Skip to main content
73

Dette jobopslag er udløbet

Tasiilami sunngiffimmi ornittagaq Aamarngaar perorsaasussarsiorpoq / Atorfiup ilisarnaataa 115/21

Tasiilami fritidsklubbi Sunngiffimmi ornittakkap Aamarngaar-p ilagivaa tassani meeqqat inuusuttullu 6 - 13-inut aamma 14 - 21-nut ukiullit kommunip sunngiffimmi aamma sammisassaqartitsiviani sullinneqarput.

Fritidsklubbip ammarsarfii sullitanut marlunnut avillugit pisarpoq, taamaalilluni ulluinnarni ullut tamaasa meeqqanut nal 17:00 - 19:00 ammasarpoq inuusuttunullu ulluinnarni ullut tamaasa nal 19:30 - 23:00 ammatinneqartarpoq, taamaattorli klubbi tallimanngornikkut 24:00-ip tungaanut ammasarpoq. Fritidsklubbi arfininngornermi meeqqanut nal 13:00 - 17:00 inuusuttunullu nal 19:00 – 24:00 ammasarpoq. Sapaammi meeqqanut nal 13:00 – 17:00 inuusuttunullu nal 19:00 – 23:00 ammasarpoq.

Meeqqat inuusuttullu atuannginnerini sumiiffissaqarnissaat fritidsklubbip siunertarivaa. Fritidsklubbi ornittakkatut ilaatigut atuisunit aqunneqarpoq. Tassa imaappoq, fritidsklubbimi killiliunneqartut aamma sammisassaritinneqartut pilersaarusiorneqarlutillu suliarineqartarput klubrådimit taakkulu tassaapput atuisut sulisullu.

Sammisassat perorsaanermik imallit pilersaarusiorneqaraangata sammisassat atuisut suleqatigiinnissaannut aamma ataqatigiinnissaannut sammisut qitiutinnerullugit pisarpugut, soorlu nipilersoqatigiinnerit, iligiikkuutaarluni unammiuaarnerit, tatiginninnissamut sungiussaatit assigisaalluunniit. Perorsaasumik atuisooqatigiit inuuniarnikkut piginnaanngorsaqqinneqarnissaannut peqataasinnaasumik pissarsiorpugut, aamma sammisassanik perorsaataasunik, sullinneqartut inuuniarnerannut siuarsaataasunik, pilersaarusiorsinnaasumik.

Tasiilami pissutsinik inuuniarnermut tunngasunik ilisimasaqarnissat paasinnissinnaanerillu pingaartipparput, tamannalu tunngavigalugu perorsaanermi sulinerit tunaartalersorsinnaassagit. Perorsaanermi ulluinnarni sulinermi arlaannik misigisaqartassaatit imaluunniit pisunik paasisaqartassaatit killissamik qaangiisinnaasunik. Taamaattumik tarnikkut tatituujunissat naatsorsuutigivarput, nukissaqarpasillutillu oqarsinnaasutut pissuseqarsinnaassasutit, aamma pisuni artornarsinnaasuni.  Taamatullu illit nalunaartussaatitaaneq annertusisaq pisussaaffigalugu ilisimallugulu nalunngikkit naatsorsuutigivarput.

Fritidsklubbimi perorsaasutut immikkoortumi aqutsisorisat pilersaarusiornermi aamma siunersiueqatigiinnermi qanimut suleqatigisassavat aamma Sunngiffimmi ornittakkami Aamarngaar-mi aqutsisoqatigiit. Taamaattumik annertuumik sunniuteqaqataassaatit Fritidsklubbillu perorsaanikkut tunaartaata ilusilersorneqarnissaani aamma annertuumik akisussaaffeqassallutit.

Kulturikkut ingerlatsineq sunngiffimmilu sammisassaqartitsineq pillugit Inatsisartut inatsisaat nr. 5, 6. juni 2016-imeersoq malillugu atorfinitsitsineq aatsaat pisinnaavoq meeqqanik pinerliisimannginnermut uppernarsaammik aamma pinerluuteqarsimannginnermut uppernarsaammik naammaginartumik peqartoqartillugu.

Kalaallit Nunaanni ulloq unnuarlu paaqqinniffinni perorsaasut pillugit NPK-p isumaqatigiissutaani § 7 malillugu akissaateqartinneqassaatit.

Atorfimmut atatillugu inissaqartitsisoqarpoq.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 115/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 18. marts 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Fg. leder Christian Westphael Jensen
Telefon: +299 367821
Nittartagaq: http://www.sermersooq.gl
Qinnuteqaat nassiutiguk