Skip to main content
69

Dette jobopslag er udløbet

Tasiilami Meeqqanut Ilaqutariinnullu Ingerlatsivik Allaffissornermi sulisussamik pissasiorpoq / Atorfiup nr. 420/20

Allaffissornermi suleqaterput allanik unammillernartunik ujartuiniarluni aalajangerpaa. Paarlakkusukkukku pissanganartumik unammillernartumillu atorfimmik ulloq 1.9.2020 piaartumilluunniit inuttalerneqartussamik peqarpugut. Atorfik sapaatip-akunneranut nalunaaquttap akunnerini 40-ni suliffiuvoq.

Meeqqanut Ilaqutariinnullu Ingerlatsivimmiipput Meeqqanut Ilaqutariinnullu Immikkoortortaqarfik; BFA aamma Meeqqanut Ilaqutariinnullu Sullissivik; BFC. Katillugit 30-t inulaarlugit sulisoqarpugut. Immikkoortortami meeqqat inuusuttullu inuuniarnermikkut ajornartorsiuteqartut pillugit suliaqartarput, tassungalu atatillugu assigiinngitsunik suliaqartarluta. Tassani pineqarput ilitsersuineq siunnersuinerlu, oqartussaqarfimmi suliassat, ikorfartuinissamik aallartitsinerit kiisalu ingerlatsinerit. Assigiinngitsunik oqaaseqartuuvugut, ikioqatigiillutalu ulluinnarni paaseqatigiittarpugut kiisalu oqalutseqartarnikkut.

Suliassatta ilagivaat allaffissornermi suliassat assigiinngitsut:

  • akiligassanik akiliisarneq kontulersuinerlu
  • akissarsiassanik nalunaaruteqartarneq
  • saaffiginnissutinik akissuteqarneq aamma piffissamik inniminniinerit
  • isumaginninnermi pigaartuusumik aqutsineq
  • suliat allattorsimaffiannik nutarterineq il.il.

Qinnuteqartumut naatsorsuutigineqartut: 

  • Aalajaatsuusutit akisussaassuseqarlutit
  • Naammagittallaqqissuussaatit suleqatikkuminartuullutillu
  • Allallaqqittuussaatit aamma kalaallisut danskisullu oqalussinnaallutillu allassinnaassaatit
  • Nutsigassat kalaallisut qallunaatullu annertunngitsut nutsertassavatit
  • Sukumiisumik suliaqarsinnaassaatit suliassatillu aaqqissuulluakkamik suliarisassavatit
  • Aalajangiisinnaassuseqassaatit

Neqeroorutigisinnaavagut:

  • Sapaatip-akunneranut akunnerit 40-t aalajangersimasumik suliffik.
  • Atorfik suliatigut inuttullu unammillernartunik annertuunik toraagassaqarfiusoq.
  • Suleqatigiit nuannersut, ataqatigiittut suliaminnillu aallussisut. 
  • Suliffik sunniuteqarfiusoq akisussaaffilillu.

Kommune, illoqarfik immikkoortortarlu pillugit:
Illoqarfik Tasiilaq silarsuarmi kommunit annersaanni Sermersuumi kangillerpaajuvoq. Tasiilap eqqaani ukioq kaajallallugu pinngortitarsuaq kulturikkullu misigisassanik ulikkaarpoq. Tamakku saniatigut timersuutit amerlanerit atornissaat akeqanngillat ass. fitness aamma crossfit.

Tasiilami eqqaanilu nunaqarfinni suliassat meeqqanut tunngasut BFA/BFC-mi suliarineqartarput. Suliassat ingerlanneqarnerini Meeqqanut Ilaqutariinnullu Ingerlatsivik Nuummiittoq suleqatigisarparput.

Sumiiffimmi sulisunik piginnaanngorsaanerit sulianillu pisariillisaanerit ingerlatileruttorpavut. Nutaamik eqqarsaatigaluta suliat suliarineqartarneri iliuuserineqartartullu pitsaassuunissaannik nukittorsaavugut.

Meeqqanut Ilaqutariinnullu immikkoortortaqarfik ataatsimut pisortaqarput marlunnillu katsorsaanermik aqutsisoqarluni, tassaniippullu Meeqqanut Ilaqutariinnullu Immikkoortortaq aamma Meeqqanut Ilaqutariinnullu Sullissivik. Qanimut suleqatigiittarpugut Tasiilamilu allaffeqatigiilluta.

Pineqaatissinneqarsimannginnermut uppernarsaat:
Atorfik taanna pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaammik piumasaqaateqarfiuvoq. Inatsit naapertorlugu kommune pineqaatissinneqarsimannginnermut uppernarsaammik aatsaat pippat atorfinitsitsineq aallartinneqarsinnaavoq. Taamaattumik malugeqqussavarput kommune Politiinit pineqaatissinneqarsimannginnermut uppernarsaat aatsaat tiguppagu atorfiniffiusussaq isumaqatigiissutigineqarsinnaammat.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussat, SIK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Inissaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaat:
Qinnuteqaatip ilisarnaataata Job nr. 420/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 28. August 2020
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk