Skip to main content
113

Dette jobopslag er udløbet

Tasiilami Peqqinnissamut, Susassaqartitsinermut Kultureqarnermullu Immikkoortortami Susassaqartitsinermut siunnersorti/ Atorfik nr. 43/21

Kommuneqarfik Sermersooq Peqqinnermut Susassaqartitsinermut Kultureqarnermullu Immikkoortortamut pikkorissumik tunniusimasumillu Susassaqartitsinermut siunnersortimik isumaqatigiissuteqarnikkut atorfinittussamik pissarsiorpoq.

Meeqqat isumassarsiaminnik piviusunngortitsinissaannut, pinnguarnissaannut timilu atorlugu assigiinngitsunik aaqqissuussani peqataanissaannut illit nammineq aaqqissuusseqataaffigisanni periarfissaqartinneqarneri peqataaffigerusuppigit? Aamma innuttaasut, matumani meeqqat inuusuttullu ilanngullugit, sunngiffimmi atuartinneqarnissaat pillugit ataqatigiissaarisutut ingerlatsisutullu suliaqarusuppit? Suliniutinik assigiinngitsunik aqutsisutut akisussaasutullu suliaqarnikkut illoqarfimmi 2000 miss. Innuttalimmi timersornermik aalanissamillu siuarsaanissat soqutigaajuk.  Taava illiusimassaaq ujartugarput. 

Kommuneqarfik Sermersuumi Peqqinnermut, Susassaqartitsinermut Kultureqarnermullu Immikkoortumi peqatigiiffinnik kajumissutsiminnillu suleqataarusuttunik ineriartortitsinissamut sulinitsinni eqeersimaartumik suleqatissarsiorpugut.

Suliassanik annertuunik annikitsunilluunniit suliaqarnissat nuannarigukku, kommunimilu peqatigiiffinnut avammut kiinnertartoorusullutit, taava Kommuneqarfik Sermersuup Susassaqartitsinermut Siunnersortitut atorfimmik pissanganartumik ineriartorfiujuartumillu neqeroorfigisinnaavaatit. Peqqinnermut, Susassaqartitsinermut Kultureqarnermullu Immikkoortoq Nuummi, Paamiuni, Ittoqqortoormiini Tasiilamilu allaffeqarpoq. Suliffigisassat pingaarnertut Tasiilamiissaaq, kisianni kommunimi illoqarfinnut nunaqarfinnullu angalangaatsiartarnissat naatsorsuutigissavat.

Atorfiup imarisaa:
Susassaqartitsinermi Siunnersortimik – misilittagaqarluarsinnaasumik –  peqatigiiffilerinermik kajumissutsimillu sulinermik siuarsaasussamik, suliassanillu arlalinnik uku ataanni suliaqartussamik pissarsiorpugut:

  • Peqatigiiffiit naatsorsuutinik kukkunersiukkanik il.il. tunniussinissaat nakkutigalugu
  • Kommunip sullissinerani kajumissutsimik suleqataasartut periarfissarsiuunnerini suliniutinik aqutsineq
  • Kajumissutsimik suliaqarnermik ineriartortitsineq
  • Akisussaasut suleqatigalugit sunngiffimmi atuartitaanerup ataqatigiissarneqarnera allaffissornikkullu isumaginera
  • Timersortarfimmi sulisut suleqatigalugit kommunip timersortarfiisa atortarnerinik tiiminik agguataarineq
  • Timersortartut Ulluanni pisussanik pilersaarusiorneq naammassisaqarnerlu
  • Timersornermut Siunnersuisooqatigiinnut ataqatigiissaarineq
  • Aasakkut eqaarsaartitsinermi sammisassaqartitsinermilu akisussaaneq
  • Peqatigiiffinnik pikkorissartitsiutigaluni sammisaqartitsinissanik pilersaarusiorneq ingerlatsinerlu
  • Peqqinnermut, Susassaqartitsinermut Kultureqarnermullu Immikkoortortami suleqatinut avitseqatigiissuteqartarneq
  • Timersorneq pillugu politikkimi suliniutinut tunngasunik suliaqartarneq
  • Peqatigiiffinnik nalunaarsuinerit
  • Peqatigiiffiit allattorsimaffiinik ataavartumik nutarterisarneq
  • Peqatigiiffinnut siunnersuineq
  • Tapiiffigineqarnissamut malittarisassanut tunngasuni qinnuteqaatit isumagineri
  • Tapiissuteqarnermut malittarisassanik nutarterineq
  • Timersornermut tunngasut pillugit politikkikkut oqaluuserisassanik sulianik saqqummiussissusiorneq
  • Timersornerup ineriartortinneqarnissaanut akisussaaneq
  • Aqutsisut suliarigasuagassatut suliakkiussaannik suliaqarneq

Tasiilami immikkoortortami aqutsisoq kiisalu illoqarfinni allani sunngiffimmi siunnersortit qanimut suleqatigalugit suliat suliarineqassapput.

Qinnuteqartunut naatsorsuutigisat:

  • Bachelor-itut imaluunniit taakkununnga attuumassutilimmik ilinniagalik
  • Peqatigiiffinni sulinermik misilittagaqartuunissaq
  • Suliniuteqartoqartillugu qinnuteqaateqartoqartillugulu missingersuutissanut missiliuusiornissamut siunnersuisinnaassasutit.
  • Timersornermut peqqinnermullu soqutigisaqarneq

Pingaartipparputtaaq:

  • Ineriartortitsinissamut nutaaliornissamullu soqutigisaqassasoq
  • Ataatsimut takunnissinnaaneq attatiinnarlugu arlalinnik suliaqarsinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit
  • Nammineerluni sulisinnaasoq, akisussaassuseqarluni sullissiumatuujullunilu
  • Sulianut atatillugu sungiussilluarsimasoq, ataavartumillu suliat agguataarneqartarnerannik nalimmassaalluarsinnaasoq
  • Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluta ingerlatsinitsinnut atatillugu ataavartumik ineriartortitsinermut pitsanngorsaanermullu peqataasoq
  • Arlalissuarnik suleqateqallaqqissuussaaq

Neqeroorutigaavut:
Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Patajaatsumik suliassanut suliffimmullu pulatikkiartuaarneqarnissaq pingaartilluinnarparput, aammattaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerullu inissaqartilluarnissaata qulakkeerneqarnissaa pimoorulluinnarparput. Piffissaq suliffiusoq nikerarsinnaasarpoq.

Tasiilami katersortarfimmi aqutsisoqarpoq Aaqqissuussinermillu ataqatigiissaarisoq, Timersortarfimmi aqutsisoq, majuartaammi immikkoortortamilu aqutsisoq. Peqqinnermut Susassaqartitsinermut Kultureqarnermullu Immikkoortoq ingerlalluartuuvoq, eqeersimaarfiusoq ineriartorfiusorlu. Tasiilami Immikkoortumi aqutsisoq attaveqarfigissavat

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.

Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, AC-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Atorfiup nr. 43/21, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 12. februar 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Gert Ignatiussen
Telefon: +299 367734
Nittartagaq: http://www.sermersooq.gl
Qinnuteqaat nassiutiguk