Skip to main content
114

Dette jobopslag er udløbet

Tasiilami Meeqqanut Ilaqutariinnullu Sullissivik ilaqutariinnik aqqutissiuussisartumik pissarsiorpoq / Atorfiup ilisarnaataa 438/21

Kommuneqarfik Sermersooq pikkorissumik tunniusimasumillu ilaqutariinnik aqqutissiuussisartumik pissarsiorpoq, perorsaasutut assigisaanilluunniit ilinniarsimasumik Meeqqanut Ilaqutariinnullu Ingerlatsivimmi immikkoortortami. Piaartumik isumaqatigiissuteqarnikkulluunniit atorfinittoqassaaq.

Meeqqanut Ilaqutariinnut Sullissivimmi, BFC-imik aamma taaneqartartumi, ilaqutariinnik aqqutissiuussisartut allat suleqatigissavatit, makkuusut katsorsaasuni aqutsisoq, psykolog ataaseq, psykoterapeut ataaseq kiisalu ilaqutariinnik aqqutissiuussisartut sisamat. Ulluinnarni Meeqqanut Ilaqutariinnullu Sullissivimmiittassaatit. Tasiilami Ilaqutariinnut Sullissivimmi katsorsaanermik aqutsisoq nalunaarfigisassavat.

Atorfik piffissaq tamakkiisumik sapaatip akunneranut 40 tiimit suliffiuvoq.

Tasiilami Meeqqanut Ilaqutariinnullu Sullissivik ilaqutariinnik katsorsaanermut aamma isumaginninnermi perorsaanikkut suliniutinik akisussaasuupput. Kommuneqarfik Sermersuumi meeqqat sumiginnarneqartarnerisa pinaveersaartinnissaat suliassatta pingaarnerpaartaraa. Ilaqutariit tamarmik peqataatinnerisigut suliarput ataqatigiisittarparput isumalluutit aallaavigalugit kiisalu ilaqutariinnut kommunimeersunik avataaneersunillu periarfissaqartitsineq.

Atorfiup imarai:
Meeqqanut Ilaqutariinnullu Sullissivik ilaqutariinnik tarnikkut inuttullu ajornartorsiutilinnik nukittorsaanermik, pinaveersaartitsinermik  tapersersuinermillu siunertaqarlutik ingerlapput. Meeqqanut Ilaqutariinnullu Sullissivik ilaqutariit tamaasa aallaavigalugit aaqqissuulluakkamik toqqammaveqarluni sullissisarpoq, isumaqarpoq, ilaqutariinnut attuumassutillit tamarmik ilaatinneqassasut, aammalu ilaqutariit ataasiakkaat nukittuffii periaasiilu qitiutillugit sulisarluta.

Peqataalluarsinnaasumik suleqatissarsiorpugut ataani taaneqartunut pikkorissumik:

  • Ilaqutariinnik siunnersuineq katsorsaanerlu.
  • Ilaqutariinnik ataatsimiisitsineq
  • Meeqqanik 3-18-inik ukiulinnik soqutigisaqartutit meeqqerillaqqillutillu.
  • Isumaginninnikkut persorsaanikkullu ilaqutariinnut suliniutinik suliaqarneq.
  • Ilaqutarinnut pulaarneq
  • Ilaqutariinnik oqaloqateqartarneq
  • Nakkutiginninnerit misissueqqissaarinerillu tunngavigalugit inuit allat attuumassuteqartut katsorsarnissanik pilersaarusiornerannut peqataaneq
  • Suliffiup iluani avataanilu suliassaqarfiit akimorlugit suleqateqarneq.
  • Siunnersuuteqarneq, suleqatigiinneq, katsorsaanermullu neqeroorutinik ineriartortitsineq ingerlatsinerlu katsorsaasut suleqatigalugit.
  • Nunaqarfinnut angalaqataaneq nunaqarfimmiunillu sullissineq

Qinnuteqartunut naatsorsuutigisat:

  • Perorsaasutut, peqqinnissaqarfimmi assistentitut, isumaginninnermi ikiortitut allatulluunniit isumaginninnermi suliaqarnissamut perorsaasutulluunniit ilinniagaqarsimasuuneq.
  • Perorsaasutut aamma / imaluunniit isumaginninnermi suliaqartarnermit attuumassuteqartunik misilittagaqarneq.
  • Aalajaatsuunissaq, pitsaassutsimik ilisimasaqarluarneq immikkuualuttunnillu maluginiaasinnaaneq
  • Ataatsimut takunnissinnaaneq attatiinnarlugu arlalinnik suliaqarsinnaaneq
  • Allattariarsornermi oqaluttariarsornermilu ersarissumik paatsuugassaanngitsumillu attaveqartartuusinnaaneq
  • Nammineerluni sulisinnaasoq, akisussaassuseqarluni sullissiumatuujullunilu
  • Sulianut atatillugu tamatigoortuusinnaaneq suliallu ataavartumik agguataarneqartarnerannik nalimmassaalluarsinnaaneq
  • Ulluni ulapaarfiusuni ukkassilluni aaqqissuussaasumillu sulisinnaassuseqarneq
  • Tatitooq pilersitsiniallaqqissoq inissaqartitsiuartoq piumassuseqarluartorlu
  • Suliassanik naammassinninniarnitsinni ingerlaavartumik ineriartortitsinermut pitsanngorsaanermullu suleqataassasutit
  • Arlalissuarnik suleqateqallaqqissoq
  • Qinnuteqartut marluinnik oqaasillit (qall-kal) piumaneqaruagut

Neqeroorutigisinnaavarput:

  • Atorfik soqutiginartoq unamminartorpassualik
  • Suleqatit suleqatigiinnerlu pitsaasut qitiutinneqartut.
  • Suliatigut inuttullu tunngasutigut ineriartornissamut periarfissalik
  • Suleqatinit ilinniartinneqarnissat atuartinneqarnissallu.
  • Namminersorluni sulineq

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, PPK, NPK, SIK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa 438/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 20. august 2021
Atorfininneq: 1. september 2021 imaluunniit isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Ulrikka Mikaelsen
Telefon: +299 36 77 82
Nittartagaq: http://www.sermersooq.gl
Qinnuteqaat nassiutiguk