Skip to main content
89

Tasiilami Meeqqanut Ilaqutariinnullu Immikkoortortaqarfik Suleqatigiinnut Aqutsisumik, Isumaginninnikkut Siunnersortissanik aamma Ilaqutariinnut Siunnersortinik pissarsiorpoq – Atorfiup normua 721/19

Nunatsinni misilittagaqarpit imaluunniit nunatsinnut soqutiginnippit?

Akuersaartuuit, kajungernartumik aamma ataqatigiissaarluakkamik sulisarpit?

Meeqqanut atugarliortunut inuusuttunullu angusarissaarlutit allanngueqataarusuppit?

Sulinermut atatillugu unammillernartulimmik pissarsiorpit, aamma pinngortitamiinnissamik nuannarisaqartuuit?

Taava suleqatigiinnut ilanngugit – atorfissaqartippatsigit!

Meeqqat atugarliortut ilaqutariillu atugaannik pitsanngorsaaqataarusuppit, taamaappat Tasiilamukarit. Pikkorissunik pimoorussisunillu Ilaqutariinnut Siunnersortinik, Isumaginninnikkut Siunnersortinik aamma pisortatigoortumik aalajangersimasumik suliffimmik Suleqatigiinnik Aqutsisumik pissarsiorpugut, isumaqatigeereernerup kingorna sulilertussanik. 

Isertuutissanngilarput Tunumi aamma ingammik Tasiilami inuiaqatigiit akornanni atukkat pillugit naalakkersuinikkut aamma nutaarsiassatigut annertuumik soqutiginiarneqartuunerat. Unammillernartut annertupput, kisianni ajornartorsiutit suliarineqarnissaannut piumassuseqarpugut. Sumiiffimmi aamma nunarput tamakkerlugu.

Massakkorpiaq Danmarkimiit ikiorserneqarpugut, isumalluutitut sulisussanik ikiorserneqaratta. Tamanna atuuppoq pisortatigut- aamma katsorsaanermik suliassaqarfimmi.

Meeqqanut Ilaqutariinnullu Ingerlatsivimmi kajungernartunik amerlasuunik meeqqanut atugarliortunut aamma ilaqutariinnut suliaqarumavugut, - siullermeersumik meeraanermiit nalerisimaarnermik aamma toqqissisimanermik pilersitsinissaq. Nukittorsarumavarput aamma siuarsarumavarput siusissumik pinaveersaartitsiniarnermik suliaqarneq, aamma meeqqat ilaqutaasullu ikiorserneqarnissaannik atorfissaqartitaat aamma tapersersorneqarnissaminnut atorfissaqartitaat isumannaarlugit. Kisianni anguniakkavut iluatsissagutsigit sulisut amerlanerit atorfissaqartippavut.  

Kommune pillugu, illoqarfik aamma immikkoortortaqarfik:

Tasiilaq illoqarfik kangisinnerpaajuvoq, Kalaallit Nunaanni kommunit annersaanni, Sermersuumi. Tasiilap eqqaa pinngortitaavoq alianaatsorsuaq aamma kulturimut tunngasumik ukioq kaajallallugu misigisassaqartitsiviusinnaasoq. Aammattaaq timersuutit amerlanerit aallunnissaat akeqaratik, assersuutigalugu fitness aamma crossfit. Ukiukkut sisorarsinnaavutit imaluunniit qimusserlutit, ukiullu sinnera pinngortitaq tupinnartoq nuannersumik misigisinnaavat aamma umiatsiarlutit eqqaani  aalisarsinnallutit.

Tasiilami Meeqqanut aamma Ilaqutariinnut Ingerlatsivimmut nunaqarfiit tallimat qanittuaniittut ilaapput. Taakkunanilu nunaqarfiit inui 2200-it missaaniipput.

Immikkoortortaqarfik Nuummiittoq sulianik ingerlataqarnitsinni suleqatigisarparput. Tamannalu naammagittaalliornerit suliarineri aamma inunnik isumaginninnermut tunngasunik misissueqqissaarnernut atuuttuulluni.

Meeqqanut Ilaqutariinnullu immikkoortortaqarfimmut aamma Meeqqanut Ilaqutariinnullu inissiisarfimmut atuuttumik Meeqqanut Ilaqutariinnullu Ingerlatsivik ataatsimut Aqutsisumit aqunneqarpoq. Meeqqanik Ilaqutariinnillu inissiisarfimmi katsorsaanermut aqutsisoqarpoq. Ataatsimoorluta allaffeqarpugut ulluinnarnilu suleqatigiilluartarluta. Matuma qulaatigut Inuusuttunut illumut, Ilaqutariinnut illumut aamma inissianut, aammalu Qimarnuimmut akisussaaffeqarpugut.

Sumiiffimmi meeqqat inuusuttullu aamma ilaqutariinnut katsorsaanermut suliniutit ineriartortinnissaat qitiutippavut. Massakkut siusissumik pinaveersaartitsiniarnermut suliaqarnermik annertunerusumik ineriartortitsivugut. Suliniut siusissumik angajoqqaanut mikisunik meeralinnut Tasiilamiittunut pinaveersaartitsinermik suliaqarnermik siuarsaasussaavoq. Naatsorsuutigaarput peqqinnissaq pillugu sulianut neqeroorutip ineriartortinnissaanut atatillugu qanimut suleqatigiinnissaq. Ingerlatsivik pillugu aamma Kommuneqarfik Sermersooq pillugu kommunip nittartagaani paasissutissat erseqqinnerusut nassaarineqarsinnaapput, tassunga atatillugu kommunip Tasiilamut ineriartortitsinermik suliniutaa pillugu aamma illoqarfimmi kommunip allaffissornikkut aqutseriaasiata nutaamik aaqqissuunneqarnera.

Suleqatigiinnik aqutsisoq:

Suleqatigiinnik aqutsisumik pissarsiorpugut, suleqatinik pikkorissunik qanimut suleqatigiinnikkut, suleqatinik avataaniittunik aamma innuttaasut peqatigalugit suliassiissummik naammassiniaanermut peqataasinnaasumik. Suliassat pingaarnerpaaq tassaassaaq suliatigut aqutsineq aamma eqimattani sullissisut illuatungeralugit suleqatigiinneq.

Suliassat pillugit:

Ulluinnarni pisortatigoortumik suliat akisussaaffigilissavatit, tassunga atatillugu Tasiilami sulianik agguataarinermut akisussaalissaatit. Sullissisunut suliatigut illuatungeralugit suleqatigiinnermut suliaqartassaatit aamma sulianik pitsaassutsikkut isumannaarinermut siulersuinermut ukununnga iliuusissanut pilersaarutit pillugit aamma sulianik nangitsinerit pillugit.

Naatsorsuutigineqarpoq misissuinermik aallarteriikkat tamakkiisumik isiginninnermik pilersitsinermut peqataanissat aamma sulianik nangitsinermut assiganut sulinermut peqataanissat. Suliassaqarfinnik kattussinermi suleqatigiinnermi peqataassaatit, ingammik suliffiup iluani, aamma avataaneersunik suleqateqarlutit, aammalu isumaqatigiinnerup kingorna suliassat takkussortut utaqqiisaasumik suliarisarlugit.

Qinnuteqartunut naatsorsuutigisagut:

  • Inunnik isumaginninnikkut siunnersortitut ilinniarsimassaatit, aqutsinermillu misilittagaqarlutit
  • Meeqqanik atugarliortunik aamma ilaqutariinnik suleqateqarnissamik kissaateqassaatit, taakkununngalu misilittagaqartuullutit
  • Angusaqarluarniartuussaatit, ineriartortumik paasititsiniaarusuttuussaatit aamma nammineq ilisimasannik ilinniartitsisinnaassaatit
  • Suliassat naammassinissaannut eqeersimaartumik tapersiisumillu pilersitseqataassaatit
  • Ulluinnarni ulapaarfiusuni ukkatarinnilluarsinnaanissat aamma ilusilersukkamik sulisinnaassaatit

Inunnik isumaginninnikkut siunnersortit:

Inunnik isumaginninnikkut siunersortinik meeqqanik ilaqutariinnik aamma suleqatigiinnik suleqatigisanillu qanimut suleqateqarluni suliassat naammassiniarnerannut sulisinnaasumik pissarsiorpugut.

Suliassat:
Siusissumik pinaveersaartitsinermillu suliaqarnermi sullissineq, imaluunniit meeqqanik aamma inuusuttunik angerlarsimaffiup avataanut inissisimasunik sullissineq. Tamakkununnga suliassat atapput iliuusissanik pilersaarusiornermut aamma suliat nanginneranut, inunnik isumaginninnermut atatillugit aallartisaaneq, aamma suliat nanginnerannut. Suliassat tamarmik innuttaasut suleqatillu qanimut suleqatigalugit ingerlanneqassapput. 

Ilinnit naatsorsuutigisavut:

Inunnik isumaginninnermi siunnersortitut ilinniagaqarsimanissat, siunnersuinermik ikiortitut ilinniagaqarsimanissat, matumani pisortatigoortumik sullissinermik misilittagaqartutit.

  • Isumatusaartumik pitsaasumillu oqaloqatigiinnermi peqataasinnaasutit aamma sullinniakkat suleqatillu suleqatigalugit
  • Pimoorussisuussaatit alapernaallutit aamma siuarsaasiumassuseqassaatit, minnerunngitsumik tunumiut kulturiannut ataqqinnittuullutillu qanilaarlutit
  • Suliassat naammassiniarnerannut ineriartuillutit aamma pitsanngorsaallutit eqeersimasumik tapersiillutit.

Ilaqutariinnut siunnersortit:

Ilaqutariinnut siunnersortinik siusissumik pinaveersaartitsinermik suliaqartussanik pissarsiorpugut. Uani pineqarpoq ilaqutariinnut inuusuttuaqqanut amma naartusunut angajoqqaatut piginnaasanik pitsanngorsaanermi taperserneqarnissaannullu neqeroorummik nutaajusumik tunisineq.

Suliassat:

Suliassatit makkuupput, sullinniakkanik siunnersuineq aamma ilitsersuineq. Aangajoqqaanik ammasumik tatiginninnermillu oqaloqatigiinnikkut atassuteqarnermik pilersitsinermik anguniarlugu meeqqap atugarissaarnerulernissaa aamma ineriartornerani piumasaqaatit pitsasuunissaat. Ilaqutariinnut ilinniartitsinikkut perorsaanermullu tunngasuni aamma naleqquttumik ilitsersuinikkut tapersersussavatit.

Ilinniit naatsorsuutigaagut:

  • Perorsaasutut ilinniarsimanissat, peqqinnissamut ikiortitut, isumaginninnermi ikiorti, meeqqat mikisut pillugit siunnersorti imaluunniit allamik assingusumik isumaginninnermi suliamut tunngasumik ilinniagaqarsimanissat
  • Perorsaanermut tunngasumik imaluunniit isumaginninnermut tunngasumik suliaqarnermik misigittagaqarnissat
  • Misiginneqataasinaasutit aamma inunnik paasinnilluartartuusutit
  • Inunnut isiginneriaatsit isumalluuteqarnermik tunngaveqarnera malunnaateqassasoq
  • Kajumissaarisinnaanissat aamma allat imminnut qiviarsinnaanissaannut ikiorsinnaallugit

Atorfinnut tamanut tunngatillugu neqeroorutigaavut:

  • Suliffik unammillernartulik pissanganartorlu, annertuumik akisussaassuseqartumillu sunniuteqarfigisinnaasaq
  • Suliffitsinni avataaneersunillu suleqatinik qanimut suleqateqarneq
  • Aalajangersimasumik pisartumik nakkutiginninneq, suliassamut pikkorissuuneq aamma aqutsinermut tunngasumik siunersiueqatigiinneq
  • Suliffik ulapaaqatigiiffiusoq, tassanilu immitsinnut tapersersoqatigiinnermik salliutitsisuulluta
  • Atorfilittut pimoorussinerit sulianullu naammassisatit innuttaasuniit suleqatiniit aamma suleqatigisaniit pingaartinneqassapput

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Ineqartitsineq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Akissarsiat aamma atorfeqarnermi atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Atorfinititsineq qaammatini pingasuni misiliutitaqassaaq.

Qinnuteqaat:
Qinnuteqaatip ilisarnaataata Job nr. 721/19, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

Imatut qinnuteqaateqassaatit:                                                                                  
Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

Qinuteqaat tunniunneqassaaq kingusinnerpaamik: 27. novembari 2019
Atorfininneq: 1. decembari 2019
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk