Skip to main content
78

Dette jobopslag er udløbet

Tasiilami Peqqinnermut Susassaqartitsinermut Kulturilerinermullu immikkoortortami aqutsisoq/ Atorfiup ilisarnaataa 408/20

Nukissaqarluartumik immikkoortortami aqutsisussarsiortoqarpoq

Innuttaasunut nuannaarutaasinnaasumik kaammattuutaasinnaasunik siuarsaataasinnaasunillu pilersaarusiorlutillu sammisassaqartitsisinnaassuseqarpit?

Kommuneqarfik Sermersooq Peqqinnermut Susassaqartitsinermut Kulturilerinermullu immikkoortortami ingerlatsilluarsinnaasumik  aqutsisussarsiorpoq, ulloq sulilerfissaq 1. septembari 2020 isumaqatigiissuteqarnikkulluunniit.

Kommuneqarfik Sermersooq periuseq ”Sermersuaq Ikaarlugu – Siunissaq Ataatsimoorullugu” aallaavigilluinnarlugu suleriuseqarpoq, qularnaarniarlugu suliffeqarfik ingerlalluartoq, aningaasarsiorneq ingerlalluartoq innuttaasunut sullissineq pitsaanerusumik akikinnerusumik sunniuteqarluarnerusumillu ingerlassinnaajumallugu. 

Suliatsinnut atatillugu malittarisassat politikkikkut anguniakkanit isumaqatigiissutigineqarsimasunik aallaaveqarput ”Inuk tamarmiusoq ataatsimooqatigiiffimmi pisussaaffiusumi, nammaqatigiiffiusumi nutaaliorfiusumilu." 

Atorfiup imarisai:
Tasiilami Peqqinnermut Susassaqartitsivimmi Kulturilerinermullu immikkoortortami aqutsisutut kaammattuerpalaartumik aqutsinikkut immikkoortortami suliassatigut siumukarnissamut qulakkeerinnissaatit. Tasiilami Peqqinnermut Sammisassaqartitsivimmi Kulturilerinermilu sulisunut akisussaasuussaatit.  

Suliassatit atuuffitillu ilaatigut makkuussapput:

  • Ulluinnarni sulinerit pilersaarusiorneqarnerannut ataqatigiissaarneqarnerannullu akisussaasoq
  • Ulluinnarni ingerlatsinermut missingersuutinullu suliassaqarfimmi fagchef peqatigalugu akisussaanerit.
  • Sulisunik aqutsinermut akisussaasoq.
  • Politikkikkut aalajangiunneqartunik timitaliineq, ilaatigut qaammatip affakkaartumik aaqqissuussisarneq
  • Tatitussutsimik suliniummik siuarsaaneq, Kammagiitta
  • Peqatigiiffinnik tapiissuteqartarnermik qulakkeerinninneq aamma tapiissutinik aqutsineq.
  • Inuusuttunik inersimasunillu sunngiffimmi tamatigoortumik atuartitsinermik qulakkeerinninneq.
  • Suliassat takkussortut

Peqqinnermut Susassaqartitsinermut Kulturilerinermullu immikkoortortami aqutsisutut Nuummi Peqqinneq Susassaqartitsinermi Kulturilerinermullu Fagchefi qaninnertut aqutsisorissavat. Susassaqartitsinermut siunnersorti, Pisussanik ataqatigiissaarisartoq, Timersortarfimmi nakkutilliisoq, Katersortarfimmi aqutsisoq Tasiilami majuartaammi aqutsisoq, Katersugaasivimmi aqutsisoq, inuusuttut ornittagaanni Igdlo-mi aqutsisuujutigisoq akisussaaffigissavatit.

Ilisarnaatigisassatit
Peqqinnermut Susassaqartitsinermut Kulturilerinermullu aqutsisutut atorfik pissanganarlunilu tamatigoortuuvoq. Suleqatissarsiorpugut:

  • Naleqquttunik ingerlaqqiffiusumik ilinniagaqarsimasumik
  • Ingerlatsinermik / aningaasanik aqutsinermik misilittagalimmik
  • Namminersorluni sulisinnaasoq tamannalu ilutigalugu allanik qanimut pingaaruteqartumillu suleqataasinnaasumik.
  • Suliassanik aaqqissuussillaqqissumik, ataqatigiissaarillaqqissumik malinnaatitsillaqqissumillu
  • Ammasumik attaveqatiginnissinnaassusilimmillu
  • Sammisassaqartitsinermut kulturilerinermullu tunngasunik ilisimasalimmik
  • Peqqinnermut tunngasunik sulinermi misilittagalimmik
  • Inuit assigiinngitsut akornanni ataqatigiissaarisinnaassuseqarluni sulisinnaassusilimmik

Neqeroorutigaarput:

  • Suliffik soqutiginartoq unammillernartunik suliassarpassualik.
  • Suliffik eqeersimaafiusoq ulluilu assigiinngisaannartut.
  • Sulisut pikkorissut suleqatillu pitsaasut.
  • Suliffik pitsaasoq suliffimmi avatangiisinik qitiutitsiffiusoq.
  • Suliatigut inuttullu ineriartornissamut periarfissat pitsaasut.
  • Namminersorluni sulineq

Suliffeqarfimmi Kiffartuussinermullu ingerlatsivik nunap killeqarfiit akimorlugit suliassaqarfiit assigiinngitsut akornanni suleqatigiinnermut kiisalu ingerlatsivimmi agguataarneqarsimasuni ilaavoq. Immikkoortortami aqutsisup qaninnertut suleqatigisai tassaapput Nuummi, Ittoqqortoormiini Paamiunilu immikkoortortami aqutsisut. Peqqinneq Sammisassaqartitsivimmi Kulturilerinermullu Fagchefi qaninnertut pisortarissavat.

Neqeroorutigaavut:  
Suliffik pissanganartoq unammillernartunillu suliassartalik, imarisassaanik nammineq sunniuteqarfigineqarsinnaasoq, suliffeqarfimmilu angisuumi ineriartortinneqartuartumi allanngorartuartumilu annertuumik akisussaassuseqarfiusoq.    Inuttut sulinikkullu ineriartornissamut periarfissaqarluarpoq aamma atorfimmut suliffimmullu patajaatsumik sungiussiartornissat pingaartipparput. Tamakkununnga ilanngullugu aqutsisunik qanimut suleqateqarnissaq aamma suleqatinik ikorfartoqateqarnissaq kiisalu suliniuteqarnissap nutaaliornissallu inissaqartuarnissai anguniartuarparput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Pinerliisimannginnermut uppernarsaat:
Atorfik inuttassarsiuussarput pinerliisimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pinerliisimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommunip Politiinit pinerliisimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 408/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 14. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Arnajaraq Lyberth
Telefon: +299 367242
Nittartagaq: http://www.sermersooq.gl
Qinnuteqaat nassiutiguk