Kommuneqarfik Sermersuumi inuusuttut iliuuseqarfigineqartuarnissaat siunertaavoq, taamaattumik Piorsaavik inuusuttunut tunngatitaasoq aamma ingerlanneqarpoq, pingaartumik 16-iniit 30-nut ukiulinnut. Piorsaavik Majoriami sammisassatut toqqagassaavoq, tassani sannavik mersortarfilluunniit toqqarneqarsinnallutik.

Taamaattumik maanna Tasiilami Piorsaaviup mersortarfianut faglærerimik 1. marts 2023 isumaqatigiissuteqarnikkulluunniit atorfinittussamik pissarsiorpugut.

Piorsaavimmi siunertarineqarpoq:

• Tasiilami pissutsinut naleqqussarsimasunik inuusuttullu ataasiakkaat pisariaqartitaannut naleqqussakkanik aallartisarnissamut neqeroorisinnaaneq,
• Neqeroorut sulinermik, ulluinnarni aaqqissuussaasumik, misilittakkanik nutaaliornermillu tunngaveqartoq,
• Sumiiffimmi inuusuttut assigiinngitsunik suliatigut misilittaaffigisinnaasaannik pilersitsineq,
• Inuusuttut ilinniagaqalernissaannut nalinginnaasumillu suliffissaqarnermut periarfissaannik pitsanngorsaaneq.

Piorsaavimmi pingaarnertut anguniagaapput:

• Inuusuttut inuttut suliatigullu ineriartornissaannut inerikkiartornissaannullu tapersersornissaat.
• Inuusuttut kajumissaarlugit angusaqarfiulluartussamik anguniagaqarluartumillu sulineq nukittuffiilu annertusassallugit.
• Avatangiisinik toqqissisimanartunik isumassarsiorfiulluartunillu pilersitsineq.
• Inuusuttut ilinniagaqalernissaannut suliffeqalernissaannulluunniit piareersassallugit.

Sullitassat:

• Inuusuttut pingaartumik 16-it 30-llu akornanni ukiullit,
• Inuusuttut suliffissaaleqisuusut suliffissaqarnermut aqqutissarsiorsimanngitsut imaluunniit suliffissarsiorsimanngitsut.
• Inuusuttut ilinniakkamik aallartitsisimanngitsut imaluunniit ilinniakkamik taamaatitsisimasut.
• Inuusuttut ingerlariaqqinnaveeqqasut.
• Inuusuttut inuttut, inooqataanikkut imaluunniit peqqissutsikkut peqquteqarlutik sulilernissaminnut imaluunniit ilinnialernissaminnut piareersimanngitsut.

Suliassat akisussaaffiillu pingaarnerit:

• Atuartut kalaallit kulturiat aallaavigalugu tamatigoortumik assorsinnaalernissamut ilinniartinniarlugit ikorforneri, taamaalilluni aamma tammatsaaleeqataanissaannut kajumilersinniarneri, suliassanillu allanik suliaqarsinnaanissaannut ilitsersorneri.
• Mersortarfimmi atualertunut nutaanut attaveqaataallunilu ulluinnarni aqutsisuuneq.
• Inuusuttut takkuttartut nalunaarsortarlugit nakkutigalugillu.
• Inuusuttut ataasiakkaatut pisariaqartitaannut sulliviullu pingaarnertut anguniagaanut naapertuuttumik ilinniartillugit, aqqutissiuullugit kajumissaarlugillu.
• Inuusuttut angajoqqaavi, sullivimmi sulisut allallu attaveqarfigisarlugit
• Inuusuttut Piorsaaviullu ulluinnarni ingerlanneqarnera pillugit Piorsaavimmi sulisut allat peqatigalugit pilersaarusiorneq.
• Piorsaavimmi aqutsisuusoq qaninnertut qullersarisaasoq sulisullu Piorsaavimmi Majoriamilu allat suleqatigalugit pilersaarusiorneq

Inuttut piginnaasat:

Qinnuteqartuni toqqaanermi pingaartinneqassapput,

• Inuusuttunik isumassorneqarlutillu kaammattorneqartariaqartunik sullissinissamut piareersimaneq.
• Kalaallisuuliornermik allatulluunniit siunertamut naleqquttumik ilinniarsimassasutit misilittagaqarlutillu.
• Naammagittartuussasutit, anguniagaqartuussasutit angusanillu takorusuttuussasutit.
• Suleqatiginnillaqqittuusutit ilakkuminartuusutillu.
• Pisuni ulapaarfiusuni eqqissillutit suliaqarsinnaassasutit.
• Ilikkartitserusussuseqartuusutit.
• Misilittagaqassasutit – inuttut inuussutissarsiuteqarnikkullu – misilittakkatillu naapertorlugit inuusuttut piginnaasaannik takunnissinnaallutit taakkulu inussiarnerlutit, aalajangersimallutit tutsuiginartuullutillu oqaloqatigilluarsinnaagitit.

Neqeroorutigaavut: Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq. Suliffimmut suliffeqarfimmullu iserluartinneqarnissaq pingaartipparput aamma suleqatit qanimut immersoqatigiiffigalugit suleqatigilluartarnissaq kiisalu minnerunngitsumik aallartitsinissamut nutaaliornissamullu inissaqartitsinissaq anguniartuarparput.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Erik Pílánât Angenold, oqarasuaat +299 36 77 28 imaluunniit e-mail: eapa@sermersooq.gl

Pineqaatissinneqarsimannginnermut uppernarsaat:
Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani AK isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfininnermut atatillugu inissiamik innersuussisoqarsinnaanngilaq.

Qinnuteqaat:
Qinnuteqaat qulequtserlugu Atorfiup ilisarnaataa 55/23-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:  Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 7.-at, 2023

Atorfik una qinnuteqarfigiuk