Skip to main content
121

Dette jobopslag er udløbet

Tasiilami Inuusuttut illorsuat Igdlo-mi Aqutsisussarsiorpoq / Atorfik nr. 392/21

Tasiilami Inuusuttut illorsuat Igdlo-mi Aqutsisussarsiorpoq / Atorfik nr. 392/21

Inuusuttut kulturikkut illorsuat Igdlo ineriartortuarpoq ineriartornermullu peqataarusuttumik Aqutsisussarsiorpugut.

Tasiilami Igdlo inuusuttunit 14-it 30-llu akornanni ukulinnik atuisoqarpoq inuusuttullu suleqatigalugit kulturimut tunngasunik sammisassanik assigiinngitsorpassuarnik pilersitsinissamik siunertaqarluni. Igdlomi sammisassat amerlanerpaat inuusuttut pilersitserusussusaanit nukinganillu pilersinneqartarput isumassarsiaminit suliniutiminillu piviusunngortitsiniarnerminik ikiorneqarsinnaapput.

Ulluinnarni inuusuttunut atuisunut attaveqartuusartussaagavit perorsaanermi sakkussavit ilisimmaarinnissai pingaaruteqarpoq minnerunngitsumillu inuusuttunik sullissinerusunnissat. Suliffeqarfiup avataanut nittarsaasuusussaavutit.

Suliassat assigiinngitsuupput soorluttaaq ullut suliffiit taamaattut - taamaattumik tulluarsarsinnaasaatit ammasuullutillu.

Igdlomi aqutsisup saniatigut inuit marluk suleqatigalugit suliassat agguataarneqassapput pilersaarusiorneqarlutillu.

Tasiilami katersortarfimmi aqutsisoqarpoq Aaqqissuussinermillu ataqatigiissaarisoq, Timersortarfimmi aqutsisoq, majuartaammi immikkoortortamilu aqutsisoq,Inuusuttut ornittagaani aqutsisoq. Peqqinnermut Susassaqartitsinermut Kultureqarnermullu Immikkoortoq ingerlalluartuuvoq, eqeersimaarfiusoq ineriartorfiusorlu. Tasiilami Immikkoortumi aqutsisoq attaveqarfigissavat

Ilinnut tunngasut

Naatsorsuutigaarput naleqquttumik ilinniagaqarsimassasutit, ilinniartitsisutut imaluunniit inunnik isumaginnittutut atorfimmillu assingusumik meeqqanik inuusuttunillu sullissaqarlutit misilittagaqartutit.  Pingaaruteqarpoq, illumi atuisunut saaffigiuminartuunissat suliassannillu akisussaassuteqartutit suliniutinillu namminersuuteqarsinnaasutit. Illup ammasarfii allanngorartarmata tulluarsarsinnaaneq pingaaruteqarpoq. Naatsorsuutigisinnaavat sap. ak. unnukkoortarnissat nal. 14.00-22.00 kiisalu ukiumut weekendini tallimani sulisarnissat.

Sammisaqartitsinerit amerlasuut assassornermut, nipilersornermut, tamanut saaffiginnittunut tunngasuupput kiisalu angalanerullutik qaqqanut pisuttuarnerit, sikumi aalisarnerit, sisorarnerit silamilu sammisaqartitsinerit assigiinngitsut taamaattumik takorloorsinnaasariaqarpat ilinnut tulluarnersoq.

Igdlomi perorsaanermi aallaaviusussaavutit, illiuvormi ulluinnarni atuisunut assigiinngitsunut sammisassanut tulluarsaasussaq.

Neqeroorutigaagut:

Inuttut suliannullu atatillugu inuppassuarnik assigiinngitsunik attaveqaqateqartassaatit ilinnut inuttut suliatigullu sutigut tamatigut pissarsiaqaataasussamik. Igdlo ilusilersorneqaleruttorpoq ineriartortinneqarlunilu taamaallutit paaqqinniffiup aaqqissuussaaneranut sunniuteqaqataalluarsinnaavutit.

Igdlop ineriartornissaa inuusuttunillu suleqateqarneq qulakkeerniarlugu pisortaq peqatigalugu tulluartumik ilinniagaqaqqinnissamik aalajangiisoqarsinnaavoq. 

