Skip to main content
63

Dette jobopslag er udløbet

Tasiilami Meeqqanut Ilaqutariinnullu Immikkoortortaqarfik Isumaginninnermik Siunnersortimik/Sullissisumik sulisussarsiorpoq - Atorfiup normua 120/20

Meeqqanut ilaqutariinnullu ilungersunartumik inissisimasunut allanngueqataarusuppit?
Akuersaartumik akuutitsillutillu ataqatigiissaakkamik suleriuseqarpit?
Kalaallit Nunaannut soqutiginnittuuit imaluunnit misilittagaqarfigiviuk?
Suliat tungaasigut nutaanik unammilligaqarusuppit aammalu pinngortitarsuaq nuannariviuk?
Qulaaniittut akuerisinnaagukkit taava illit immaqa Tasiilami Ilaqutariinnut immikkoortoqarfitsinni suliussatut naleqquttuuvutit.
- Ilaqutariinnut immikkoortortaq, illit inuttut suliatigullu qularnaatsumik ineriartorfigisassat aammalu Kalaallit nunaata ilaani illit inuuninni puigunaatsorsinissannik qulakkeerussinnaavatsigit.

Tunumi ingammillu Tasiilaq pillugu inooqatigiinnut tunngasut politikkikkut nutaarsiassatigullu sammineqartupilussuupput. Unammilligassat annertoqaat, najukkamili nunalu tamakkerlugu ajornartorsiutit ilorraap tungaanut saatinniarlugit piumassuseq annertoqaaq.
Meeqqat ilaqutariillu ilungersunartumik inissisimasut pillugit anguniarusutavut amerlapput, ilaatigut inuunerinnissaq toqqissisimanissarlu meeraanermit aallartinnissaa pilersissallugu, siusissukkut iliuuseqarneq pinaveersaartitsinermillu suliaqarneq qitiutillugit.

Isumaginninnermik Siunnersorti/Sullissisumillu pikkorissumik sulerusussuseqartumillu Tasiilami ilaqutariinnut immikkoortortami anguniakkatsinnut peqataarusuttoq ujartorparput.

Kommune, illoqarfik immikkoortortarlu pillugit:

Illoqarfik Tasiilaq Kalaallit Nunaanni kommunit annersaanni Sermersuumi kangillerpaajuvoq. Tasiilap eqqaani ukioq kaajallallugu pinngortitarsuaq kulturikkullu misigisassanik ulikkaarpoq. Tamakku saniatigut timersuutit amerlanerit atornissaat akeqanngillat assersuutigalugu fitness aamma crossfit.

Tasiilami Ilaqutariinnut immikkoortortap Tasiilami nunaqarfiinilu tallimaasuni suliat meeqqanut tunngasut suliarisarpai.
Nalunaarutiginninnerit, isumaginninnerullu tungaatigut misissuinerit pillugit aaqqiissutissani Nuummi Ilaqutariinnut Immikkoortortaq suleqatigivarput.
Tasiilami Ilaqutariinnut immikkoortortap aaqqissuussaanera iluarsartuunneqaleruttorpoq - Eqqarsarpugullu sullissinitta iliuuseqarfiginnittarnittalu pitsaassusiinik qaffassaaniarluta.

Meeqqanut Ilaqutariinnullu suliassaqarfik ataatsimut aqutsisoqarpoq aammalu Meeqqanut Ilaqutariinnermullu Immikkoortortaqarfik kiisalu Meeqqanut Ilaqutariinnullu Sullissivimmiippoq. Qanimut sullissisarpugut ataatsimullu Tasiilami illoqatigiippugut.

Suliarisartagassatit:

Siusissukkut iliuuseqarnermik pinaveersaartitsinermillu suliatigut meeqqanik inuusuttunillu angerlarsimaffiup avataanut inissinneqarsimasunik sullissinerit.
Tassunga atatillugu iliuusissatut pilersaarutinik suliaqarnerit, malitseqartitsinerit, isumaginninnermilu attuumassuteqartunik aallartitsinerit taakkuninngalu malitseqartitsinernut tunngasuupput. Tamatigut innuttaasunik suleqatigisanillu allanik qanimut suleqateqarnikkut.

Naatsorsuutigaarput:

Isumaginninnermi siunnersortitut ilinniarsimasuunissat, siunnersuinermut ikiortitut pisortani sullissisutut misilittagaqarnissat.

  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasoq
  • Suliassamik ilisimaarinnittuusutit, alapernaatsuusutit ineriartortitserusuttoq, minnerunngitsumillu tunumiut kulturiannut ataqqinnittuusutit makitajuitsuusutillu
  • Suliassatta ingerlanneqarnerini ingerlaavartumik ineriartortitsinermut pitsanngorsaanermullu suleqataassasutit

Ingerlatsivik pillugu annerusunik paasiniaasoqarsinnaavoq aamma Kommuneqarfik Sermersuup nittartagaani, taassuma ataani Tasiilami kommunip ineriartortinneqarnissaanut pilersaarusiaq illoqarfimmilu kommunip allaffissorneranut nutaamik aaqqissuussineq

Tasiilami Ilaqutariinnut immikkoortortaqarfiup neqeroorutigai:

  • Suliffik pissanganartoq unamminartunillu suliassaqarfiusoq nammineq sunniuteqarfigisinnaasaq akisussaaffeqarfiusorlu
  • Suliatigut siunersiueqatigiinneq sulianillu ingerlaavartumik eqqartuineq
  • Suleqatinik, avataanilu suleqatinik qanimut suleqateqarneq
  • Akuttoqatigiissumik imaajartarnissamik neqerooruteqartoqartarpoq, aammalu sulisutut inuttullu ineriartornissamut periarfissaqarluarpoq 
  • Pitsaasumik suleqatigiittoqarnissaa anguniartuarparput, aqutsisut akornanni qanimut immersoqatigiiffiusoq, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusoq
  • Sulisutut pimoorussinerit suliaqarnitillu innuttaasunit, suleqatinit suleqatigisanillu pingaartinneqartorujussuussaaq

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussat, AK-llu isumaqatigiissutaat atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Ineqarneq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Qinnuteqaat:

Qinnuteqaatip ilisarnaataata Atorfiup normua. 120/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:                                                                                  

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 12. marts 2020
Atorfininneq: 1. april 2020 imaluunniit isumaqatigiinnikkulluunniit
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk