Skip to main content
91

Dette jobopslag er udløbet

Tasiilami Isumaginninnermut siunnersortinik/sulianik sullissisunik pissarsiorpoq / Atorfiup normua 598/20

Tasiilami Meeqqanut Ilaqutariinnullu Suliassaqarfik isumaginnermut siunnersortinik/sulianik sullissisunik tunniussimasunik pissarsiorpoq.

Meeqqanut ilaqutariinnullu ilungersunartumik inissisimasunut allanngueqataarusuppit?

Akuersaartumik akuutitsillutillu ataqatigiissakkamik suleriuseqarpit?

Kalaallit Nunaannut soqutiginnittuuit imaluunnit misilittagaqarfigiviuk?

Suliat tungaasigut nutaanik unammilligaqarusuppit aammalu pinngortitarsuaq nuannariviuk?

Qulaaniittut akuerisinnaagukkit taava illit immaqa Tasiilami Ilaqutariinnut immikkoortoqarfitsinni sulisussatut naleqquttuuvutit.

Ilaqutariinnut immikkoortortaq, illit inuttut suliatigullu qularnaatsumik ineriartorfigissavat aammalu Kalaallit Nunaata ilaani illit inuuninni puigunaatsorsinissannik qulakkeerussinnaavatsigit.

Tunumi ingammillu Tasiilaq pillugu inooqatigiinnut tunngasut politikkikkut nutaarsiassatigullu sammineqartupilussuupput. Unammilligassat annertoqaat, najukkamili Nunalu tamakkerlugu ajornartorsiutit ilorraap tungaanut saatinniarlugit piumassusertaaq annertoqaaq. Oqartussaaffeqarfimmi sulisut taamaattumik amerliliiffigineqarput.

Meeqqat ilaqutariillu ilungersunartumik inissisimasut pillugit anguniarusutavut amerlapput, ilaatigut siusissukkut iliuuseqarneq pinaveersaartitsinermillu suliaqarneq qitiutillugit inuunerinnissap toqqissisimanissallu meeraanermit aallartinnissaa pilersissavarput.

Isumaginninnermik siunnersortit/sullissisullu pikkorissut sulerusussuseqartullu Tasiilami ilaqutariinnut immikkoortortami anguniakkatsinnut peqataarusuttut ujartorpavut.

Kommune, illoqarfik immikkoortortarlu pillugit:

Illoqarfik Tasiilaq nunarsuarmi kommunit annersaanni Sermersuumi kangillerpaajuvoq. Tasiilap eqqaa pinngortitarsuarmik ukiorlu kaajallallugu kulturikkut misigisassanik ulikkaarpoq. Tamakku saniatigut timersuutit amerlanerit atornissaat akeqanngillat ass. fitness aamma crossfit.

Tasiilami Ilaqutariinnut immikkoortortap Tasiilami nunaqarfiinilu tallimaasuni suliat meeqqanut tunngasut suliarisarpai.

Nalunaarutiginninnerit, isumaginninnermut misissuinerillu tungaatigut suliassanik naammassinninniarnermi Nuummi Ilaqutariinnut immikkoortortaq suleqatigivarput.

Tasiilami Ilaqutariinnut immikkoortortap aaqqissuussaanera iluarsartuunneqaleruttorpoq -  Sullissinitta iliuuseqarfiginnittarnittalu pitsaassusiinik qaffassaaniarluta eqqarsarpugut.

Meeqqanut Ilaqutariinnermullu Immikkoortortaqarfimmik kiisalu Meeqqanut Ilaqutariinnullu Sullissivimmik imaqarluni Meeqqanut Ilaqutariinnullu suliassaqarfik ataatsimut aqutsisoqarpoq. Ataatsimut Tasiilami adresseqarluta qanimut suleqatigiittarpugut.

