Skip to main content
114

Dette jobopslag er udløbet

Tasiilami Pisortanit ikiorsiissutinik sullissisumik pissarsiorpoq / Atorfiup ilisarnaataa 430/21

Pinngortitarsuarmik kusanarluinnartumik nuannarisaqarpit, allanngorartumik namminersorfiusumilu suliffeqarusuppit taava illit Kommuneqarfik Sermersuumi Isumaginninnermut Suliffeqarnermullu ingerlatsivimmi atorfissaqartippatsigit. Tasiilap nunaqarfiini tallimani innuttaasunut suliffissaaleqisunut pisortanit ikiorsiissutinik sullissisussamik suleqatissarsiorpugut

Atorfinitsitsineq pissaaq isumaqatigiissuteqarnikkut

Suliassat:

  • Ineqarnermut akiliutit ingerlatsinermullu aningaasartuutit kiisalu qinnuteqaatinik sullissineq aamma pinartunik pisariaqartitsinermi qinnuteqaatinik nalilersuineq.
  • Nunaqarfinni kommunip allaffiinut attaveqaataaneq Tasiilami ingerlatsiviup iluani rekvisitioninik anillatsiortuineq.
  • Saaffiginnittarfimmi sulisup sulinngiffeqarnerani pikkorissarneranilu paarlattaaneq.
  • A-bidraginik qinnuteqaatinik nalilersuineq.

Naatsorsuutigaarput illit :

  • Allaffimmiutut ilinniagaqartuusutit imaluunniit kommunip ingerlatsiviani sulinermik misilittagaqartutit
  • Winformatikkimi toqqorterinissamut paasinnissinnaasutit taanna kommunimi qarasaasiatigut atortorissaarutaavoq
  • lnatsit atuarsinnaallugulu paasisinnaassagitit
  • Suliassat takkussuuttut suliarinissaanut piareersimasutit , soorlu allagaataasivinnut inississuinerit Kalaallisut oqaaseqartuusutit, ajornanngippat qallunaat oqaasiat oqaatsit aappaattut atorsinnaagitit.

Neqeroorutigaavut:

  • Immikkoortortami nuannersumi atorfik suliatigut qaffasissoq
  • Suleqatit nuannaartut pikkorissullu
  • Atorfik suliassanik unammillernartulik namminerlu suliassanik sunniuteqarfigisinnaasaq.
  • Suliassaqarfinni assigiinngitsuni suli sunik suleqateqarnerit
  • Suliffik pissanganarlunilu ammasoq
  • Atorfik tamatigoortoq unammillernartunillu suliassartalik.

Paasisaqarnerorusukkuit Johanne Nuko jonu@ sermersoog .gl 367769, imaluunniit Kurt Rokholm Pedersen 367766 kupe@sermersooq.gl saaffigissavatit

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup nr. 430/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 
Qinuteqaat tunniunneqassaaq kingusinnerpaamik: 2. august 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Ledende Fagkonsulent Kurt Pedersen
Telefon: +299 981200
Nittartagaq: http://www.sermersooq.gl
Qinnuteqaat nassiutiguk