Akisussaaffiit:
  • Illumi ulluinnarni sammisaqartitsinerni ingerlatsineq akisussaasuunerlu kiisalu atuisunik kajumissutsiminnik ikiuuttartunik suleqatinillu allanik peqateqarluni sammisaqartitsinissanik pilersaarusiornerit.
  • Suliffimmi aaqqissuussanut ataqatigiissaarineq suliffeqarfiillu allat suleqatigalugit sammisaqartitsinernut suliniutinulluunniit tunngatillugu ataqatigiissaarineq.
  • Najukkami suliffeqarfiit peqatigiiffiillu kiisalu suliffeqarfiit attuumassuteqartut suleqatigalugit ataqatigiissaarineq.
  • Illorsuup ingerlanneqarnera, tamatumani pisiniartarnerit, pisiassanik inniminniisarnerit, pigisanik nakkutilliineq inniminniinerlu.

Meeqqanik pinerliisimannginnermut aammalu pineqaatissinneqarsimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu kommuneuppernarsaatinik naammaginartutut isigineqartunik pereerpat atorfininneq aallartinneqarsinnaavoq. Taamaattumik malugeqqussavarput kommunep uppernarsaatit naammaginartutut isigineqartut, meeqqanik pinerliisimannginnermut uppernarsaat rigspolitinit, aammalu pineqaatissinneqarsimannginnermut uppernarsaat politinit pippagit atorfininnissaq inissinneqassammat.
Meeqqanik pinerliisimannginnermut uppernarsaat kommunemit aaneqassaaq pineqartumit akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami politiqarfimmut aaneqassaaq.

Akissaatinut atorfinitsitaanermullu tunngatillugit atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, IMAK, NPK imaluunniit Kalaallit Nunaannilu kattuffiup allap isumaqatiginninniarsinnaatitaasup isumaqatigiissutaat atuuttut malillugit atorfinitsitsisoqassaaq.

Atorfinititsineq qaammatini pingasuni misiliutitaqassaaq.

Inissiaq:
Atorfimmut atatillugu inissamik innersuussisoqarsinnaavoq, tassungalu qularnaveeqqut, ineqarnermut akiliutit, atuineq il.il. akilerneqartassapput, Kalaallit Nunaanni Namminersorlutik Oqartussat Kommunit il.il. inissiaataanni najugalinnik ineqarnermut akiliuteqartitsisarneq pillugu malittarisassat sukkulluunniit atuuttut naapertorlugit. Atorfimmut atatillugu inissiamik ataavartumik atorfinitsitaanerup kinguninnguagut attartorneqartussamik attartortitsisoqarsinnaanngippat, sulisut utaqqiisaasumik ineqarsinnaatitaasut, utaqqiisaasumik inissaannik neqeroorfigineqassapput, tassungalu ineqarnermut, atuinermut il.il. qulaani taaneqartoq innersuussutigalugu akiliuteqartoqassaaq. Ineqarnermut akiliutit pillugit annertunerusumik paasisaqarniaraanni, atuineq il.il. ilanngullugit uunga innersuussisoqarpoq: www.iserit.gl

Atorfiniffissaq ullulerneqassaaq suliffimmut atasumik inissaqartitsisoqarnera apeqqutaatillugu. Inatsisit atuuttut naapertorlugit atorfininnermut atatillugu angalaneq pisattanillu nassiussineq akilerneqassapput.

Qinnuteqaatip:
Qinnuteqaatip ilisarnaataata Atorfiup ilisarnaataa  392/21 aamma ilinniagaqarsimaneq siornatigullu sulisimanermik pillugit paasissutissartalik, soraarummeersimanermut uppernarsaatitalik qinnuteqaateqarnissamut piffissarititaasup qaangiutinnginnerani sulisoqarnermut immikkoortortaqarfimmit tiguneqareersimassaaq.

Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu.
Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

MALIGIUK: Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

 

Qinuteqaat tunniunneqassaaq kingusinnerpaamik: 2. August 2021
Atorfininneq: Isumaqatigiinnikkut
Akunnerit suliffiit: Ulloq naallugu
Suliffik: Tasiilaq
Paasissutissat allat uani piniarneqarsinnaapput: Gert Ignatiussen
Telefon: +299 367799
Nittartagaq: http://www.sermersooq.gl
Qinnuteqaat nassiutiguk