Skip to main content
83

Dette jobopslag er udløbet

Tasiilami meeraaqqerivimmut Amaajagaaq-mut persorsaasumik pissarsiorput / Allagarsiuteqqitaq / Atorfiup ilisarnaataa 180/21

Meeraaqqerivik Amaagajaaq Tasiilaq ammaqqinneqarpoq 15. dec. 2019. Meeeraaqqerivik Amaagajaaq meeqqanut 24 inut inissaqartitsissaaq atuisussaallutillu 0 – 3 nit ukiullit.

Amaagajaaq Tasiilaq sulisorissavai inimi ataatsimi inersimasut pingasut tassaassallutillu souschef-perorsaasoq, inunnik isumaginninnermut ilinniagalik kiisalu ikiorti. Taakku saniatigut igasoq eqqiaasorlu. Inuit sulisussat katillugit qulaaluaasapput. Meeraaqqerivik Amaagajaaq  inatsit nr. 16 decemberip 03.neersoq 2012 sulinermi tunuliaqutigissavaa.

Meeraaqqerivik Amaagajaaq- Tasiilaq  ulluinnarni ammaffigisassavai ataasinngornermiit  tallimanngornermut piffissami 07.00 – 17.00

Perorsaasup Amaagajaami – Tasiilami ulluinnarni pisortarissavaa Dr. Ingrids meeqqeriviani pisortaq kiisalu pisortap tullia. Suleqatigiit meeraaqqerivik inerisassavaat ulluinnarni meeqqanut, angajoqqaanut sulisunullu inerisaanertalik siunertagissaasoq. Taamaattumik ulluinnarni meeraaqqeriviup Amaagajaap siunertaa suliniutigineqassaaq, makku tunaartaralugit:

Meeqqerivimmi siunertaasut:

  • Meeqqat nuannersumik qanilaartumillu avatangiiseqarlutik ulluinnarni toqqissisimasumik ataqatigiissumillu atugaqartinneqassasut.
  • Meeqqat ataasiakkaat ineriartornerat ilinniarnerallu immikkut eqqumaffiginiarneqassasoq.
  • Nuannaarnerup aliasunnerullu taakkulu akornanni misigissutsit tamarmik inissaqartinneqarnissai.
  • Assigiinnginnerup pitsaaqutai annertussusaalu meeqqat misigissagaat ilikkafigisinnaallugu.
  • Meeqqat namminiussuseqarlutillu pilersitsisinnaanerat inissaqartinneqarnissaa.
  • Meeqqap angajoqqaavilu imaluunniit isumassuisualu ataqqeqatigiiffiusumik suleqatiginninneq.
  • Qinngasaaruttarnerup pinaveersaartinneqarnissaa.

Naatsorsuutigaarput, illit::

  • Perorsaasutut ilinniarsimasutit, misilittagalik suleriaatsillu eqqumaffigigitit.
  • Attaveqarnermut tunngasunik ilisimasaqarlutillu sullisserusussuseqartutit.
  • Sammisanik aalajangersimasunik meeqqallu takorluugaannik pisariaqartitaannillu nutaaliorusussuseqarlutit avatangiiseqartitsisinnaallutit pilersitseqataanissat.
  • Akisussaassuseqartutit tunniusimallutillu.
  • Inigisanni meeqqat malinnaavigalugit illullu iluani ikiortissamik pisariaqartitsisoqarpat ikiuuttarnissat.
  • Illup iluani suleqatikkuminartutit kisianni aamma meeqqanik inini allaniittunit pulaartoqartarsin-naanissat, ikioqatigiissuseqarusuttoq.
  • Meeqqanik pinnguartarfimmi kisianni aamma avatangiisianni misigisassarsioqatigalugit aneeqateqar-tarsinnaanissat.
  • Ilisimasannik misilittakkannillu ingerlatitseqqikkusunnerit.
  • Marluinnik kalaallisut/danskisullu oqaaseqarnissat iluaqutaassaqaaq kisianni piumasaqaataan-ngilaq.                                   

Amaagajaaq Tasiilami neqeroorutigisinnaavarput:

  • Assigiinngitsuunermut inissaqartitsineq.
  • Meeqqerivik ineriartornissamut piumassuseqarfiusoq.
  • Ullut assigiinngisitaartut.
  • Suliffik avatangiiserissaartoq, sulisunik sulinngitsuukulasoqarfiunngitsoq.

Allanik paasisaqarnerorusukkuit ukununnga nalunaarsinnaavutit:

Vuggestuemi pisortaq: Elisabeth Kunak, 36 78 17  e-mail: ekbe@sermersooq.gl

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup nr. 180/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 14. april 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Elisabeth Kunak
Telefon: +299 36 78 21
Nittartagaq: http://www.sermersooq.gl
Qinnuteqaat nassiutiguk