Suliarisartagassatit:

Siusissukkut iliuuseqarnermik pinaveersaartitsinermillu suliatigut meeqqanik inuusuttunillu angerlarsimaffiup avataanut inissinneqarsimasunik sullissinerit.

Tassunga atatillugu suliassat iliuusissatut pilersaarutinik suliaqarnernut, malitseqartitsinernut, isumaginninnikkullu suliniutinik aallartitsinernut taakkuninngalu malitseqartitsinermut tunngasuupput. Tamakku tamarmik innuttaasunik suleqatigisanillu allanik qanimut suleqateqarnikkut pissapput.

Naatsorsuutigaarput:

Isumaginninnermi siunnersortitut, siunnersuinermut ikiortitut ilinniarsimasuunissat pisortanilu sullissisutut misilittagaqarnissat.

  • Sullinniakkanut suleqatinullu angusaqarfiulluartussamik pitsaasumillu oqaloqateqarsinnaasuunissat
  • Suliassamik ilisimaarinnittuussasutit, alapernaatsuullutit ineriartortitserusuttoq, minnerunngitsumillu tunumiut kulturiannut ataqqinnittuusutit makitajuitsuusutillu.
  • Suliassanik naammassinninniarnitsinni ingerlaavartumik ineriartortitsinermut pitsanngorsaanermullu suleqataassasutit

Ingerlatsivik tamatumalu ataani Tasiilami kommunip ineriartortinneqarnissaanut pilersaarusiaq illoqarfimmilu kommunip allaffissorneranut nutaamik aaqqissuussineq pillugit Kommuneqarfik Sermersuup nittartagaani annerusumik paasiniaasoqarsinnaavoq.

Tasiilami Ilaqutariinnut immikkoortortaqarfiup neqeroorutigai:

  • Suliffik pissanganartoq unamminartunillu suliassaqarfiusoq nammineq sunniuteqarfigisinnaasaq akisussaaffeqarfiusorlu.
  • Suliatigut siunersiueqatigiinneq sulianillu ingerlaavartumik eqqartuineq.
  • Suleqatinik avataanilu suleqatinik qanimut suleqateqarneq.
  • Akuttunngitsumik suliap pillugit siunnersorneqarnissamik (supervision) neqerooruteqartoqartarpoq aammalu sulisutut inuttullu ineriartornissamut periarfissaqarluarpoq.
  • Aqutsisut akornanni qanimut immersoqatigiiffiusumik, kiisalu aallartitsinissamut nutaaliornissamullu aamma assigiinngitsunik suliaqarnissamut inissaqartitsiffiusumik aqutsisoqarnikkut pitsaasumik suleqatigiittoqarnissaa anguniartuarparput.
  • Sulisutut pimoorussinerit suliaqarnitillu innuttaasunit, suleqatinit suleqatigisanillu pingaartinneqartorujussuussapput.

Akissaatinut atorfinitsitaanermullu tunngatillugit atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinititsisoqassaaq.

Ilinniagaqarsimanissamut piumasaqaatinut atatillugu atorfik 2021-p naalernissaata tungaanut pilerinartunik utaqqiisaasumik atorfinitsitaanermut atugassarititaqarpoq.

Inissaq:

Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommune uppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

 

Qinnuteqaat:

Qinnuteqaatip ilisarnaataata Job nr. 598/20, aamma ilinniagaqarsimaneq siornatigullu sulisimanermik pillugit paasissutissartalik, soraarummersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimit tiguneqareersimassaaq.

 

Imatut qinnuteqaateqassaatit:                                                                                      

Atorfik qinnuteqarfigerusutat takugukku, uagutsinnut qinnuteqaammik nassitsissuutit nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

 

 

Qinuteqaat tunniunneqassaaq kingusinnerpaamik: 30. november 2020
Atorfininneq: 1. januar 2020 imaluunniit isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Lene Warwick
Telefon: +299 367795
Nittartagaq: http://www.sermersooq.gl
Qinnuteqaat nassiutiguk