Skip to main content
94

Dette jobopslag er udløbet

Tasiilami Meeraaqqerivik Amaagajaaq Perorsaasussarsiorpoq / Atorfiup nr. 499/20

Kommuneqarfik Sermersooq Tasiilami Meeraaqqerivik Amaagajaami Perorsaasumik pikkorissumik kajumissuseqartumillu pissarsiorpoq.

Meeraaqqerivik Amaagajaaq kommunip meeqqeriviutigaa Tasiilami Tunumi inissisimasoq. Meeraaqqerivimmi init marluupput tamarmik 12-inik meerartaqarsinnaasut. Init tamarmik suleqatigiinnut perorsaasoq ataaseq, meeqqanut- isumaginninnermi ikiorti ataaseq, perorsaanermilu ikiorti ilinniarsimanngitsoq ataaseq. Perorsaasutut atorfik ulloq naallugu atorfiuvoq, sulinermi inimi perorsaanermik suliaqarneq aallaaviussalluni, meeraaqqerivimmilu pitsaasumik perorsaanermik suleqatitillu suleqatigiinnissigut qulakkeerinneqataassaasi

Atorfiup imarisaa:

Perorsaasumik - ajornanngippat misilittagalimmik - pissarsiorpugut, sullitat qitiutillugit perorsaanikkut siuarsaanermi peqataasussamik, aammali nakkutilliinikkut ilitsersuinermik piginnaasalik suliatigullu ilisimasanik avitseqatiginnissinnaasumik.

  • Inimut inissinneqarfinnut ingerlatsineq
  • Meeqqat ataatsimoortut peqatigalugit perorsaanikkut ineriartortitsineq
  • Meeraaqqerivimmi perorsaanermi sulianik inerisaaneq
  • Perorsaanermut tunngasunik ilitsersuineq aamma sulisunik piginnaasatigut qaffassaaneq
  • Aqutsisorisaq tullersortaalu sulianut tunngasunik siunersiueqatigisarlugit
  • Suliassat takkussuuttut

Meeraaqqerivimmi sulisut allat aqutsisorisarlu qanimut suleqatigalugit suliassat naammassineqartassapput.

Qinnuteqartunut naatsorsuutigisat:

  • Perorsaasutut ilinniarsimasuusutit
  • Sulinermi suliamut tunngatillugu ilisimasatit atorluarsinnaagitit
  • Alapernaatsuusutit isumannillu nutaanut ammasuusutit
  • Ulapaarfinni ataatsimut isiginnittaassuseqarsinnaasutit

Pingaartipparputtaaq:

  • Aalajaatsuunissat, pitsaassutsimik ilisimasaqarluartuunissat ataasiakkaanullu maluginiaasinnaanissat
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusutit.
  • Sulianut atatillugu sungiussilluarsimasoq ataavartumillu suliat agguataarneqartarnerannik nalimmassaalluarsinnaasoq.
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Sulianik naammassinninniarluni ingerlatsinermut ineriartortitseqataalluni pitsanngorsaaqataalluni peqataalluartartoq
  • Arlalissuarnik suleqateqallaqqissuunissat

Neqeroorutigaavut:

Suliffik pissanganartoq unammillernartunillu suliassartalik, imarisassaanik nammineq sunniuteqarfigisinnaasaq, suliffeqarfimmilu angisuumi ineriartortinneqartuartumi allanngorartuartumillu annertuumik akisussaassuseqarfiusoq. Pingaartilluinnarparput patajaatsumik suliassanut suliffimmullu pulatikkiartuaarneqarnissaq, pimoorulluinnarparputtaaq suleqatigiinnermi silaannaap pitsaasup aqutsisut peqatigilluinnarlugit attattuarnissaa kiisalu pilersitsisinnaaneq nutaaliorsinnaanerlu inissaqartittuarlugit.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Ineqarneq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, NPK-llu isumaqatigiissutaat atuuttoq.

 

Atorfinititsineq qaammatini pingasuni misiliutitaqassaaq.

Qinnuteqaat:

Qinnuteqaatip ilisarnaataata Atorfiup normua 499/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                      

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 9. oktobari 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Fg. leder Christian Westphael Jensen
Telefon: +299 367821
Nittartagaq: http://www.sermersooq.gl
Qinnuteqaat nassiutiguk