Skip to main content
67

Dette jobopslag er udløbet

Tasiilami Meeqqanut Ilaqutariinnullu Ingerlatsivik nutserisumik oqalutsimillu/allaffissornermi suleqatissarsiorpoq / Atorfiup normua. 400/20

Tasiilami Meeqqanut Ilaqutariinnullu Ingerlatsiviup meeqqat, inuusuttut ilaqutariillu aarlerinartumiittut pillugit arlalitsigut sullitarivai. Ilitsersuineq siunnersuinerlu, oqartussaqarfimmi suliassat, uani ilanngullugit ikorfartuinissamik aalajangiinerit ingerlanneqarnissaallu pineqarput.
Meeqqanut Ilaqutariinnullu Ingerlatsivimmi assigiinngitsunik atuuffillit assigiinngitsunillu tunuliaqutaqarlutik sulisut katillugit 30-t missarluinnaraat. Assigiinngitsunik oqaaseqartuuvugut, ikioqatigiillutali ulluinnarni paaseqatigiittarpugut.
Suliassani assigiinngitsuni arlalinni oqalutsimik nutserisumillu, ilanngullugit sulisunik oqaloqatiginninnerit, meeqqanik oqaloqateqarnerit, inuusuttut ilaqutariillu, ataatsimiinnerni, ilinniartitsinerni aammalu nutsigassani allattarissani annikinnerusuni pisariaqartitsilluta. Toqqaannartumik oqaluttaasinnaaguit tamanna iluaqutaalluinnassaaq.
Allaffissornermi suliassani atuuffiit assigiinngitsorpassuupput; akiligassanik akiliinerit, suliat allattorsimaffiinik nutarterinerit, saaffiginnissutinut akissuteqarnerit, piffissamik inniminniinerit, isumaginninnikkut pigaartoqartarnermut piffissaliornerit assigisaallu.
Allaffissornermi suliassatit allaffissornermi suleqatitta aappaa isumaqatigalugu aammalu piginnaasatit aallaavigalugit pisassallutik.

Qinnuteqartumut naatsorsuutigineqartut:

  •  Oqalutsitut/nutserisutut ilinniarsimasuunissat
  • Aalajaatsuusutit akisussaassuseqarlutit
  • Suleqatikkuminartuunissat
  • Kalaallisut danskisullu allattariarsornikkut oqaatsitigullu piginnaasaqarlutit.
  • Aaqqissuussaasumik anguniagaqarluinnarlutillu sulisinnaanissat

 Neqeroorutigisinnaavagut:

  • Sapaatip akunneranut akunnerit 40-t aalajangersimasumik suliffik.
  • Atorfik suliatigut inuttullu unammillernartunik annertuunik toraagassaqarfiusoq.
  • Suleqatigiit nuannersut, ataqatigiittut suliaminnillu aallussisut. 
  • Suliffik sunniuteqarfiusoq akisussaaffilillu.

 Kommune, illoqarfik immikkoortortarlu pillugit:

Illoqarfik Tasiilaq silarsuarmi kommunit annersaanni Sermersuumi kangillerpaajuvoq. Tasiilap eqqaani ukioq kaajallallugu pinngortitarsuaq kulturikkullu misigisassanik ulikkaarpoq. Tamakku saniatigut timersuutit amerlanerit atornissaat akeqanngillat ass. fitness aamma crossfit.
Tasiilami eqqaanilu nunaqarfinni suliassat meeqqanut tunngasut BFA/BFC-mi suliarineqartarput. Suliassat ingerlanneqarnerini Meeqqanut Ilaqutariinnullu Ingerlatsivik Nuummiittoq suleqatigisarparput.
Sumiiffimmi sulisunik piginnaanngorsaanerit sulianillu pisariillisaanerit ingerlatileruttorpavut. Nutaamik eqqarsaatigaluta suliat suliarineqartarneri iliuuserineqartartullu pitsaassuunissaannik nukittorsaavugut.
Meeqqanut Ilaqutariinnullu suliassaqarfik ataatsimut aqutsisoqarpoq aammalu Meeqqanut Ilaqutariinnermullu Immikkoortortaqarfik kiisalu Meeqqanut Ilaqutariinnullu Sullissivimmiippoq. Qanimut sullissisarpugut ataatsimullu Tasiilami adresseqarluta.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq SIK-p imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip
Qinnuteqaatip ilisarnaataata Atorfiup nr. 400/20 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 20. august 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk