Skip to main content
121

Dette jobopslag er udløbet

Tasiilami Sermersuumi Inuussutissarsiornermut Immikkoortortaq inuussutissarsiornermut takornariaqarnermullu siunnersortimik pissarsiorpoq / Atorfiup nr. 347/21

Inuussutissarsiornermut takornarianullu tunngasut soqutigisaraagit?

Sermersuumi Inuussutissarsiornermut Immikkoortortaq maannakkorluinnaq tunniusimasumik ingerlatsillaqqissumillu Tasiilami atorfimmut siunnersortissarsiorpoq, tassanilu akisussaaffik annertooq suliassallu pissanganarsinnaasut naatsorsuutigissavatit.

Tasiilaq ajunngitsumik ineriartorpoq! Sermersuumi Inuussutissarsiornermut Immikkoortortami ilaatigut takornariat Tasiilamilu innuttaasut iluaqutigisinnaasaannik nunap immikkoortuata piujuartitsisumik ineriartortinneqarnissaa pingaartipparput. Tamanna pillugu inuussutissarsiornermik takornariaqarnermullu tunngasunik qitiutitsisussamik atorfimmut siunnersortimik pissarsiorpugut.

Kommuneqarfik Sermersooq 2020-mi Tunumi Inuussutissarsiornermi Siunnersuisoqatigiinnik pilersitsivoq, tassungalu ilaasortaapput suliffeqarfinneersut. Matumani inuussutissarsiornermut tunngasut, suliffissanik pilersitsineq siuariartornissarlu pingaartillugit, illoqarfimmi ineriartortitsinissap qulakkeerneqarnissaa siunertaavoq.

Pingaarnertut takornarialerinermut illoqarfimmullu ineriartortitsinissamut pingaartitsinerit soqutigaarput. Niunermut ilisimasaqaruit suliffeqarfimmilu politikerinit aqunneqartumi sulinermik misilittagaqartutit. Attavigiuminarnissat pingaaruteqarpoq, sumi tamani naleqartitsilersitsinissat tunniusimanissallu.

Illit suliassatit:

  • Tunumi Inuussutissarsiornermut Siunnersortit suliaat suliniuteqarfiilu tapersersussallugit 
  • Illoqarfimmi, soorlu takornarialerisut akornanni, inuussutissarsiortut attaqatigiittarfianni pilersitsineq
  • Aaqqissuusat suliamut attuumassuteqartut pilersaarusiorneri ingerlannerilu.
  • Aallartisaasunik ilitsersuineq 
  • Suliffeqarfinnik ilitsersuineq
  • UNESCO-p nunarsuarmioqatigiinnut kingornussassarititaa.

Neqeroorutigaarput:

  • Suliffik tamatigoortoq unamminartorlu nammineq kiffaanngissuseqarluarluni akisussaaffeqarnissamik periarfissalik.
  • Unammillernartunik kiisalu inuttut sulisutullu piginnaasannik ineriartornissamik periarfissalik.
  • Suliniutinut ineriartortitsinissamut periarfissaqarluartoq.
  • Suleqatit tunniusimasut pikkorissullu suliffeqarfimmilu ataatsimoorneq.
  • Suliffeqarfimmi nunatsinnit nunattalu avataaniit attaveqaqatigiiffiit assigiinngitsut.

Naatsorsuutigaarput:

  • Kalaallit Nunaanni pissutsinik ilisimasaqarluarneq.
  • Inuussutissarsiornerup ineriartortinneqarnissaanik takornarialerinermillu suliaqarnissamut soqutiginninneq
  • Community managementimik, attaveqaqatigiinnermik periusissiallu suliarinerinik  misilittagaqartutit.
  • Kalaallisut, tuluttut qallunaatullu sulianut attuumassuteqartunik piginnaasaqarluartutit.
  • Aallarnisaasunut tunngasunik assigisaannilluunniit misilittagaqarneq orniginartinneqassaaq.

Inuttut naatsorsuutigaarput:

  • Imminut tatigisoq uteriitsorlu.
  • Sulianik siuttuusinnaasoq namminerlu aallartitsisinnaasoq.
  • Ataqatigiissaarisinnaasoq, imminut qiviarsinnaasoq sukumiisumillu suliaqarsinnaasoq.
  • Nutaaliorsinnaasoq pilersaarusiorsinnaasoq.
  • Inunnik ilisimasaqarluartoq attaveqaqatigiisitsilluarsinnaasorlu.

Atorfik pillugu:
Atorfik piffissaq tamakkerlugu suliffigineqartassaaq (sap. ak. 40 tiimit), Tasiilami kommunip allaffianiissaaq. Atorfimmut atatillugu piffissap ilaatigut angalasarnissat naatsorsuutigissavat.

1. aggusti imaluunniit tamatuma kingorna piaarnerpaamik atorfinittussamik.

Sermersuumi Inuussutissarsiornermut Immikkoortortaq imaluunniit tassani atorfik pillugu paasisaqarnerorusukkuit Inuussutissarsiornermut pisortaq Emil Skjervedal oqa. +299 55 56 21 saaffigiuk.

Sermersuumi Inuussutissarsiornermut immikkoortortaq pillugu:
Kommuneqarfik Sermersuumi Sermersuumi Inuussutissarsiornermut Immikkoortortaq pilersinneqaqqammerpoq. Kommuneqarfik Sermersuumi inuussutissarsiuteqartunut namminersortunik amerlanernik suliffissaqartitsiniarnerup annertusarneratigut pilersitsinissamullu tapersersuineq aqqutigalugu atugassarititaasut pitsaanerulersinnissaat sulissutigaarput.

Taakkua saniatigut FN-ip piujuartitsinermik tunngaveqarluni ineriartortitsinissamut nunarsuaq tamakkerlugu anguniagai 17-it sulissutigineqarput. Tamanna periusissianik taakkuninngalu atuutsitsilernikkut kiisalu suliffeqarfinni, paaqqinniffinni innuttaasunullu sammisassaqartitsinikkut pissaaq. Sermersuumi Inuussutissarsiornermut Immikkoortortami Kommuneqarfik Sermersuumi ineriartornissamut, piujuartitsinissamut, nutaaliornissamut aallartisarnissamullu periarfissaqartitsivugut.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissiamik atugassiisoqanngilaq.

Qinnuteqaatip:
Qinnuteqaatip ilisarnaataata Atorfiup ilisarnaataa 347/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 08. juli 2021
Atorfininneq: 1. august 2021 imaluunniit tamatuma kingorna piaarnerpaamik atorfinittussamik
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Emil Skjervedal
Telefon: +299 367372
Mobil: +299 555621
Nittartagaq: http://www.sermersooq.gl
Qinnuteqaat nassiutiguk