnassusilik. 
Tasiilap Alivarpiani ilinniartitsisutta suliaminnik ilisimasaqarnermikkut suleqatigiilluarnermikkullu atuarnermi pitsaanerpaamik avatangiiseqartitsinissaat naatsorsuutigaarput.
Ukiut amerlitsittut ingerlanerani, pisortat taarserarsimaqisut qaangerusuppagut, kissaatigalugu illit pisortatut patajaallutit kajumigisaqarluarlutit pisortaarusussasutit kiisalu  ingerlatsininni attaveqatigiinneq, suleqatigiinneq susassareqatigiinneq nukittorsarniarlugit sulissutigissagitit.

Illit pillutit:
Atuarfimmi pisortatut sulilerusukkuit aqutsinermi suliassat assigiinngitsorpassuit isumagisussaassa-vatit. Soorlu makkuu takorusunnarput:

  • atuarfik sinnerlugu angusaqarluarusussuseqassaatit aammalu aqutsisussatut piumassuseqassallutit
  • suleqatigiinnermi attaveqarnermilu piginnaaneqarluartuussaatit
  • atuarfiup ineriartortinneqarnissaanut anguniagassat tunngavissallu ujartornissaat pissusissamisoortutut isigissavat
  • atuarfimmi aqutsisutut suliassat assigiinngitsorpassuunerat nuannarissavat
  • atuarfeqarnermi aqutsinermik misilittagaqaruit ajunngilluinnassaaq – ajornanngippat kissaatiginarluni ukiut arlallit ingerlanerani misilittagaqartutit
  • marluinnik oqaaseqarnissat kissaatiginarpoq (kalaallisut/danskisut)
  • tullersortitit marluk (vicer) suleqatigalugit, nunaqarfiit attaveqarfigilluarnissaat kiisalu atuartut angerlarsimaffiata isumannaatsuunissaanik suliniuteqarneq ornigissavat. Suliassartai tullersortinnut agguataagaassapput akisissaaffittai ilanngullugit.  

Aqutsisoqatigiit peqatigalugit atuarfimmut tunngassutilinnut tamanut akisussaasuussaatit, taakku tassaallutik; perorsaaneq, atuarfiup angerlarsimaffiullu akornanni suleqatigiinneq, allaffimmi aqutsineq, ingerlatsineq, aningaasaqarneq, sulisunik aqutsineq, aaqqissuussaasumik ineriartortitsineq pillugu ingerlatsivimmik suleqateqarneq il.il. Taamaattumillu aqutsisutut suliassat assigiinngitsorpassuit ataatsimut isiginnaassavatit oqimaaqatigiissaartumillu isiginiarsinnaassallugit aammalu assigiinngissitaartuunerannik nuannarinnittuussaallutit.
 
Aaqqissuussaanikkut sulianullu atatillugu oqaloqatigiinnerit peqataaffigisassatit ingerlatissavatit aammalu atuutsitsivilernissap ineriartortitsinissallu akornanni pissutsit oqimaaqatigiissinnissaannik pingaartitsisuussallutit.
Inuttut ammasuuvutit nuannaartuullutillu inuit assigiinngitsut ersarissumik attaveqarfiginissaat suleqatiginissaallu inuttut piginnaaneqarfigaatit. Tusarnaallaqqissuuvutit aammalu atuartut, sulisut angajoqqaallu paasisaqarfigilluarsinnaallugit, tamannalu illuatungeriinnut tamanut iluaqutaasumik tunngavissaqarluarlutit pisumillu eqqummaarinnillutit ingerlassinnaallugu. Ingiaqatigiissitsilersinnaassuseqarputit aammali aalajangigassanik oqimaatsunik aalajangiinissamut sapiissuseqartuullutit.

Aammattaaq Kommuneqarfik Sermersuumi atuarfimmi pisortatut kommunimi atuarfinnik ataatsimut ineriartortitseqataanermi peqataanissat naatsorsuutigineqarpoq. 

