Skip to main content
156

Dette jobopslag er udløbet

Tasiilami Sanarfinermut Avatangiisinullu Ingerlatsivimmi Suliniutinut aqutsisoq - Allagarsiuteqqitaq

Kommuneqarfik Sermersuumi Sanaartornermut immikkoortortaq suliniutinik pissanganartunik amerlasuunik ingerlataqarpoq taamaattumillu suleqatigiittut sulisutsinnut suliniutinut aqutsisumik pikkorissumik soqutiginnittumillu pissarsiorpoq. Kommuneqarfik Sermersooq kommuniuvoq ineriartorluartoq pingaartumik sanaartornermi suliassaqarfimmi suliassat amerliartuinnarlutik.

 

Sulisorilerumallutit ujarpatsigit illit tassaasoq, sanaartornermi teknikkimik ilisimasaqarluartoq aamma attaveqatigiinnermi piginnaaneqarluartoq, oqaloqatigiinnerit aaqqissuulluakkat aqqutigalugit suliffeqarfimmi suleqatigiit aamma suleqatigisat inerititaqarluartarmata. Saniatigut naliliillaqqissuuvutit aamma ajornartorsiutit suut pilertortumik qulaarneqartariaqartut suullu itinerusumik eqqarsaatigeqqaartariaqartut paasisarpatit.

 

Neqeroorutigisinnaasarput tassaavoq suliffik illit akisussaaffimmik tigusinissannut aamma suliniutinik namminersorlutit ingerlatsinissannut periarfissiisoq, ulluinnaallu illit nammineq sunniuteqarfigisinnaasatit. Saniatigut suleqatigiinnut soqutiginnittunut ilaalissaatit, sulianut tunngasunik isumasioqatigiinnernik ingerlatsinissamut piareersimasut suliffimmilu atugassarititaasut pitsaasuunissaannut tapersersuisoq.

 

Tunumi illoqarfiit annersaanni Tasiilami aalajangersimasumik suliffeqassaatit. Taamaattumik tunumi Sanaartornermut immikkoortortaqarfimmiit sinniisuussaatit. Tasiilaq pinngortitami alianaalluinnartumi inissisimavoq.

 

Sanaartornermut immikkoortortaqarfik maannakkut sisamanik sulisoqarpoq fagchefiqarlutillu, taakkua tamarmik Nuummiittuupput. Atorfik ullormut suliffiusussaq tamaat suliffiusoq, Sanarfinermut Avatangiisinullu Ingerlatsivimmi sanaartornermut aserfallatsaaliuinermullu pisortamik qullersaqarpoq.

 

Atorfik ukiuni marlunni suliniummut atorfinitsitsinertut neqeroorutigineqarsinnaavoq sivitsorneqarnissaanut periarfissaqarluni imaluunniit atorfimmut aalajangersimasumut allanngortinneqarluni. 

 

 

Suliassatit:
Atorfimmi aallaqqaataanit aalajangiinernik suliaqassaatit suliniutillu pilersinneqarlutik aallartinnerannit suliniutit naammassillutik tunniunneqarnerannut peqataallutit. Allatut oqaatigalugu illit suliniutitit qanimut malittarissavatit. Suliassatit makkuussapput:

 

  • Tunumi sanaartortitsisutut ingerlatsineq Pilersaarutit tassaassapput nutaanik sanaartornerit, iluarsartuussinerit, aserfallatsaaliinerit kiisalu kommunimi sanaartornernit pilersitsinerit
     
  • Pilersaarutini aallartinneqareersuni ataavartumik nakkutilliineq aqutsinerlu kiisalu sulianik naammassereersunik malitseqartitsineq aammattaarlu sanaartorneq iluamik pitsaasumillu naammassineqarsimanersoq qulakkeerlugu
     
  • Tunumi entreprenørit qanimut suleqatigissavatit
     
  • Tasiilap nunaqarfiini sulianik nakkutilliinermut atatillugu ingerlaavartumik angalasarnissaq naatsorsuutigineqassaaq. Umiatsiamik nunaqarfiit orninneqartassapput
     
  • Sumiiffimmi immikkoortortani allani suliassanik takkussuuttunik suliaqarneq teknikkikkullu ikiuunneq

 

Suliniutit suliarineqartussat tassaapput suliniutit mikinerit, taakkunani illit kommunip ataqatigiissaarisorissavaatit suliniummut sinaakkutissatut pilersaarutit iluanni piffissaq, aki aamma pitsaassuseq eqquutsinneqarsinnaaqqullugit. Tunumi kommunip illuliornermut sanaartornermullu pilersaarutai isumagissavatit, Tasiilamilu kommunip allaffiani aalajangersimasumik inissisimassallutit.