Paasissutissat:
Tasiilap Alivarpia tassaavoq kommunip atuarfiutaa 430-inik atuartulik. Sammiviit marluupput 1. – 10.- klassinit katillugit klassit nalinginnaasut 20-it aammalu immikkut atuartitatut klassit tallimat,  alloriarfinnut pingasunut agguarneqartut.
Sulisunit ilinniartitsisut 59-iupput kiisalu atuarfiup pisortaata tullersortai marluullutik, immikkoor-tortanilu aqutsisut pingasut.

Meeqqanik pinerliisimannginnermut uppernarsaat:
Atorfik taanna meeqqanik pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune meeqqanik pinerliisimannginnermut uppernarsaammik aatsaat pissarsereerpat atorfinitsitsineq aallartinneqarsinnaavoq. Taamaattumik malugeqqussavarput kommune Rigspolitiinit meeqqanik pinerliisimannginnermut uppernarsaammik aatsaat pissarsereerpat piffissaq atorfiniffiusussaq isumaqatigiissutigineqarsinnaammat.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarneq atorfinitsitaanerlu isumaqatigiissutit atuuttut malillugit pissaaq, Naalakkersuisut aamma Ilinniartitsisut Meeqqat Atuarfianneersut Kattuffiata (IMAK) akornanni. Ilinniartitsisutut isumaqatigiissut malillugu atorfineqqaarnermi qaammatini pingasuni misiliisoqarnissaa aalajangersimavoq.

Atorfinitsinneqarnikut tjenestemanditut, tjenestemandiuinnarnissartik pigiinnassavaat, sulisut atorfinitsinneqarnermi siuliani isumaqatigiissutit malillugit atorfinitsinneqarnikut isumaqatigiissutit malillugit atorfinitsinneqarsinnaanissartik pigiinnassavaat.

Atorfinitsitaanermi atorfinittup taassumalu ilaqutaasa angalanerat atorfinitsitsisumit akilerneqassaaq aammattaaq siusinnerpaamik ukiut pingasut qaangiunnerini suliunnaarnermi angalaneq atorfinitsitsisumit akilerneqassaaq, soorluttaaq malittarisassat malillugit nuunnermut ajunngitsorsiassaqartitsisoqarumaartoq.

Atorfinitsitsineq ukiuni aalajangersimasuni atorfeqarnissamut malittarisassaq pillugu 16. februaari 2007-imi aalajangersagaq tunngavigalugu, ukiuni aalajangersimasuni atorfeqarnissat tunngavigalugu, atorfinitsinneqassaatit. Ukiut ataasiakkaarlugit atorfeqarsimaneq tunngavigalugu, 1. apriili 1991-imeersoq malillugu ukiumut tunngaviusumik kr. 18.000,00 aningaasartalimmik, soraarnerusutisiaqartitaanngitsumik soraarnermi akissarsiaqartitsineq pissaaq. Annertussusaa naleqqussarneqassaaq immikkut ittumik tapisiatut, 1. apriili 2017-imi ukiumut annertussuseqarluni kr. 20.253,67. Soraarnersiassaq qaammatikkuutaartumik akissarsiannut ilanngullugu Kalaallit Nunaata aningaaseriviani kontumut matoqqasumut akiliutigineqassaaq.

Qaammatini 12-ini atorfeqarsimanerpit kingorna ilaquttatillu akiliunneqarlusi feeriarsinnaatitaavusi, (feeriaqatissat pillugit aalajangersakkat eqqaassanngikkaanni) kapitali II, Akiliunneqarluni feeriarneq, 26. aggusti 2014-imeersoq Naalakkersuisut IMAK-illu akiliutitilluni angalaneq pillugu isumaqatigiissutaanni aalajangersagaq malillugu.

Isumaqatigiissut soqutigeqarpat nittartakkami uani takuneqarsinnaavoq: http://naalakkersuisut.gl/da/Naalakkersuisut/Job/overenskomster-og-aftaler Ilinniartitsisut il.il. ataani.   

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 148/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                          
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 8. april 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Morten Boel Nielsen
Telefon: +299 367802
Nittartagaq: http://www.sermersooq.gl
Qinnuteqaat nassiutiguk