 

 

Ilisarnaatigisassatit:

 

  • Sanaartornermi konstruktøritut, illussanik titartaasartutut ingeniøritut assingusumilluunniit ingerlaqqiffiusumik ilinniarsimassasutit
     
  • Sanaartukkat naatsorsuinerillu teknikkikkut annertuumik piginnaasaqarfigigitit
     
  • Allannikkut oqalunnikkullu ersarissumik isummersinnaassasutit
     
  • Qarasaasiamik, pingaartumillu Officemik atuisinnaasutit
     
  • Aaqqissuussaasumik tunniusimasumillu sulisinnaasutit kiisalu piffissaq eqqorlugu suliamik naammassinnissinnaasutit
     
  • Ammasumik kiffartuussilluarlutillu suleqatinnik inuussutissarsiornermullu ingerlataqartunik oqaloqatiginnissinnaassaatit
     
  • Ukiualunni misilittagaqassaatit
     
  • Marluinnik oqaaseqaruit pitsaaqutaassaaq (kalaallisut qallunaatullu), piumasaqaataanngilarli

 

Inuttut illit nuannersumik tapersersuisuuvutit, ammasuullutillu attavigiuminartuuvutit aamma assigiinngitsutigut suleqatikkuminartuullutit. Tamatuma saniatigut ulluinnarni pisussat siumut ilisimaneqartannginnerat piareersimaffigissavat, tamatumanilu paasisimasaqarnissat ullullu ingerlanerani assigiinngitsunik suliaqarsinnaanerit pisariaqarpoq. Ataqatigiissaarisinnaasariaqarputit pilersaarutillu assigiinngitsut amerlasuut akuutinneqarnerat piareersimaffigalugu.

 

 

Neqeroorfigisinnaavatsigit:

 

  • Ingerlatsivik ineriartortuartoq
     
  • Immikkoortortaqarfik pissanganartunik allanngorartunillu suliassartalik
     
  • Immikkoortortaqarfik suliffimmi avatangiiserissoq suleqatillu kajumissuseqarluartut
     
  • Immikkoortortaqarfik ulluinnarni sunniuteqaqataasoq
     
  • Atorfik suliassanut tunngasutigut inuttullu ineriartorfissatigut pitsaasunik periarfissaqarpoq

 

 

Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Sanarfinermut pisortaq Rudi Birkedal, oqarasuaat +299 36 72 05 aamma e-mail: rudb@sermersooq.gl

 

 

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

 

 

Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

 

Atorfinititsineq qaammatini pingasuni misiliutitaqassaaq.

 

 

Inissiaq:
Atorfik inissaqartitsivoq, taamaattumik qularnaveeqqummut ineqarnermullu, atuinermut il. il. akiliisoqartassaaq matumani Kalaallit Nunaanni Namminersorlutik Oqartussat kommunillu Kalaallit Nunaanni illuutaannut ineqarnermut akiliuteqartarnermut maleruaqqusat qaqugukkulluunniit atuuttut naapertorlugit akiliisoqartassaaq. Atorfineqqarnermi sulisutut ataavartumik initaarnissamut innersuussisoqarsinnaanngippat, sulisumut utaqqiisaasumik ineqartinneqarsinnaasoq inimik vakantboligmik neqeroorfigineqarsinnaavoq, siuliani taaneqartoq naapertorlugu ineqarnermut, atuinermut il il akiliuteqartoqartassaaq. Ineqarnermut atuinermullu akiliutigineqartartut pillugit annertunerusumik paasisaqarusukkuit www.iserit.gl qimerloorneqarsinnaavoq.

 

Sulilernissamut piffissaliussaq sulisutut ataavartumik initaarnissamut neqeroortoqarnissaa qaqugukkut pissanersoq apeqqutaajumaarpoq. Inatsisit atuuttut tunngavigalugit sulilernissamut atatillugu angalasoqassappat angalaneq akilerneqassaaq aammalu pisattat tikinnissaannut akiliunneqartussaalluni.

 

 

Qinnuteqaat:
Qinnuteqaatip ilisarnaataata Atorfiup ilisarnaataa 562/22 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani ikkunneqassaaq qinnuteqarnermi.

 

 

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

MALUGIUK:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

 

Qinnuteqarnissamut killissarititaasoq: septembarip 16.-at, 2022

Atorfik una qinnuteqarfigiuk